Rwanda: Hinjira 1Rwf ku byoherejwe hanze hagasohoka 3Rwf ku byatumijweyo
*Guhindura imyumvire kw’Abanyarwanda ubwabo ngo niwo muti w’ikibazo
Minisiteri y’ubucuruzi n’inganda (MINICOM) yongeye gusobanurira ikoraniro ry’abacuruzi banini n’abato bo mu Rwanda ko imbogamizi ikomeye igihari ku iterambere ry’ubukungu bw’u Rwanda ari ukuba u Rwanda rugitumiza ibintu byinshi hanze yarwo ugereranyije n’ibyinjira. Mu mibare, u Rwanda ngo rwinjiza ifaranga rimwe ku bicuruzwa byoherejwe mu mahanga ariko rugatanga atatu ku byatumijweyo.
Kuva kuri uyu wa gatatu, MINICOM yahurije hamwe abacuruzi bato n’abanini mu mahugurwa y’iminsi ine ku ishoramari muri COMESA yatangijwe na Emmanuel Hategeka Umunyamabanga uhoraho muri MINICOM watangiye yibutsa aba bacuruzi iriya mbogamizi ikomeye ku bukungu bw’u Rwanda, anabasaba kugira icyo bayikoraho.
Hategeka ati “Nk’uko mwabibonye mu mibare yatanzwe, haracyari ikinyuranyo kinini cyane hagati y’ibyo twohereza hanze n’ibyo dutumizayo. Ni ukuvuga ngo kuri buri ifaranga dukura kubyo twohereza hanze dusohora andi atatu hafi ane kugirango tugire ibyo twinjiza.
Ibyo rero ni ikibazo gikomeye, kuko ntabwo byahora bimeze bityo ngo ubukungu bw’igihugu buzamuke neza.”
Emmanuel Hategeka yavuze ko ubu Leta yatangiye kugerageza kugabanya ibintu bituruka hanze mu gihe mu Rwanda hari ubushobozi bwo kubikora. Avuga ko izi ngamba zigomba gukomezwa kugira ngo ibiri mu bushobozi bwo gukorerwa mu gihugu bibashe guhangana n’ibikomoka hanze, hagamijwe kuziba kiriya cyuho.
Hategeka ati “Mu by’ukuri ntabwo twakagombye kuba dukura inyama hanze zo kurya hano muri Hotel, dukura amata hanze, dukoresha amavuta dusiga imigati ava hanze kuko tuzi ibyo akorwamo kandi tubifite. Ibyo byose bitwara (kubitumiza) menshi.”
Abanyarwanda nibo bafite umuti
Sandra Uwera umuyobozi w’inama y’ishoramari ya COMESA yavuze ko mu mpamvu u Rwanda rugihura n’ikibazo cyo kwinjiza ibicuruzwa byinshi rugasohora bike ari uko Abanyarwanda bagifite imyumvire ko ibintu byakorewe mu mahanga ari byo byiza cyane kandi byujuje ubuziranenge.
Kuri we ngo asanga hakwiye guterwa intambwe mu guhindura imyumvire Abanyarwanda bakumva ko n’ibikorerwa iwabo byujuje ubuziranenge kandi bakwiye kugura iby’iwabo, ndetse bakagirira ikizere ibicuruzwa byabo kugira ngo bibe byajya ku masoko mpuzamahanga.
Emmanuel Hategeka nawe avuga ko abikorera nabo bafite uruhare rukomeye mu kuziba iki cyuho bakora ibicuruzwa byiza byujuje ubuziranenge kandi byinshi, ngo kuko bibaye ari byiza ariko ari bicye nabwo icyuho cyakomeza kubaho hatumizwa ibyo hanze ngo bizibe icyuho.
Abacuruzi bo bagaragaza ko impamvu iki kibazo gikomeza kubaho ari uko hari ibicuruzwa byinshi bitabasha gukorerwa mu Rwanda cyangwa ibihakorerwa bikaba ari bike ntibihaze isoko, ndetse ngo n’igiciro cyo hejuru cy’ibikorerwa mu Rwanda bitewe n’ibyo bipfunyitsemo bigatuma abantu bagura ibiva hanze.
