Digiqole ad

Rwamagana ku mwanya wanyuma mu turere twose mu kurwanya ruswa

Mu marushanwa ategurwa n’urwego rw’Umuvunyi buri mwaka mu turere, kugira ngo hagaragazwe uko uturere twitabira ibikorwa byo kurwanya ruswa n’akarengane, Akarere ka Rwamagana niko kabaye akanyuma mu turere 30 n’amanota zero ku ijana(0/100).

Karekezi Leandre, umuyobozi w'akarere ka Gisagara yakira igikombe cyo kuba indashikirwa mu kurawanya ruswa
Karekezi Leandre, umuyobozi w'akarere ka Gisagara yakira igikombe cyo kuba indashikirwa mu kurawanya ruswa

Rwamagana ibaye iyanyuma muri uyu mwaka wa 2011, kuko abakozi bayo banze kwakira abakozi b’urwego rw’Umuvunyi, ubwo bajyaga gukorayo ubugenzuzi.

Akarere ka Gisagara kakaba kaje ku mwanya wambere muri aya marushanwa, yo kurwanya ruswa n’akarengane n’amanota 87%, gahembwa igikombe na mudasobwa zigendanwa eshatu.

Uru rutonde rugaragaza uko uturere twarushanijwe, rwagaragajwe n’urwego rw’Umuvunyi kuri uyu wa gatanu , muri gahunda yo gusoza icyumweru cyahariwe kurwanya ruswa, no kuzirikana umunsi mpuzamahanga wo kurwanya ruswa.

Abayobozi b’akarere ka Rwamagana kimwe n’utundi turere turindwi, turi mu myanya yanyuma tutitabiriye kuzuza imbonerahamwe, bavuga batabonye impapuro zo kuzuza. Urwego rw’Umuvunyi rwo rusobanura ko ari urwitwazo, kuko rwaziboherereje kuri za E-mail ndetse bagahabwa n’amabaruwa.

Aya marushanwa akozwe n’urwego rw’umuvunyi ku nshuro ya kane, akaba akorwa mu byiciro bibiri. Mu kiciro cya mbere uturere twuzuza imbonerahamwe igaragaza ibyagezweho mu miyoberere myiza.

Iki kiciro kiba kifite amanita 30%.Ikiciri cya kabiri gikorwa n’urwego rw’umuvunyi,kigenzura niba koko imbonerahamwe yatanzwe ku nbyagezweho,ari ukuri.Iki kiciro cya kabiri kikaba gifite amanita 70 %.

Mu bigenderwaho kandi mu kugenzura, urwego rw’Umuvunyi rukaba rusuzuma imitangire y’amasoko, ubwitabire ku imenyekanishabikorwa ku bakozi b’uturere, no guhanga udushya mu rwego rwo gukangurira abaturage kurwanya ruswa no kumenyekanisha ububi bwayo.

Gisagara, akarere ko mu ntara y’Amajyepfo kaje ku mwanya wambere mu kurwanya ruswa,kubera udushya kagaragaje.

Aka karere kafite icyo bita impuruza, ni telephone yagenewe kumenyekanisha ahagaragaye ikibazo cya ruswa. Filime documentaire, yakozwe n’aka karere mu rwego rwo kurwanya ruswa. Iyi filime ikaba yarereswe abaturage bose batuye aka karere. Ikinyamakuru bafite nacyo kigira uruhare mu kurwanya ruswa. Ibiganiro bacisha ku maradiyo y’abaturage, nibindi byagaragajwe n’urwego rw’Umuvunyi byakozwe n’aka karere mu kurwanya no gukumira ruswa.

Ku mwanya wa kabiri haje akarere ka Nyamasheke n’amanota 86%, ku mwanya wa gatatu haza Akarere ka Kamonyi n’amanota 85%.

Umwaka ushize wa 2010, Nyabihu niyo yari ku mwanya wambere. Gisagara yari ku mwanya wa gatatu. Rutsiro yari ku mwanya wanyuma,ubu yaje ku mwanya wa 14.

