Zari na Diamond bashobora gutandukana

Hari amakuru avuga ko umuhanzi Diamond n’umukunzi we Zari Hassan ukomoka muri Uganda bashobora gutandukana kuko bombi bagenda barushaho kutaba hamwe uko iminsi ishira ndetse hakavuka amahari hagati yabo.

Bivugwa ko Diamond Platinumz atishimiye ko uyu mugore babyaranye amaze iminsi agenda yegerana n’uwahoze ari umugabo we umucuruzi Ivan Ssemwanga.

Ubu muri Tanzania na Uganda haravugwa inkuru z’uko iyi ‘couple’ yavuzwe cyane mu itangazamakuru ishobora gutandukana nyuma y’imyaka ibiri gusa.

Urukundo rwabo ngo rugenda rukonja kubera ko buri umwe ubu ahuze cyane bigatuma batabonana kenshi.

Diamond ubu ni umwe mu bahanzi bafite akazi kenshi cyane muri Africa aho aba afite ibitaramo mu bihugu bitandukanye.

Zari nawe ni umunyabyashara ukomeye uhora kenshi muri South Arfica gukurikirana ibikorwa bye.

Bisobanuye ko ngo bombi basigaye babonana gacye cyane nk’uko bivugwa na DarNews.

Ikibyica kurushaho, Zari ngo amarana igihe kinini na Ivan Ssemwanga bahoranye nk’umugabo n’umugore, ariko n’ubu bakiri abafatanyabikorwa mu byashara, ikintu Diamond we atakomeje kwishimira na mbere.

Mu byumweru bishize, Zari yashyize ifoto kuri Instagram ari muri Piscine yambaye utwenda tw’imbere gusa. Bivugwa ko Ivan nawe bari kumwe muri iyo piscine.

Bivugwa ko iyo ari muri South Africa, Zari aba yibanira na Ivan gusa uyu mugore we yabihakanye kenshi avuga ko iyo ariyo atabana mu nzu n’uyu wahoze ari umugabo we.

******