Episode 60: Eddy abonye umukobwa umutwaye umutima
Twavuye aho turazamuka tujya hejuru muri etage ya kabiri, aho niho chambre bari baduhaye zari ziri, nari nkiri kumwe na Destine tugera kuri chamber N°45 ariyo ye na N°46 ariyo yanjye ahita ambwira
Destine-“ Eddy mbega ahantu!, kuhagera ko bizajya bingora!!, nizere ko uzajya unzamura!”
Njyewe-“ariko ntihagoye cyane Desti, ahubwo nuko utari wahamenyera!”
Destine-“ oya shaaaa!,ahubwo Imana ishimwe ubwo baduhaye chambres zegeranye!”
Njyewe-“hhhhhhh, noneho ubwo ahari nzajya nguheka!”
Destine-“uuuuuh ayo mahirwe se sha nayakura hehe?”
Njyewe-“ hhhh, Desti, reka mbe nduhuka buriya ubwo turasubira!”
Destine-“ uuuuuh, ntacyo igendere gusa wibuke ko ndi umuturanyi!!”
Njyewe-“hhhhh sawa ibihe byiza!!”
Destine-“thank you Eddy!”
Nageze muri chambre ndambika igikapu ku meza yari araho hafi, nirambika ku buriri mba nduhutseho gato, hashize akanya mfata telephone ndeba numero ya James nkanda Yes nshyira ku gutwi,nk’ibisanzwe ayitaba vuba!
James-“ Yes Bro ndakumva!!”
Njyewe-“Hello, bite James?”,
James-“eeeeeh uracyabaho Brother?”
Njyewe-“urumva najyahe se wangu?”
James-“ko utambwiye ngo nze umpe irya nyuma se byahindutse ntiwagiye?”
Njyewe-“hhhhhhhh ,maze ubu tuvugana nageze i Huye !”
James-“eeeeh ,ubwo se watangiye no kumenya utubari twaho ra?”
Njyewe-“hhhhh ,va muri ibyo Bro, ahubwo umva nkubwire, uribuka nimugoroba ya numero yampamagaye igihe twari turi hahandi?
James-“uravuga igihe telephone ikuzimiraho se?”
Njyewe-“yeeeee!”
James-“ndayibuka Bro! nonese nyine ngo bimeze bite?”
Njyewe-“burya yari wa mukobwa Destine dukorana kandi ……..,
James namubwiye byose uko byagenze kugera tugeze i Huye ahita ambwira,
James-“ hhhhh, witoraguriye intama mu iteme sha, nizere ko utari buze kubura ubwenge, sinakubwiye ko utagiye mu mahugurwa ahubwo ugiye picnic , fatiraho rero!”
Njyewe-“James urabizi ko icyo mpa agaciro ari akazi,ibyo bindi wenda bizaza nyuma ,inama ungiriye ni iyihe ahubwo?”
James-“ hhhhhhh wasakiwe ahubwo,uwo mwari se urumva atari mu rukundo, gusa uzabanze ugende bucye, ubanze umunye ikimugenza kuri wowe, ndetse umenye n’imico ye nusanga imeze nk’iya Kabebe, uzafatireho wasanga ari nk’Impanga ye!”
Njyewe-“oya James ,wasanga wenda yifitiye umutima mwiza bisanzwe akaba atari urukundo, gusa ukuntu nanjye numva nkeneye urukundo, ndumva…. nako nzabanza menye aho byose byerecyera, ubwo nzajya nkubwira uko mbayeho!”
James-“urakoze cyane Bro!”
Call end ,
Nkimara kuvugana na James nashyize headfones mu matwi mba niyumvira music nshiduka nasinziriye nakangutse nka saa kumi nimwe njya douche mvuyeyo nditunganya neza , ndavuga nti reka mbe nigiriye hanze gato mbe mfata akuka k’i Huye ,nsohoka mu cyumba, ndamanuka ngeze hasi ndakomeza ngana aho basohokera ndebye hirya gato mbona umukobwa uhagaze impande ya Guet afite Valise nini y’umukara, mu ku mureba kugarura amaso birananira ndetse nshiduka nanahagaze!
