Yashatse kuvana umukunzi we muri gereza amutwaye mu ivarisi

Urukundo ngo rurakomeye ariko ntirwabashije gutorokesha umukunzi we, ahubwo rwatumye nawe afungwa.

Ni umugore wo muri Venezuela witwa Antonieta Saouda w’imyaka 25 watawe muri yombi agerageza gutorokesha umukunzi we gereza yamuzingiye mu ivarisi akayikurura asohoka.

Uyu mugore yagiye kuri gereza gusura umunzi we ufunze ari kumwe n’umukobwa w’imyaka itandatu babyaranye, ariko anafite umugambo w’uko baza gutahana bose ari batatu bishimye.

Gusa umugambi we wo gutorokesha umugabo we warapfubye kuko babonye akururana ivarisi iremereye kandi yinjiye nta ngorane bituma abarinzi bagira amakenga y’ikintu atwaye mu ivarisi nk’uko bivugwa n’ikinyamakuru ElMundo.

Bagifunguye basanzemo imfungwa yizingazingiyemo, yabashije kwihinahina nubwo ari muremure ndetse hanarimo bimwe mu bikinisho by’umukobwa wabo.

Uyu mugabo ufunze witwa Garcia we yahise yongera kujungunywa inyuma y’inkuta aho asanzwe yarakatiwe kumara imyaka 10 kubera kwiba imodoka.

Umukunzi we Saouda nawe yahise atabwa muri yombi naho umukobwa wabo we aba afashwe n’abo muri serivisi za social by’igihe gito.

Birangira abari gutahana ari batatu batatanyijwe mu kababaro karushijeho.

UM– USEKE.RW