Kubura Ambulance ku kibuga byatumye Marines iterwa mpaga!
Imbangukiragutabara bitegetswe ko iba iri kuri stade ku mukino wose wa shampionat
FERWAFA yemeje ko Marines FC itewe mpaga kuko iyi kipe itateguye imbangukiragutabara ku mukino wo ku munsi wa 25 wa shampiyona, bagombaga kwakiramo AS Kigali kuwa gatatu tariki 18 Gicurasi 2019 i Rubavu.
Amakipe yombi yageze ku kibuga, ariko AS Kigali yanga gukina kuko nta modoka y’imbangukiragutabara yari ihari.
AS Kigali ivuga ko idashobora gukina yii modoka idahari nk’uko binateganywa n’amategeko ya FERWAFA. Umukino ntiwabaye.
Ni nyuma y’uko mu mukino uheruka, AS Kigali yakiriyemo Musanze FC, rutahizamu Hamdhan Bariyanga na Emmanuel Sebanani bagize ibibazo bikomeye mu kibuga, batabarwa na ‘ambulance’.
Nyuma y’inama yateranye mu gitondo cyo kuri uyu wa gatanu, igahuza ‘Commission’ ishinzwe amarushanwa mu ishyirahamwe ry’umupira w’amaguru mu Rwanda, FERWAFA n’uwari ‘Commissaire’ muri uwo mukino, hemejwe ko Marine FC ihanishijwe mpaga kuko itari yubahirije itegeko rigenga amarushanwa muri FERWAFA rivuga ko ikipe yakiriye igomba kuzana imbangukiragutabara ku kibuga.
AS Kigali nubwo itakinnye ihise ijya ku mwanya wa kane n’amanota 47, mu gihe Marine FC yo igumye ku mwanya wa 11 n’amanota 26.
Roben NGABO
UM– USEKE.RW
English