Muri icyo gitondo uwo mukobwa yasaga nkaho aribwo aje mbega yari yabuze amerekezo, ubona bisa nkaho byamucanze, ubwo sinzi ukuntu twahuje amaso mbona umwezi utamye mu maso yanjye umutima uransimbuka, hashize akanya nibuka ko ndimo ngenda, ndakomeza ariko nihuta agatima karanga ndongera ndahindukira duhuza amaso nanone, ngiye kumva numva sinzi ikinkubise mba ndizengurukije ngiye kwikubita hasi mfata ku nkingi yari ihari, telephone n’ibindi nari mfite byose binyanyagira aho hasi.
Narahindukiye mbona umugabo mukuru uhagaze hejuru yanjye ,ahita ambwira,
We-“ niko musore,uko ngana ntya koko uramputaza? n’utubaraga nari nifitite koko ushaka kutumaramo?”
N’igisebo kinshi natangiye gutoragura nsaba n’imbabazi, uwo mugabo ahita anigendera, mpita nunamuka vuba vuba ncaho nihuta, nsohoka numva niyanze, nakwibuka ukuntu mputaje umugabo nkabandagara ndangarira umukobwa w’abandi nkumva simbyiyumvisha, nibajije abakobwa bose nanyuzeho ariko uwo akaba ariwe utumye nkora ibyo nkumva birancanze, ndakomeza ndagenda nubwo ntari nzi aho njya ,ndebye imbere mbona ahantu hirya gato hari icyapa cya Heineken mpita menya ko ari mu kabari ndavuga nti byose ni kimwe ndasebye reka njye kwiyibagiza ibimbayeho.
Ubwo naragiye ndicara mpamagara umu servaire,
Njyewe-“umva sha, nzanira Fanta aho kandi giravuba cyangwa njye kuyizanira!”
Namuturaga umujinya nkaho ariwe watumye mbandagara imbere y’umwana w’abandi nkahata ibaba, maze nawe aza yiruka, namaze rimwe mu kanya gato, mu gihe ngiye kwaka irindi telephone yanjye iba irasonnye ndebye nsanga ni Destine nkanda yes nshyira ku gutwi!,
Njyewe-“hello”
Destine-“Eddy uracyaruhuka se?”
Njyewe-“wapi nari mbaye ndi gutembera gato ngo menyere Huye!”
Destine-“uuuuuh uri umwana mubi! ubwo se iyo umbwira nkaguherekeza nari bugusebye?”
Njyewe-“oya,ntacyo ubutaha ubwo tuzajyana!”
Destine-“really?”
Njyewe-“ yego!”
Destine-“ ngaho ngwino rero ngo mu kanya saa moya haraba gutangiza amahugurwa!”
Njyewe-“ urakoze cyane reka nze!”
call end.
Ubwo ibyo kwaka indi nabivuyemo ndishyura ubundi nsubira aho amahugurwa yaberaga ariko nagendaga nsenga Imana ngo wa mukobwa nawe ataba yaje mu mahugurwa bityo sinongere kurebana nawe,
Nagezeyo nsanga baninjiye, ubwo nanjye ndinjira nanga gukomeza imbere ndavuga nti reka mpinire hafi, nahise nicara mu ntebe z’inyuma ndegama nanjye ndakurikira nk’abandi sinzi ukuntu nahindukiye gato hirya yanjye ,ooooh My God!, uwakubwira umuntu nasanze twicaranye.
Nasanze ari wa mukobwa nasebeye imbere igihe nari namurangariye, ako kanya numvise isi inyituyeho mbura aho ndeba mera nk’ipoto, wakwibaza uti umuntu w’umugabo umukobwa amuhagarika amaraso kweli!? Nanjye nayobewe ibiri kumbaho.
Nakomeje kwicara ndeba imbere habe n’agatima ko kongera guhindukira, ibyo bavugaga icyo gihe ubanza ntabyo numvaga kuko hashize umwanya mbona abantu bose barahagurutse mpita menya ko basoje nanjye mpaguruka vuba vuba ngo ngende ngeze mu muryango nsanga abantu ni benshi, biba ngombwa ko tworoherana hagenda hasohoka bacye bacye ngikandagiza ukuguru hanze numva umuntu ankoze mu mugongo mpindukiye mbona isura ituje, mbona amaso arebana impuhwe, ubwiza buteye ubwuzu, nanjye mureba ntahumbya arambura ukuboko buhoro nanjye ndamura ukwanjye nkimukoraho numva utuntu tunyirutsemo ahita avuga mu kajwi gato gatuje.
