Kenya: Amugabo w’Umuzungu utwara indege arashinjwa guhohotera umupolisikazi

Umuyobozi Mukuru wa Polisi ya Kenya ysabye ko hatangira ibikorwa byo gukurikirana mu nkiko umugabo w’Umuzungu utwara indege wagaragaye ku mashusho ya camera abwira nabi umupolisikazi.

Uyu mugabo amazina ye ntaratangazwa, yahawe akazi ko gufasha Visi Perezida William Ruto kujya mu bikorwa bya politiki mu gihugu hagati mu mpera z’iki cyumweru gishojwe.

Umuvugizi wa Ruto yamaganye ibyo bikorwa ndetse asaba Polisi gukora akazi kayo.

Amashusho yagaragaye, yerekana umupilote w’Umuzungu urakaye cyane, yegera umupolisikazi amubwira nabi ngo akore akazi ke ko gukumira abantu begeraga indege ye ya kajugujugu bayishungereye.

Uyu muzungu yafashe inkoni abapolisi bitwaza (indembo) arayimushikuza, ndetse nyuma amusunika amuganisha aho abo bantu bari.

Polisi ya Kenya yasabye uyu mugabo kwijyana ku biro bya Polisi bimwegereye kugira ngo hatangire iperereza ku byaha aregwa.

William Ruto yatangaje ko yabwiwe iby’ibyo bikorwa “bidakwiye kwemerwa kandi biteye agahinda” ndetse asaba ko Polisi itangira gukora iperereza kuri iyo myitwarire avuga ko idahwitse y’umupilote.

Aya mashusho ari muri video yababaje benshi mu Banyakenya haba ku mbuga nkoranyambaga, ndetse bakora ‘hashtag’ basaba ko uyu mupilote yirukanwa muri Kenya.

BBC

UM– USEKE.RW