Airtel Rwanda yahawe igihembo cyo gutanga Internet nziza ya 4G

Olleh Rwanda Networks yatoranyije inahemba Airtel Rwanda nk’ikigo cyatanze serivisi nziza za Mobile Internet ya 4G mu mwaka wa 2015 mu Rwanda.

Airtel yaherewe iki gihembo gikomeye muri Business ya 4G LTE muri the Mannor Hotel mu muhango wateguwe na Olleh Rwanda Networks iranguza Internet ya 4G.

Abari muri uyu muhango ni abatanga servisi za Internet ngendanwa, abandi bacuruzi ba Internet ndetse n’abacuruza Internet ya 4G.

Chrysanthe Turatimana umuyobozi muri Airtel ushinzwe Data & Device yavuze ko Airtel ikomeje kuba amahitamo y’abakeneye Internet benshi mu Rwanda.

Turatimana ati “Nitwe dutanga Internet nziza kandi yihuta na telephone zigezweho mu Rwanda. Turashimira Olleh Rwanda Networks kubona umuhate wacu no kudushimira ko turi guha serivisi nziza Abanyarwanda.”

Airtel Rwanda mu Rwanda niyo itanga serivisi za Internet nziza kandi yihuta ya 3G na 4G.

Airtel mu Rwanda iri hafi kugira abatabuguzi miliyoni ebyiri mu myaka ine (4) gusa imaze. Muri Africa ikorera mu bihugu 22 naho ku isi ni iya gatatu mu kugira abafatabuguzi benshi (miliyoni 333).

************