Kuri iki Minisiteri y’inganda ivuga ko kizagenda gikemuka uko inganda zigenda ziyongera mu gihugu, ariko ko icya mbere gikwiye ari ubwo bushake no kumva ko Abanyarwanda bakwiye guhindura imyumvire bakitabira kugura ibikorerwa mu rugo aho kwizera gusa ibiva i Burayi na Amerika n’ahandi.
Callixte NDUWAYO
UM– USEKE.RW
English
10 Comments
Ariko bimeze ifaranga ry’u Rwanda riba riri kure y’amakwacha ya Zimbabwe
Ikwaca niryo muri Zambia wa munyarwanda we
Nibyiza kumenya aho umuntu agwa kuko bimufasha kumenya uko yabasha kweguka, ariko kandi ntitwirengagize ubushobozi bw’u Rwanda mubijyanye no kohereza ibintu hanze kuko inganda zacu ziracumbagira cyane. ibikorwa n’inganda zo mu Rwanda biba bifite quality yo hasi cyane kuburyo guhangana n’ibyakorewe Kenya, Uganda na Tanzania bitoroshye bikagera naho bitashoboka kubera uburyo bikozemo (Poor quality).
Ikindi ibintu bikorerwa mu Rwanda usanga bihenze cyane kubera ibikoresho by’ibanze biba byatumijwe hanze, ugasanga ikiguzi kiri hejuru cyane ugereranyije n’ibindi biba biturutse mu bihugu duturanye.
Dore imwe mu imiti mbona;
1. Leta nigabanye cg ikureho burundu umusoro kubikoresho by’ibanze mu inganda (Cutting or exempting taxes for law materials)
Ibi bibaye byafasha ko ikiguzi gikoreshwa n’inganda cyagabanuka bigatuma inganda zikora products nziza kandi ku igiciro cyiza bityo ubucuruzi bukaguka kandi n’imisoro ikaboneka.
2. Kugabanya ibiciro kubikorwa-remezo. aho usanga umuriro, amazi, internet n’ibindi nkenerwa bihenze cyane ugereranyije n’ibihugu bidukikije kandi ibi birakoresha cyane mu inganda.
Habayeho ko Leta yigomwa ikagabanya ibiguzi by’ibi bikorwa-remezo byatuma umusaruro wiyongera kandi ku igiciro cyo hasi.
Hari byinshi byo gukorwa ariko Leta niyo ifite urufunguzo kuruta abacuruzi cg abikorera muri rusange, kuko Leta niba itorohereje k’uburyo bwo hasi ntakizakorwa. inganda zirafungura bugacya zafunze kubera isoko rito kandi n’ibiciro bihanitse. urugero rworoshye ni Palmalac uruganda rwakoraga amavuta, uru ruganda ntirwashoboye guhangana na za Mukwano oils nandi mavuta kubera quality yo hasi kandi n’igiciro kiri hejuru ugereranyije na quality.
Leta niyorohereze abashoramari, inganda zibashe kubona law materials zidatanze ikiguzi cyo hejuru kandi Leta ishyireho ingamba zo kugenzura quality inganda zikora irebe niba zujuje ubuziranenge kandi zibasha koko guhangana ku isoko, kuko u Rwanda turi bake cyane ntitwatunga inganda zacu tuzibera abakiriya, hakenewe ko zohereza no hanze kandi ntizakohereza ibintu bidasobanutse.
Murakoze
Wowe John ese wamenyeko kuberako hashize igihe badufasha kandi tukaba tubabwirako ubu nta nkunga tugikeneye IMF idusaba gusarura imisoro kugirango bihure n’imibare aho u Rwanda rugomba kwinjiza 60% y’ingengo yimari ijyanye nimibare babahaye? Ntimwibaze kure impamvu leta itwirukaho cyane cyane kuva kuva 2013.
