Bobi Wine yasuye Kizza Besigye aramuririmbira

Umunyamuzika Robert Kyagulanyi Ssentamu uzwi cyane nka Bobi Wine kuri uyu wa kabiri yasuye mu rugo rwe Kizza Besigye uherutse gutsindwa amatora ya Perezida wa Uganda aramuririmbira.

Bobi Wine no mu kwiyamamaza yagaragaje ko ashyigikiye uyu mukandida utavuga rumwe na Leta,

Mu bukangurambaga bw’ishyaka FDC rya Besigye ubu rihamagarira abayoboke baryo ko buri wa kane bazajya baguma mu rugo ntibajye ku mirimo kandi buri wa kabiri bakambara akantu k’umukara ku kaboko kerekana ko bifatanyije na Dr Besigye ugifungiye iwe mu rugo.

Umuyobozi wungirije w’iri shyaka atangaza iby’ubu bukangurambaga yasabye abayoboke ba FDC no kutongera kumva/gucuranga no kugura ibihangno by’abahanzi bashyigikiye ishyaka NRM rya Perezida Museveni nk’uko bitangazwa na DailyMonitor.

Nyuma yo gusura no kubonana na Dr Besigye Bobi Wine wiyita Ghetto-President yatangaje kuri Facebook ye ko kiri cyamezo cyo kurwanya abahanzi bashyigikiye Museveni we akirwanya kuko ngo kidakwiye kandi cyahungabanya ubuvandimwe bw’abakora muzika.

Mu rugo kwa Besigye, Bobi Wine yafashe Guitar acurangira uyu mugabo indirimbo yise ‘Situka’ irimo ubutumwa busa n’ubwa Revolution kandi bwa Politiki. Indirimbo ngo yashimishije cyane Besigye nk’uko Bobi Wine abivuga.

Umwaka ushize abahanzi 12 barimo Moses Ssali uzwi cyane nka Bebe Cool na Jose Chameleone baririmbiye Perezida Museveni indirimbo yo kumwamamaza mu matora aherutse gutsinda.

UM– USEKE.RW