We-“Bite? nari nzi ko ntari bwongere kukubona, akira headphones zawe wibagiwe gutoragura cya gihe!”
Ntaragira icyo mvuga arongera ,
We-“ kandi pole bibaho!”
Nahise nzifata nzishyira mu mufuka ngishaka icyo mvuga aba arongeye arambwiye,
We-“ nitwa Jane!”
Njyewe-“Jane?”
We-“yego, nkorera company imwe muzatumiwe hano, dukorera mu mugi wa Kigali, najye rero naje nyihagarariye!”
Kuri njye byari nk’igitangaza wagira ngo nari nabonekewe, amaso nari nayahanze isura itagira uko isa y’umukobwa wari umpagaze imbere,ku mutima nti niyo imodoka inyura hejuru nari kuba nzize ukuri kabisa.
Ubwo ntaramusubiza nahise numva ijwi riza rimpamagara cyane mpindukiye nsanga ni Destine ,
Destine-“ mbega Eddy uzi ko nagushatse ahantu hose nkakubura mbega wari wibereye hano? ,ngwino tujye Restaurant dore n’abandi niho bagiye!”
Nanze kwereka Destine ko ntashaka kuva aho, nanone nanga kwereka uwo mukobwa wasaga nkaho yanziritse amaso ko ntari cishwa aha, ngize ngo ngire icyo mvuga ,
Jane-“ bye!”
Njyewe-“wakoze cyane Jane kandi nishimiye kukumenya!”
Yahise yigendera nkimwitegereza, Destine nawe ahita amfata munda asa nunkurura, turakomeza twerekeza muri Restaurant, twagiye Destine atavuga ubona ko yarakaye ukuntu, ariko nanone nakubita agatima ku kuntu yanyitagaho nkumva ndamwishimiye kandi koko nari mbikeneye, ubwo ntangira kumusetsa-setsa!
Twakomeje kugenda tugeze imbere arambwira,
Destine-“ Eddy uriya mukobwa mbasanganye ni uwa he?”
Njyewe-“uriya twariganye kera muri Tronc commun,.”
….n’ibindi byinshi ntibuka gusa nanjye sinzi impamvu nahisemo kumubeshya kuruta uko namubwiza ukuri, ubanza ari nabwo bwa mbere nari mbeshye, ntababeshye byarikoze sinzi aho byavuye!
Destine-“si ukukubeshya numvaga namubaza icyo agushakaho!”
Njyewe-“uuuh Desti, nonese hari icyo bigutwaye?”
Destine-“reka njye nanga udukobwa tw’ipendekeza ku bahungu!”
Destine yavuze gutyo ndikanga, ndahindukira ndamureba mbura ijambo namubwira, gusa hari icyo nahise nandika ku mutima!,
Twageze muri Restaurant, byari self-service namwe murabyumva!, Dutonda umurongo nk’abandi, Destine ajya imbere nanjye munjya inyuma, dufata amasahani dutangira kwihereza intungamubiri, ubundi tujya kwicara dutangira kurya sinzi ukuntu nakubise akajisho hirya gato mpuza amaso na wa mwana w’umukobwa Jane mpita nongera ngarura amaso, nkomeza kurya, nkajya nongera nkanyuzamo nkamwitegereza, uko mbikora Destine nawe agahindukira ariko ntamenye ibiri kuba, tukiri muri ibyo……………………
Episode ya 61 ni ejo mu gitondo…
English
49 Comments
Number 1
AAAAHHHh, Jane ndamwibutseeeee, Inkuru igitangiraaaa. My Day of Surprise irashize irageze!!! Yuuuuuu
Nibyo Umusomyi2! Wabimenye cyane!! Nanjye basubije icyifuzo cyanjye vuba! Ejo bundi nari nasabye ko Eddy yakongera kubonana na Kabebe none birabaye. Congs abategura iyi nkuru. Uriya ni Kabebe, yitwa Jane kandi yize accountacy, byunvikane ko nawe yaje guhagararira company akorera. Amaherezo barahuye, Imana ishimwe.