Ahubwo mugirimana kuko mutumiza za dubai,china, Turquie, muramutse mutumije i Burayi byahinduka 0.Mugakora imihanda itamara nimyaka 5.Abampinyuza muzagereranye imihanda ya kabulimbo yakozwe n’abadage,Ababiligi muzambwira.
Njye ntekereza ko umuti ari leta iwufite kuruta abaturage, kuvuga ngo imyumvire iri hasi sinemeranya na Minicom. Leta izamuye secteur industriel, atari mu magambo ahubwo mu bikorwa; Kuko murahamagara abantu ngo bashore mu nganda, aliko bajyamo bagasanga barahomba. Matières premiers ntazo u Rda rugira, mukureho imisoro ya matières premiers, mugabanye n’indi misoro yakwa inganda, ikindi ibikorwa remezo(amazi, umuriro) birahenze cyane ko nganda, ku buryo coût d’exploitation iba iri hejuru cyane kuri produit ivuye mu ruganda rwa hano. Ibi bituma abanyanda bakora produits za qualité iri hasi cyane.
Ikindi inganda zihari leta izifashe kubona isoko (Byibuze marche locale) kuko niyo leta i controla.
Ntanze urugero 1,kuri RwandAir mu myaka yashize leta yafashe icyemezo ko abantu bagiye muri missions za leta bose bagomba kugenda na RwandAir(aho bishoboka) ibi byatumye ibona abantu benshi murabona ko iri kuzamuka. No mu zindi secteurs bigende uko.
Ikindi abayobozi nibatange urugero erega. I burayi ujya kubona ukobano ministre aragenda ku igare ngo ashishikarize abaturage kugabanya ibyuka biterwa n’imodoka; Nonese niba abayobozi bacu batakwikoza ibyakorewe mu Rwanda nabyo bike bihari, umuturage niwe wabijyamo. Ngizo alimentations uba ubyigana nabo bashaka ibyakorewe i burayi, abana babo nibo biga hanze(bovuze ko amashuli locales nta kigenda). Umuntu urangije INILAK, KIM,.. kubona akazi imbere y’ukubutse i burayi na America ni inzozi.
Ikindi bagabanye imodoka zihenze.
Ni byinshi aliko hamwe n’ubushake bw’ubuyobozi bizakunda. Gusa sinemeranya namwe ko ikibazo ari abaturage.
Gasore ibitekerezo byawe nibyo 100%
Gusa mbona hafashwe ingamba , kuri icyi kibazo hakagenderwa ku nyungu z’abaturage , ibi byacyemuka,
50% by’ingengo y’Imali nishyirwe muri Création des emplois maze murebe , ikibazo ni ingamba zifatwa
ku nyungu z’abantu bamwe(groupescule:Agatsiko) ,naho Imyumvire y’abaturage irarengana 100%.
Murakoze cyanee.
@Habimana, ntabwo 50% ya budget yaboneka, harimo no kwishyura amadeni turimo tutibagiwe guhemba imishahara y’abakozi.Hakiyongeraho gusesagura kuko tutari twamenya kubaho uko tureshya ahubwo duhora twisumbukuruza.Hari indirimbo kera impala zigira ziti: Kwizirika umukanda.Amahanga yose yiziritse umukanda kuberako ubukungu bwifashe nabi ariko iwacu iryo jambo sindaryumva.
Erega hejuru y’ibyo bibazo mwavuze, imiterere y’igihugu n’ibibazo gihoramo kurwego rwa politike ndani no hanze ntabwo byorohera bicyorohera kuba n’igihungu umuntu yakoreramo ngo bikunde. Nibaza abashoramari bakimonamo risk nyinshi cyane. Gusa ibi n’ibibazo ntajya numva bivugwa muri za National dialogue zibera mu Rwanda n’ahandi kwi’isi hose! ese ibyo byo ko atari politike bizavugwa ryari? inzara, ubushomeri, igihombo byamaze abantu?
Comments are closed.