Mu 2016 hishwe abanyamakuru 57 bari mu kazi

Abanyamakuru 57 ahanyuranye ku isi bishwe muri uyu mwaka turi gusoza bari mu kazi kabo nk’uko byatangajwe kuri uyu wa mbere na Reporters Without Borders.

Aba banyamakuru 19 bonyine biciwe muri Syria, 10 muri Afghanistan, icyenda muri Mexique na batanu muri Iraq.

Abishwe hafi ya bose bari abanyamakuru b’imbere mu bihugu byabo.

Nubwo uyu mubare uri muri ya 67 bishwe mu 2015, Reporters Without Borders ivuga ko hari ikibazo cy’uko abanyamakuru benshi bahunze mu bihugu byabo cyane muri  Syria, Iraq, Libya, Yemen, Afghanistan n’i Burundi.

Ivuga ko kuba abanyamakuru bamwe barahunze ibi bihugu birimo intambara byatumye hari amakuru abura ndetse binazamura umuco wo kudahana.

Usibye abanyamakuru bishwe, ubu hanishwe abanditsi bigenga (bloggers) icyenda n’abakozi b’ibibyamakuru batari abanyamakuru umunani.

Muri Afghanistan abanyamakuru 10 barahizwe baricwa kubera umwuga wabo.

Barindwi barimo abagore batatu bo biciwe mu gitero cy’ubwiyahuzi mu kwezi kwa mbere. Igitero cyigambwe n’abaTaliban.

Reporters Without Borders yasabye umunyamabanga mukuru wa UN mushya Antonio Guterres gushyiraho uburyo bushya bwo kurengera abanyamakuru.

UM– USEKE.RW