Uko uturere dukurikirana mu kurwanya Ruswa mu 2011:

 

UMWANYA

  

AKARERE

AMANOTA YO KUZUZA NO KUGARURA INYANDIKO

/30

  

AMANOTA Y’IGENZURA

/50

  

AMANOTA Y’UDUSHYA

/20

 IGITERANYO CY’AMANOTA

/100
1 GISAGARA                   30                  42                15                   87
2 NYAMASHEKE                   30                  41                 15                   86
3 KAMONYI                   30                  40                 15                    85
4 RURINDO                   30                                     39.5                 14                   83.5
5 GATSIBO                   30                  39                 14                   83
6 NYARUGENGE                   30                        40.5                 12                   82.5
7 KICUKIRO                   30                   40                 12                   82
8 NGORORERO                   30                      39.5                 12                   81.5
9 BURERA                   30                    40                 11                    81
10 NYABIHU                    30                    38                  12                    80
11 HUYE                    30                    36                  12                    78
12 NYAMAGABE                    30                    37                  10                    77
13 NYARUGURU                    30                    34                  12                    76
14 RUTSIRO

               30

                    35                  11                    76
15 GICUMBI                    30                    35                  11                    76
16 RUBAVU                    30                    35                  10                    75
17 KAYONZA                    30                    34                  10                    74
18 RUHANGO                    30                    33                  10                    73
19 MUHANGA                    30                    30                  12                    72
20 NGOMA                    30                    30                  10                    70
21 GAKENKE                    30                    25                  11                    66
22 NYANZA                    30                    20                  10                    60
23 RUSIZI                     0                    41                  13                    54
24 BUGESERA                     0                   40.5                  10                    50.5
25 GASABO                     0                   40                  10                    50
26 MUSANZE                     0                   39.5                  10                    49.5
27 KARONGI                     0                   30                  10                    40
28 KIREHE                     0                   30                  10                     40
29 NYAGATARE                     0                   30                  10                     40
30           RWAMAGANA                     0                   0                  0                      0

 NGENZI Thomas
UM– USEKE.COM

9 Comments

  • adar says:
    12/09/2011 at 19:39

    Na ho GICUMBI???? sinshidikanya ko gashobora kuba muri turiya 7 kuko yewe ntagia passa vraiment mbega ruswa??? NYANGEZI Akora iki???? ndi umuturage we ariko si muzi kabisa nta Nama akorana n’abaturage, nta muganda mubonamo nk’abandi bayobozi, nta visite akorera imirenge,…..

  • ange says:
    12/10/2011 at 02:02

    Ubundi akarere ka NYanza biragaragara ko iyo bose buzuza forms ariko kari kuba akanyuma.alors abudala ukora iki?

  • kanakuze says:
    12/11/2011 at 20:52

    Ese noneho Nyamata yabaye umurenge? cyangwa basanze birenze ntibirirwa bayishyira kurutonde!!!

  • muhire says:
    12/12/2011 at 09:42

    Rwamagana irabikwiriye, ariko yari ikwiriye gusurwa,kuko abaturage bariyobora,naho rero iyo bigeze mu buvuzi, ni zanduru……. za Krenge iyo ngiyo ni ibicika.

  • Rasta says:
    12/12/2011 at 10:07

    Burya ruswa iribwa mu bwihisho ariko finally iragaraga, muri rwamagana ho ni agahoma munwa,haba mugutanga akazi ubwo iyo utaziranye na gitifu cg candidah ntakazi ushobora kuhabona, mbabazwa nukuntu batanga amatangazo y’akazi bakarushya abantu bashaka docs nukuntu biba bitwara cash kandi iyo myanya yashyizwe ku isoko ifite abayikoramo barangiza bakiyerurutsa ngo batanze amatangazo!!! hari ihame rya gitifu waho ngo ni “ukubaka inzego” aho ubu huzuyemo abantu be gusa gusa akaba ari abatoni, mbese rwamagana ikwiriye gushakirwa umuti

  • Kamariza says:
    12/12/2011 at 10:14

    Ahaa wikiha gusebya Umuyobozi w’Uburezi kuko ibyo akora biba bigaragara ubwo n’uko mutize Uburezi bikaba aribyo mu muhora .

  • Rasta says:
    12/12/2011 at 10:15

    uyu niwe muzi kuko ariwe ubasha kurya makeya, icya kubwira abamiragura agatubutse wakumirwa!!!!!!!!!!!!!!!!!!!!!!!!!!!!!harimo abarya za miliyoni ……….

  • kalisa kayumba says:
    12/12/2011 at 10:47

    Meya karekezi muzamubaze ikibazo cy’ibirombe bya coltan hagati ya Christine na Vanessa ruswa yabayemo kdi yaratangiwe ku karere no ku ntara bitewe n’umugore wa meya Leandre kubera ariwe gitifu w’intara y’amajyepfo, azabisobanurire abanyarwanda kabosa

  • Habanabakize says:
    12/13/2011 at 08:43

    Ahaaa uwo muyobozi wacu w’Uburezi mumuveho turabizi ko ariwe Mukozi dufite mu Karere kacu turabizi ko Candidah amurwanya ubwo niwe uba wabikoze naho turamusaba kudacika intege atuvugurire Uburezi bareke kumuvangira

Comments are closed.

© Since 2011, Umuseke. All rights reserved

en_USEnglish
en_USEnglish