Waouuhh mbega aka episode nuko kabaye gato ariko kararyoshye pe, Eddy wari warigenje none ubonye ugukura mu byawe gusa ndumva ari Kabebe wakuze ukaba udahise umumenya niba nibuka neza nawe yitwaga Jane. Naho Destine nta mwali umurimo ntaho ataniye na fille atangiye kugufuhira nubwo atari uko umukobwa muzima ufite urukundo nyarwo afuha yita mugenzi we ngo agakobwa kipendekeza! No agatangaza kbsa. Bigeze aharyoshye pe umuseke ndabemera sana can’t wait new episode tomorrow!
Ariko ufite igikundiro wamuhungu we,sindumva utereta umukobwa ,uravuga gusa bikarangira aribo baguterese ,ariko ndabona biganisha kukubona uwo wiyumvamo tu,uyu jeanne hatagize izindi mpamvu hehe na Kabebe?
Ahhhh wabona Eddy atagiye mubi subizo .Destine na we gufuha ko bimwishera kaseka undi mwana kandi mbona nawe atarushwa kwipendekeza
Inkuru itangiye kuryoha, imeze neza kbs.
Numero 1 nabatanze. Eddy witondere Destine utangiye kukubuza kuvugana nurungano utaramwemerera urukundo. Kurikirana uwo mwana ufate number ibindi uzagenda ubimenya.
Number1
Ndishimye cyane kuba Eddy abonye umwana yikundira ubwe atari uguhora abakobwa ari bo bamubanza mu rukundo
Ndabatanze pee!
Mana weeee ko ari gato cyane koko ubu mudukoze ibiki? Hhhhhh Destine imifureko imumereye nabi
Mana weee…ibibaye kuri eddy byambayeho neza neza. Nuko tutari i huye gusa, naho ubundi ninjye muvuga.
uyu munsi mbaye 1
Burigihe mba ndi imbere kugasoma, gusa eddy yirinde gufatafata.
Eddy we gabanya utazisama wasandaye. Witonde mu gukunda kwawe.
Umuseke rwose ujye ushyiraho Episodes ebyiri ku munsi
Nanjye ndabishyigikiye p…..2 ku munsi
Urukundo sikintu. Murumva ukuntu Eddy yabaye abonye Jane? Ibyo rero nirwo rukundo rwumwimerere rutagira ikintu rushingiraho kuko ntibaraganira ngo amenye aho akomoka cg akora ariko byaje nkibisazi
Kabene arabonetse ahuuuu!!! Eddy ???????? ikibazo nuko yaba yarashatse umugabo weeee!!!
mwaramutse,inkuru igitangira harimo JANE,hahandi habanziriza episode yambere,ahubwo ibyiza biratangiye,naho Destine we niyo yakwitendeka gute Eddy azamukuzaho
Sinigeze nandika kndi narayitangiye yose ariko ibi bintu nibyiza cyaneeee
Eddy, uwo ni Kabebe tu, kuko ndibuka ko nawe yitwaga Jane. Itondere Destine, ahubwo kurikirana neza iby’uwo mwari watumye ubandagara,urasanga ari Kabebe wawe wakomeje gutegereza.
yooooo,ese Kabebe yitwaga JANE??uziko wabona ariwe???!!!!!!!!!!!
wwaa kabebe niwe jane gusa mwibuke EDDY we ntabwo yabwiye Janne izina rye
Hahahahah mbega ukuntu igeze aahantu hezaaaa,
Arko mbega mwebwe uziko wagirango nubwo iyi nkuru igitangira was amatsiko arazamura tansiyo wallah
Uziko koko Kabebe yitwa Jane? Ibaze abaye ari we!! Eddy yaba asubijwe pee!!! Ndabikunze cyane
Ndabikunze cyane,ariko UM– USEKE mujye muduha episode 2 wenda imwe mugitondo indi nimugoroba.
Wooowuuuuu amarira yanyishe mwijya Kure Eddy yabonye urukundo rwe Kabebe kuko ni ko yitwaga, rero kubwo kwirinda no kurinda isezerano Imana iramwibutse. Imana ishimwe weee Eddy ryoherwa n’urukundo rwa original
sindi burote bucya ngo indi episode ijyeho weeeee!!!ariko Destine arabangama nawe!!!aratuma baza kuvugana Bahu???
mbega ngo biraryoha weeeee, ubuse kabebe ntararongorwa koko? ariko nawe yavugishaga eddy amwitayeho sinzi nimba mwabibonye! ubuse destine azaborohera ra!? reka twumve suite gusa Eddy abe akujeho Destine hakiri kare kuko njyewe narangije kumubonamo ubushizi bwisoni kareeeeeeee. abikore mukinyabupfura kuko ni collegue we muri company
Eddy agiye kurira muminsi mike nubwo mwishimye
Niba kabebe yaritwaga Jane buriya niwe,ariko sinumva ukuntu Eddy yaba yaribagiwe isura ye pee!!Tuvuge se ko kabebe we amwibuka!!?
