ULK yahagaritse abarimu benshi, amashami amwe arafungwa
Kaminuza ya ULK yagabanyije abakozi kubera kubera abanyeshuri
Muri Kaminuza yigenga ya Kigali, kuva kuwa gatanu tariki 30 Nzeri 2016 abarimu bose hamwe bashobora kuba barenga 30 bamenyeshejwe babaye bahagaritswe mu kazi kubera impamvu z’ubukungu nk’uko bamwe mu bahagaritswe babibwiye Umuseke.
Umwe mu balimu bahagaritswe utifuje gutangazwa avuga ko hahagaritswe abarimu bashobora kuba barenga 30, ngo nta kindi kibazo gihari uretse ubukungu butifashe neza muri Kaminuza.
Abarimu bahagatitswe barimo 11 ku ishami ry’iyi Kaminuza rya Rubavu n’abandi benshi Umuseke utaramenya neza umubare ku ishami rya Kigali.
Usibye abarimu bahagaritswe ngo n’amasomo yo Development Studies, Law na Rural Development yigishwaga n’aba barimu yabaye ahagaritswe kuko nta banyeshuri bahari bo kwiga aya masomo.
Umwe mu barimu bahagaritswe yagize ati “Ngo ntabwo bari bagishoboye kwishyura abarimu bose bityo bahitamo kubagabanya gusa mu gihe ngo haboneka abanyeshuri bazatugarura mu mirimo tukigisha.”
Umuseke wagerageje kenshi kuvugana n’inzego z’ubuyobozi zibishinzwe muri iyi Kaminuza i Kigali na Rubavu ariko ntibyashoboka.
Turacyakurikirana iyi nkuru….
UM– USEKE.RW
English
10 Comments
Kaminuza yigenga ya Kigali…izina niryo muntu!!!
You…….. ninde wakubwiye ko ariya masomo yavuyeho???? Please look for information from relevant authorities aho kwandika ibyo wiboneye…..Amasomo arakomeje nkuko bisanzwe. Ibihe byiza.
@Kangabo, umwanditsi nawe yavuze ko yagerageje kuvugana n’abayobozi ba Kaminuza bikanga. Asoza avuga ko inkuru akiyikurikirana! Wimuveba rero!
ntamasomo yahagaritswe pee icyo ni igihuha mushake amakuru y’impamo ubundi mumenyeshe abanyarwanda
Abanyamakuru bibeshe ra hahahahhahahahah
Students are registering to those faculty u meant are dropped,that is in not true.
Hakenewe amakuru y’impamo kugirango abanyarwanda tudakuka umutima kuko ikigo nka kiriya kiba gifatiye runini abanyarwanda twese, ariko niba birukanywe kubera ubukungu nabyo ni ikibazo gikomeye
Uyu munyamakuru azagere kuri Kaminuza kuko amakuru yatanze atariyo namba, ibyiza nuko yajya yumva nkayamakuru akajya no kuri terrain akamenya real information, please ndabizi muri Kaminuza ya ULK bazakwakirana urugwiro gerayo umenye amakuru naho abayakubwiye ahabanye n’ukuri peee
Aya makuru si ukuri. Abantu birukanye si abarimu gusa, ni abakozi batakoze neza, kandi nta shari ryahagiritswe, ahubwo hari amashami atarabona abanyeshuri bo mu mwaka wa mbere ariko babonetse bakwiga kuko kwiyandikisha biracyakomeje.
Umunyamakuru ashake amakuru yuzuye aduhe inkuru yuzuye.
YEAH icyigaragara aba abrimu barahagaritse arko ntago wamenya impamvu kuko ubutuvugana ugiye kureba wasanga harabandi bASHYASHYA bivuzeko arimpamvu za kaminuza nabanyirubwite basezerewe
Comments are closed.