Ku Gisagara hagiye kuzura ‘Gymnase’ yakwakira imikino mpuzamahanga
Abantu 980 bicaye hejuru no hasi bazajya bareba imikino
Mu kwezi kwa munani uyu mwaka Akarere ka Gisagara karaba gafite inzu y’imikino y’intoki (Basketball na Volleyball) ishobora kwakira imikino mpuzamahanga. Ni inzu yifujwe cyane inashyirwa mu bikorwa n’uwari umuyobozi w’aka karere wigeze kandi kuba Kapiteni w’ikipe y’u Rwanda ya Volleyball, Leandre Karekezi.
Iyi nzu y’imikino izaba ishobora kwakira abantu 98o bicaye neza bareba imikino. Yubatse muri centre ya Gisagara iri mu murenge wa Ndora, biteganyijwe ko izafungurwa muri Kanama uyu mwaka, ubu bari ku isakaro.
Jerome Rutaburingoga umuyobozi w’Akarere ka Gisagara avuga ko imirimo iri kwihuta kandi iri kugenda neza, akavuga ko iyi nzu niyuzura itazafasha guteza imbere imikino gusa ahubwo izanafasha Akarere ka Gisagara kwiteza imbere.
“Iyi Gymnase, nkeka ko izaba ari iya mbere cyangwa iya kabiri mu gihugu. Ubuyobozi nasimbuye bwagize igitekerezo cyiza, kandi bizafasha iterambere ry’imikino mu karere kacu.
Ibikoresho byayo, nka ‘tapis’ y’ikibuga, intebe zizajyamo n’ibindi, byatumijwe iburayi, kandi bizagera mu Rwanda muri uku kwezi. Nta gihindutse ukwezi kwa munani kuzasiga tuyitashye.” – Mayor Gisagara Jerome.
Iyi Gymnase izatwara 922 972392Rwf, izaba inafite Hotel hafi yayo ifite ibyumba 40.
Bishoboka ko aka karere kazajya kakira imikino y’intoki mpuzamahanga, kubera ibi bikorwa remezo.
Kugeza ubu ariko muri aka karere nta muhanda wa kaburimbo urahagera, nubwo umuhanda ujyayo utunganyije neza. Ikizere ngo ni cyose ko n’umuhanda wa kabirimbo uzahagera mu gihe hari kuzura ibikorwa remezo nk’ibi.
Roben NGABO
UM– USEKE.RW
English
15 Comments
I am proud of you, sir i.e. Leandre Karekezi.
Wowww!!
Courage Gisagara, ibi bintu ni byiza. Iyo kaburimbo izihuta nayo kubera ibyo bikorwa remezo.
Komeza ujye mbere Rwanda yacu, umwanzi arakakubura
Muzakomeze kudukulikiranira iyi nkuru muduhe update nyuma y’imyaka nkitatu.
Gymnase yakira abantu 980 bicaye na Hotel impande yayo yakira abantu 40!!! Murumva bihura koko? Ikindi mwubake umuhanda ujyaho otherwise iyo gymnase izajya ikinirwamo n’abakozi b’akarere gusa.
ariko nk’iri shoramari riba ryakorewe business plan, n’uko ari amafaranga ya Leta .ariko mpamya ko ari amafaranga ye atashyira igikorwa kingana kuriya ahantu hatagera na kaburimbo
Twaritwarabuze icyamudukiza (nzamwita) wenda twagira amahirwe Imana ikatwumva bakaba bamubitsemo kuko tumaze guhaga agasuzuguroke baririrwa barya imisoro y’abanyarwanda ukobishakiye, Imana yumvishe agahinda badutera yadufasha maze bakaba babashyizemo
Richard avuze neza cyane. Ahubwo se bagira PLANIFICATION Kweri. MURI priorité se ahubwo koko urubwo NJYANAMA yasanze GYMNASE iza ku mwanya wambere? N’amafaranga se y’umuterankunga babonye maze anabategeka icyo bazayakoresha. Ari gymanase , ari n’uruganda rukora ibiryo by’abana kugirango abana bagwingiye bo muri GISAGARA Bazanzamuke, wabanza iki kweri. Mureke mbagire inama , dore mugira amahirwe yo kugira KUBUMWE CELESTIN, mu mwegere, maze abakorere gahunda z’inganda zatunganya umusaruro w’ibikomoka ku buhinzi ndetse n’ibindi, maze abaturage babone akazi, umuhinzi abone aho agurishiriza umusaruro we, muzamure ubushobozi bw’umuturage wa GISAGARA mu guhaha, maze nimurangiza mwubake gymnase, na stade n’ibindi. iMISHINGA ISHINGIYE KURI SENTIMENT mu yigendere kure.
Akubumwe se aracyabaho, uzi ko nawe wasetsa n’uvuye guta nyina. Yabaye amateka uzabaze uko byamugendekeye, ubu asigaye ari umukozi mu ruganda rwe yashinze, asigaye afata salaire nk’abandi bakozi bose. Wowe urakina na Rwanda.
Njyewe ntegereje igitekerezo cy’uwiyita Safi aza gutanga kuri nkuru.
Kdi uyu Leandre ari muri ba mayor 3 bahembwe kubera uko bategetse mandats zabo 2! Gymnase muri district abaturage batagira ibyo kurya!batagira inkweto! Batagira ishuli ry’ubumenyi ngiro! Ubonye iyo afata ziriya cash akagura franchise yababazungu bo muri zambia bafite business y’imitiba n’ubuki bacuruza I burayi! Birababaje!
iyinayo barayitangiye ARIKO ejo izahita ihagarara ituzuye.Nityuzura kandi izabura abayikoresha KUKO IDAKENEWE.Hakemewe inganda z’ubuhinzi/ubworozi abantu bakabona akazi.
Buriya koko muri Gisagara ibindi byose by’ibanze babigezeho, ku buryo gymnase ari yo yari isigaye? Ndumiwe koko!
Niba jyanama yagisagara yaricaye igasanga aricyo kintu bari bakeneye nibyiza pe.ariko jye uko mpazi harihakenewe ikindi kintu cyateza abaturage imbere kitari iliya nyubako.UMUSHINGA MWIZA NUJYANYE NICY,ABATURAGE BAKENEYE.
Gymnase ni igitekerezo cyiza kuko uretse n’imikino hashobora gukorerwamo n’ubukwe, congrès …. Ariko mbere ya byose ugomba gukora étude de faisabilité sinzi niba ariyo mwita businness plan. Ahantu hatagera Kaburimbo, hatari mu mujyi ukomeye nka Kigali, Butare,Ruhengeri ,Gisenyi byagorana kubona abakiliya.Uwanditse iyi nkuru yagombye no kutubariza financement aho yaturutse kuko iriya nzu na chambres 40 ntabwo byoroshye kubicunga muri district. Niba ari intwererano yavuye mu mahanga byaba ari amahire. Niba ari inguzanyo ya banki byaba biteye kwibaza.
Iman’ibigemo.
Comments are closed.