Episode 47: Ben nawe asize Eddy, agiye gukorera muri Uganda

Ben-“Bro,reka ahubwo umfashe dushyire ibintu ku murongo, mukanya ndakubwira nta kibazo,!”

Twahise twegera aho ibikoresho bye byose byari biri ntangira kumufasha kubishyira  ku murongo, ariko kuri icyo gihe  natecyereza impamvu Ben yazinze ibikoresho yakoreshaga byose akabishyira ku ruhande ,ngatecyereza ko wenda  byamutunguye , nkumva ko dushobora kuba tugiye nko kwimukira  hafi aho , ubwo ibyo nahise mbirenga nkomeza kwishyiramo icyo cyizere mpaka ibikoresho dushoje kubishyira ku murongo !

Ben-”  Bro, ubu rero ubwo dusoje ibindi reka tujye kubivugira muri kariya ka alimentation ndumva nshonje cyane!”

Njyewe-“nta kibazo Bro ,gusa ndumva nikanze  !”

Ben-” Bro, mu buzima bibaho ariko ubutwari ni ukumenya uko ugomba kubyitwaramo! “

Njyewe-” ngo mubuzima bibaho?? Ibiki seBen??”

Ben-” Bro , impinduka mu buzima ntizabura!

Ben yambwiraga gutyo tugeze kuri ka ka Alimentation turinjira turicara twaka udu capati n’utundi tuntu two gufatisha aho hafi ,dutangira kuganira!

Njyewe- ” Bro,ngaho mbwira ndumva ntatekanye!”

Ben-” Eddy, ukuntu bimeze rero ,urabona hariya dukorera nari mpamaze imyaka igera kuri ine  mpakora! ,

Boss wacu rero n’Umugande, yakomeje kujya areba uko nkora arabikunda ,ku buryo hari nubwo yajyaga ampa akantu  ku ruhande  ngira ngo nawe ahari urabizi! ,

Ejo bundi rero njye kumva numve ngo arashaka ko njya gukorera i bugande ku ruganda rwe ruteranya imodoka!

Ubwo nahise mubwira ko agomba kumpa umwanya nkabitekerezaho ahasigaye nkazamubwira !

Ejo rero nibwo yongeye kunyinginga ariko nanjye numva nta mpamvu yo kunyinginga kuko ari inyungu zanjye , niko kwemera kugenda ,Bro rero mu gitondo nibwo yambwiye  ko turagenda ejo kare kare!

Icyo nashakaa kukubwira ni iki,ndagushimira cyane ko mugihe tumaranye wambaniye neza!, Nishimiye kukugira nk’umuvandimwe kandi nzakomeza ngufate nk’umuvandimwe nubwo nzaba ndi kure ariko burya kure hagirwa kure n’umutima udashaka !!

Njyewe- ” eeeeh Ben uragiye kweli!!?

Ben-”  niko bimeze Eddy ngomba kugenda!!

Njyewe- ” Ben,  birangoye kumva ko ugiye ,ariko buriya ni  ibyanditswe biri gusohora ,gusa wagenda wagira ibyo wambwiye byose umutima warabibitse!  nta na kimwe nteze kwibagirwa ,yaba amagambo wambwiye ,yaba ibikorwa wakoze mu maso yanjye,  n’ ubuhanga bukomeye wanyigishije ,Bro wemeye ko dusangira wishimira ibyanjye ,ndaguhombye ariko nanone nungutse ibyo unsigiye! , Bro,Imana izakube hafi kandi izakongerere ,kuko wagize uruhare mu gukomeza kubaho kwanjye!”

Ben-”  urakoze cyane Eddy, kabisa ndashimye kandi mbafite ku mutima,igihe kimwe nzabikora!! “

Tukiri aho telephone  ya Ben yarasonnye numva ari kuvuga ikigande gusa numvagamo ducye kuko n’ubundi igihe nabaga ndi kumufasha mu igaraje  , najyaga numva bakivuga bityo nkaboneraho kukimenya,ubwo hashize akanya Ben  akura telephone  ku gutwi !

Ben-” Bro,,tujye gupakira biriya bikoresho imodoka igende njye ndajyana na Boss mu gitondo! “

Twahise duhaguruka gusa kuri njye nasabaga Imana kwakira ibyo ntabasha guhindura, turahaguruka tujya gupakira imodoka, dushoje tujya no kwimura Ben  hahandi twabaga ibintu byose dushyira hanze burya inshuti nziza ntiyabura abantu, aho twitaga mu rugo  hari hari abantu benshi twakoranaga mu igaraje ,nubwo twari tubabaye ariko ibintu byose twabikoranaga ishyaka kuko twari tuzi neza uwo duharanira!

Twakomeje gutunda ibintu tujyana mu modoka amaherezo turabirangiza , imodoka iragenda, ubwo byari bibaye nko mu ma saa kumi z’umugoroba  njye na Ben dutembera mu mugi gato Ben agura kaka Warage yakundaga baramu packingira ubundi twigarukira mu rugo kuko Ben yari burare iwanjye kandi  yagombaga no gusezera abo twabanaga mu gipangu,

Twageze home nka saa mbiri  tuhageze dutungurwa no gusanga abo twabanaga kuva kuri Boss w’amazu kugera ku mwana muto bateruye bicaye hanze biradutungura , ubwo duhera ku murongo dutangira kubasuhuza ariko nabareba mu maso nkabona bafite icyo baziranyeho ,

Twakomeje kugenda tubasuhuza turangije natwe twicara aho hafi !

