Kimisagara: Mu gitondo kare, yagonze akabari kubera ubusinzi

CHIEF EDITOR
12/21/2016

Mu gitondo hafi saa kumi n’ebyiri kuri uyu wa gatatu umusore wari utwaye imodoka ya Nissan Hardbody yarenze umuhanda agonga urukuta rw’akabari ku muhanda umanuka ku Kimisagara ugana Nyabugogo urenze kuri dos d’ane zo hafi y’ahitwa kuri green corner.

Imodoka yayirengeje umuhanda yinjira mu kandi kabari

Ababonye uyu musore wari kumwe n’inkumi (bikekwa ko batashakanye) bavuga ko yari yasinze kandi yasaga n’ukiva mu kabari muri iki gitondo.

Aho yagonze naho ni ku rugo rw’akabari.

Bavuga ko urebye nta kindi cyaba cyateye iyi mpanuka uretse ubusinzi kuko nta nkomyi cyangwa ikindi kintu cyari gutuma arenga umuhanda akagonga urukuta muri icyo gitondo cya kare.

Umwe mu bahageze mbere ati “Ashobora kuba yasinziriye cyangwa yarangaye byo gusinda agashiduka yatikuye urupangu rw’abandi”

Iyi mpanuka yabaye mu gihe uyu munsi nyine Chief Supt Lynder Nkuranga umuvugizi wungirije wa Police y’u Rwanda yatanze ubutumwa buhamagarira abantu kwitwararika umutekano muri izi mpera z’umwaka.

Cyane cyane abantu birinda gutwara ibinyabiziga basinze, gutwara ku muvuduko ukabije n’uburangare bundi bikunda gutera impanuka mu mpera z’umwaka.

Chief Supt. Nkuranga yasabye ubufatanye n’abaturage mu kugaragaza ahari ibyaha biciye ku mirongo y’ubuntu bamenyesha Police (113 impanuka mu muhanda, 3512 ihohoterwa rishingiye ku gitsina, 997 ruswa, 111 inkongi, 112 ikindi kihutirwa).

Police muri ibi bihe by’iminsi mikuru ngo ubaye wasinze ufite impungenge zo gutwara ikinyabiziga wayihamagara ikagutwara.

Abamubonye bavuga ko nta nkomyi cyangwa ikindi kintu cyari gutuma arenga umuhanda mu gitondo cya kare

Yaba ari umutoza w'intore? Uwagonze ni umusore abamubonye bavuga yari avuye mu kabari atahanye n'iyi nkumi gusa ntacyo babaye. — Yaba ari umutoza w’intore? Uwagonze ni umusore abamubonye bavuga yari avuye mu kabari atahanye n’iyi nkumi gusa ntacyo babaye.

UM– USEKE.RW

16 Comments

beli says:
12/21/2016 at 11:12

ikaze Kweli…..Umutoza w’intore koko?

joseph says:
12/21/2016 at 11:34

Satani yabahembye;

Urwenya says:
12/21/2016 at 11:50

Ngo umugabo yahaze urwagwa atashye iwe agwira insina iravunika, ni ko kuyibwira ati n’ubundi ni wowe nyirabayazana.
- funny says:
  12/21/2016 at 12:39
  
  Hahahaahaa nubundi akabari niko nyirabayazana!

Akumiro says:
12/21/2016 at 11:51

Iyi ntore ikwiye gusubira mu kiburamwaka cy’itorero.

kukumbe says:
12/21/2016 at 13:50

N’Intoraguramayugi

pat says:
12/21/2016 at 14:15

Yooo imana ishimwe kuko ntamuntu wahakomerekeye imodoka nijye muri garage nigipangu gisanwe

tity says:
12/21/2016 at 14:50

Ariko murareba urukoza soni”kujya mu mafuti wambaye umwambaro w’abatoza b’intore!!” aka ni akumiro, kurara ku gasozi n’umukobwa usa kuriya!!! utwaye Imodoka isa kuriya!!!

batamuliza says:
12/21/2016 at 14:50

Aba bantu se, n’ubwo amasura yabo yahishwe banze baramenyekana!!

kab says:
12/21/2016 at 16:14

pole sana driver mwenzangu kosa umetenda aiko ya ma driver kugonga ukuta ya bara imekuima DENI!!!!!!!!

joaan says:
12/21/2016 at 16:16

WABONA BARIBAVUYE MURI NIBATURE

kiki says:
12/21/2016 at 16:17

NIBATURE!!!!!!!!!!

Mr Gaga Aboud says:
12/21/2016 at 17:16

Nibature koko!!
Yabanatuye kbsa warara kugasozi,ugatahana ikiryabarezi bikakugwa Amahoro koko??? Ahaaaa nzoba ndeba

Mr Gaga Aboud says:
12/21/2016 at 17:45

Nibature koko!!
Yanababatuye kbsa warara kugasozi,ugatahana ikiryabarezi bikakugwa Amahoro koko??? Ahaaaa nzoba ndeba

Dude says:
12/22/2016 at 03:27

Hhhhhhh uyu muntu uvuze ko bari bavuye muri nibature aranyishe kbsa cyakora Imana ishimwe ko ntawakomeretse cg ngo ahasige ubuzima naho ubundi kuba yagonze akabari avuye mu kandi ndumva ari buhite afata umwanzuro wo kuzireka. Ngo uyikura mu icupa ikagukura mu bagabo!

boniface says:
12/22/2016 at 10:05

Gutwara imodoka umuntu yanyoye agacupa kenshi nibibi kandi polisi yacu ntihwema kwitwigisha ububi bwo gutwara imodoka twanyoye gusa bibere n’abandi isomo, kandi yishyure nibyabandi yangije.

Comments are closed.

Share this:

16 Comments