UMUKINNYI W’UKWEZI: uw’Ugushyingo azahembwa muri Week-end
Uwahize abandi muri aba bane azahembwa mu mpera z’iki cyumweru
Umukinnyi warushije abandi kwitwara neza muri Shampionat Azam Rwanda Premier League mu mpera z’iki cyumweru nibwo azashyikirizwa igihembo. Azaba ari uwa kabiri uhawe iki gihembo kizajya gitangwa buri kwezi na Umuseke IT Lt.
Ni igitekerezo kigamije guteza imbere umupira, kongera ishyaka mu irushanwa no kumenyekanisha kurushaho impano z’abakinnyi bakina mu Rwanda.
Umuseke ufatanyije n’abasomyi bawo batoye, abatekinisiye mu mupira w’amaguru n’abanyamakuru b’imikino bakurukirana Azam Rwanda Premier League buri munsi, bazatangaza umukinnyi wahize abandi mu kwezi k’Ugushyingo muri iyi shampiyona y’u Rwanda.
Uwatsinze azatangazwa anahembwe muri bane bari barushije abandi ku ikubitiro aribo; rutahizamu wa Etincelles FC Kamabale Salita Gentil, myugariro wa Espoir FC Nyandwi Saddam, Umunyezamu wa Rayon sports Ndayishimiye Eric bita Bakame na Danny Usengimana rutahizamu wa Police FC.
Amatora kuri Internet yarangiye ku cyumweru tariki 11 Ukuboza. Hakurikiraho igikorwa cyo kubarura amajwi y’abatoye no gutora kw’akanama nkemurampaka k’abatekinisiye n’abanyamakuru.
Uwatsinze muri bariya bane azamenyekana anahemberwe ku mukino ikipe ye ifite mu mpera z’iki cyumweru.
Imikino ishobora gutangirwaho igihembo:
Ndayishimiye Eric Bakame atsinze, yahembwa ku mukino Rayon sports izasuramo Mukura VS kuwa gatanu tariki 16 Ugushyingo 2016, kuri stade Huye.
Danny Usingimana cyangwa Kambale Salita Gentil umwe atsinze, yahembwa ku mukino Etincelles FC izasuramo Police FC kuwa gatandatu kuri stade ya Kicukiro.
Nyandwi Saddam atsinze, yahabwa igihembo cye ku mukino Espoir FC izakiramo Pepinieres FC kuwa gatandatu tariki 17 Ugushyingo 2016, kuri stade Rusizi.
Roben NGABO
UM– USEKE.RW
English
9 Comments
Ariko ko mubamushaka guha amafaranga abarayon mwagiye muyabaha ntimubeshyengo ngo ni abarushabandi? Bakame ???? ariko akumiro ni……..
@ Mugabe Eric
Ariko nkawe abandi batora warihe ko numva ufite ikibazo cy’uko umukinnyi wa Rayon Sports ashobora gutwara igihembo?
Nakugira inama yo gushyiraho igihembo cyawe maze ukajya ucyima abakinnyi ba Rayon Sports ariko ureke abandi bakomeze gahunda yabo!!!
Ariko nkubu waburana gute umunyezamu utarinjizwa igitego kuva championat yatangira
None c nkawe Eric,niba wumva uburyo batorwa mo ushingirahe ko ari ugushaka guha amafaranga abakinnyi ba Rayon.Bitabaye ibyo wapanga nawe izawe gahunda ubona zakunyura.ariko urumva rwose ko ari ingeri nyinshi zitora nkumva nta mpungenge zirimo.Dutegereze kariya kanama Nkemurampaka tutavaho tukavangira tukazana amarangamutima.
Haruwakubwiyeko ko bahemba abatarinjizwa igitegose yagarura utatewemose? Yariyafata uwuhe se niba ujya ureba umupira udafana kumunwa? Ibyo namarangamutima yawe ariko iyo ugiye gutanga ibihembo ubiha ababikwiye kugirango bitere ingufu abandi zogukora cyane ntureba uwo ufana,nonese iyo mugihuhugu ntabataka bagaragaramo ushima abazamu?
Ariko ndumva wowe Eric waba uri kurakazwa n’ubusa. igihembo ntikiratangwa ntiharamenyekana uzagitwara none uti abarayons!! Ibyo ni ukugaragaza ko utayikunda gusa ariko twe ntacyo bidutwaye Gikundiro yacu tuzakomeza tuyikunde, Uzahabwa kiriya gihembo wese tuzabyakira naho iby’amarangamutima byo buri wese yavuga uko yishakiye.
Ahaaaa!!! Gusa mbona umuseke mu iangwa ry’ibi bihembo ufite ihurizo rikomeye!! NOnese niba kuri vote za hano Bakame yari afite 82%, kandi ayo akaba ariyo abakunzi twabonye, ubwomugaruye undi muvuga ko ariwe watsinze, murumva mwakira abakunzi b’ikinyamakuru cyanyu? Abo batekenisiye rwose bo bashobora kubon aibitandukanye nibyo abakunzi bakoze, ariko se mwe muzagira ikihe cyubahiro mu gihe mwitandukanyije nibyo abasomyi bakoze!!!
Ikindi kibazo mfite: Ese mushyiraho iri rushanwa mwari mwiteguye guhangana n’abafana ba Rayons kubera ubwinshi bwabo umurava n’ishyaka bafite ryo gushyigikira abakinnyi babo?
Rwose iki gihembo ni cyiza, ariko uburyo bwo kugitangamo bwo ni ibintu bitoroshye, utiyibagije na technology aho igeze kuri ubu. AMahirwe masa kubaza bagiriwe icyizere cyo gushyirwa ku rutonde!!
Bizajya bigorana mugihe hari umukinnyi wa rayon sport uri kurutonde kuko abafana bayo nibenshi kandi biragoye ko batora undi mukinnyi mugihe hari uwikipe ufana
tuvugishije ukuri wumva equipe yaba iri kumwanya wambere ikaburamo umukinnyi,
ikindi kuba abarayons ari benshi ntibivuze ko aribo batora gusa hari nabafana bandi
ma equipe batora abakinnyi batitaye aho bakina ahubwo barebye uko bahagaze ubu.
Comments are closed.