Ben-” ko musa nkabacece cyane se Yesu agiye kuza gutwara abantu be?? ”

Bose, twasetsemo ariko turongera baratuza!

Tukimara gituza  Boss w’amazu twabagamo ahita avuga!

Boss-“Ben,twari tugutegereje Imana ishimwe ko tukubonye ,iyo ugenda tutabonye andi mahirwe yo kwicarana nawe byari kutubabaza cyane, burya ucyimara kumpamagara umbwira ko ejo uzerekeza mu bugande , byarambabaje cyane numva njye n’abapangayi banjye twafata umwanya muto nk’uyu tukagusezera nk’umuntu navuga ko wagize uruhare mu kuduteramo imitima mishya, niyo mpamvu rero turi hano twese ngo tukwifurize umugisha aho ugiye, kandi turagira ngo nanone tunagushimire ko wabanye natwe neza ukatubera inshuti buri wese yisangaho tuzagukumbura kandi tuza kubera intumwa nziza zibyo wadutoje biturimo!”

Boss yamaze kuvuga twese dutuje Mignone na John bikoza munzu baza bafite udu cases, batangira guha buri wese icyo afata ibintu byari byiza mu maso yanjye kuko usibye umwanya nkuwo bari bateguye ,nabonaga ko koko mu maso yabo hagaragaramo  imbamutima zitihishira zerekana ko Ben agiye yarakenewe!

Ubwo John nawe  yahise afata umwanya! ,

John-” murakoze ,ako gacupa kabegereye kari ako  kumanura ivumbi rimeze nabi muri iyi Kigali,

nanjye rero mu izina ry’aba Djama bose twabanye na Ben hano muri utu tuzu tw’ubukode  turagushimira kandi tugusezera tukwifuriza  kuzakomeza guhindura abandi nkuko natwe waduhinduye!

Ufite impano nziza yo kumenya icyo umuntu akwiye mu gihe kikwiye, niyo mpamvu twese watugereyeyo ukaduha urugero rwiza rwo kwicisha bugufi , kubaha ndetse no kutwereka ko turi bamwe!, Ntabwo wakoreye ubusa ,uyu munsi mwiza kuri Ben  kuri twe ukaba mubi,turazirikana kandi tuzakomeza gukora ibyo twakwigiyeho,twabonye uri ishuri rikomye, Imana izabane nawe Bon voyage !”

John akimara kuvuga Mama Tresor nawe yari yahageze ateruye n’akana ,

Mama Tresor-” Najye mu byukuri sinareka kuvuga ,mu izina ry’ababyeyi tubana hano, turashimira Ben ko yatubaniye neza iyo twabonaga abana bacu bishimira gukina nawe byaratunezezaga tukumva tuguwe neza! ,Byongeye kandi natwe ubwacu yatubereye ishuri rikomeye ryo kubana neza hagati yacu!, byabindi byo gupfa amakara no gupfa amabase n’indobo turabyibagirwa!

Ben Imana izabane nawe mwana wacu!, kandi uzagire umugisha aho ugiye ,nubona akanya disi uzanyaruke  uze  uturebe uzisanga ,tuzaba tugukumbuye!!  murakoze !,”

Mama tresor yamaze kuvuga Mignone yegera Ben aramuhagurutsa !

Mignone-” ntimwakumva agahinda ntewe no kugenda kwa Ben, ni ukuri Ben namukundaga ku buryo mutabyumva, Ben wankijije ngiye gupfa akambera malaika ,akanyinjira mu mubiri nkongera kubaho kumva ko agiye byananiye kubyakira!”

Mignone ikiniga cyamurushije imbaraga avuga bucye ngo Ben Imana izamuhe umugisha!

Ben muzi yahise ajya guhoza umwana hashize akanya Mignone aratuza baragaruka, Ben ahita afata umwanya,

Ben-”  mbere na mbere ndashimira mwese kuri uyu mwanya mwampaye ngo nishimire kumva ibiva mu ndiba y’imitima yanyu!,! Mu by’ukuri nanjye nishimiye kubana namwe ,ibyo nabihamya pe!, nabigiyego byinshi byatumye nkomeza kumenya icyo  ubuzima bivuze! ,ibyo byose nabihaye umwanya ari nabyo byatumye bamwe muri mwe mwishimira kubana nanjye nk’uko nanjye nabishimiraga iminsi yajye yose,ibyo byose rero  nanone nabitewe no guha agaciro ikiremwa Imana yise umuntu, nubwo byari bigoye ariko nanjye ndishimye ko hari icyo nagezeho!

Icyo mbasaba rero ni ukudasubira inyuma! ,Simbasize kuko mbasigiye Impanga yanjye Eddy, navugako imitima yacu isa, kuko mu gihe twari tumaranye nanjye hari byinshi namwigiyeho! ,Ndagiye ariko ku mutima muri umuryango wanjye!,Murakoze!”

Ben akimara kuvuga ,twaramuhobeye abamubwira amagambo yandi amuherecyeza barayamubwira ubundi tujya Ghetto yanjye turicara tuganira ayanyuma dusoma no kuri kaka Waragi ubundi turasinzira.

Mu gitondo saa kumi nimwe Ben yarabyutse ajya douch avuyeyo aritegura neza najye ndabyuka nihumura mu maso nambara udukweto ubundi turasohoka dukubitaho urugi twerekera ku muhanda tukigera Nyabugogo tubona imdoka ya Rava Ben ahiya amenya nyirayo ambwira ko ari iya Boss muhereza Bag ,ndamusezera ubundi yurira Imodoka irahaguruka nanjye nyikurikiza amaso mpaka irenze………….