Aaaaah inkuru irarangiye koko ndabibonye Kabebe niwe Jane, Yabwiye izina rye Eddy, we ntiyarivuga ariko and nawe abwiye Destine ko biganye muri Troc commun bivuga ko yamuketse, akabuno kuntebe amaso ku museke !!!!!!
Narabivuze muranseka, None do, EDDY-DESTINE = JANE(Kabebe)@ EDDY’DESTIN
Ejo Muzambwira!!!
hhhhhhhhhhhhhhhhhhh.mbega eddy ngo biramubana uburyohe naho destin nawe araho ari mumabenya.ngo ntakunda abakobwa bibambaza kubahungu kdi ariwe uri kubikora?
waooo. ndaruhutse weee. kabebe arabonetse yitwa Jeanne muri episode ya 18 cyagihe babatuma ababyeyi. gusa Imana imbabariiiire Abe atarashatse.
Ahwi! Welcome kabebe mwiza twari tunakwikumburiye.
Mwibuke neza mbere yo gutajyira episode yambere hari amagambo abanziriza iyinkuru avuga kuri jeanne na eddy kandi mwongere mwibuke muri episode ya 14 kabebe yandikira eddy,uyu rereo ni jeanne kabebe ntago yarenga kw’isezerano yasezeranyije eddy kdi ndishimye cyane peeeeee!!!!!EDDY&KABEBE
buriya si kabebe uje ra?
WAAAAAAAAAW IMANA IMFASHE GUSA NGENDABONA KABEBE ABONETSE
Ntabwo ari Jane Kabebe kuko nubwo baba barakuze bose Jane na Eddy bagahinduka ntibayoberana cyane ko isura itakwisiba mumutwe uyumukobwa nu ndi Jane
Eddy ntasanzwe akundwa nabose gusa iyi nkuru turayikunda mukomeze kuduha nutundi duce
Turayikunda mukomeze Judy’s
n’izindi.
Murakoze nshuti sinarindikwibuka ko kabebe yitwaga jeanne, gusa ikigaragara niwe kabebe kuko Eddy we ntiyamwibwiye kd kuba yabeshye ari nubwambere nuruhurirane niwe rwose, Destine nubundi agaragara nkumwasama kd Eddy ntiyamukunze ahubwo Destine niwe umwikundishwaho, ikindi abantu barahinduka mwibukeko Eddy na Kabebe babanye igihe gito cyane bityo rero birashoboka rwose ko yahindutse. Ahwiiii butinze gucya weeee ngo menye ibikurikiraho, mwihangane muze kugashyiraho vuba rwose. Iyinkuru rwose ihora ari nshyashya.
Umuseke muracyarabambere rwose.
yesu weeee kabebe arabonetse gusa ndumva umutima wanjye wuzuyemo umunezero ,edddy umukunzi wawe arabonetse kbs
UMUNTU UVUZE NGO EDDY AGIYE KURIRA YIHANGANE NTABYO YAROSE MURI ZA NZOZI ZE AGIYE KUNEZERWA UBUTAZASUBIRA KURIRA
EDDY JANE YAJE PE.
Wowo reka mbabwire iyi nkuru nayitangiye kuri episode 20 arko sinakubwira ukuntu nsigaye imbuza amahoro nkaba nuva butinda gucya. Uzuko mwisguri lecture yasohoye kubera iyinkuru yigisha urukundo icyaricyo.
Wahoo ndishimye, umuseke muri abambere, jyewe ndi umu maman ukuze ntabgo mba mu rwanda ariko mwa bana mwe uwababgira ukuntu iyo ndi ku kakazi nkibuka ko ngiye gutaha nkasoma episode ikurikira ukuntu mba nunva nishimye, jyewe lero nkunda kuyisoma ndi presque uwa nyuma nkahita nsoma na ma commentaires zose muba mwanditse, muranshimisha cyane, ahubgo wa mugani nirangira irungu rizatwica pe. Lov u umuseke
Comments are closed.