Abandi bapolisi 280 bagiye muri Centre Afrique

CHIEF EDITOR
10/22/2015

Abapolisi bagiye kuri uyu wa kane bahawe icyubahiro mbere yo kurira indege

Kuri uyu wa kane tariki 22 Ukwakira 2015, mu gikorwa cyatangiye kuva mu gitondo abapolisi 280 bagiye mu butumwa bwo kubungabunga amahoro muri Repubulika ya Centre Afrique, aba barajya gusimbura bagenzi babo bamazeyo igihe cyagenwe. Umuvugizi wa Polisi CSP/ Celestin Twahirwa yibukije abagiye ko bagomba gukora inshingano zabo neza nk’abo bagiye gusimbura.

Ubu hamaze kujya imitwe itatu y’aba polisi bagera kuri 431, bwa mbere hagiye 150, iyinshuro hagiye abagera kuri 280 bagizwe n’umutwe watorejwe kurinda abaturage bari mu kaga n’abavanywe mu byabo.

Muri aba bose umuvugizi wa polisi y’u Rwanda CSP/Celestin Twahirwa yavuze ko umutwe wagiye bwa mbere wari ugizwe n’abashinzwe kurinda umutekano w’abayobozi naho imitwe ibiri yakurikiyeho ni abapolisi bafite ibikoresho byabugenewe mu gucunga umutekano w’abaturage cyane cyane abavuye mu byabo.
Yagize ati “Abagiye ubu barasimbura abandi bagera hano nyuma ya saa sita, aba bataha bakoze inshingano zabo neza niyo mpamvu dusaba n’abagiye ko bakora nabo neza.”
Polisi y’u Rwanda ubu ngo iza mu bihugu birindwi bya mbere bishimirwa uburyo abapolisi byohereza mu butumwa bw’amahoro bakora akazi kabo neza.
Kugeza ubu abapolisi b’u Rwanda 927 bari mu bihugu bitandukanye ku isi mu butumwa bwo kugarura amahoro.

Mbere yo kugenda babanje kwibutswa ko bagiye gusimbura abakoze neza nabo bagomba gukora neza

Bamwe mu bapolisi bagiye bari kumva impanuro bahabwaga n'umuyobozi — Bamwe mu bapolisi bagiye bari kumva impanuro bahabwaga n’umuyobozi

Bahagurutse n'indege ya Rwandair — Bahagurutse n’indege ya Rwandair

Ku murongo umwe n'umuyobozi wabo imbere bagiye mu ndege — Ku murongo umwe n’umuyobozi wabo imbere bagiye mu ndege

Isaluti imbere y'icyubahiro bahawe ubwo boherezwaga mu butumwa n'igihugu — Isaluti imbere y’icyubahiro bahawe ubwo boherezwaga mu butumwa n’igihugu

Bagiye mu butumwa bwo kurinda abaturage muri Centre Africa

Barinjira umwe umwe n'umuyobozi wabo ku ruhande agenzura — Barinjira umwe umwe n’umuyobozi wabo ku ruhande agenzura

Kugeza ari we winjiye nyuma bagakinga indege igahaguruka

Photos/D S Rubangura/UM– USEKE

Daddy SADIKI RUBANGURA
UM– USEKE.RW

4 Comments

Juma says:
10/22/2015 at 14:19

Tubifurije akazi keza no kuzagira ikinyabupfura mu kazi nimyitwarire myiza isanzzwe ituranga

Juru says:
10/22/2015 at 14:50

police yacu irahambaye

nkunda says:
10/22/2015 at 16:27

Reka mbabwize ukuri tuzongere Dutore KAGAME Paul kuko ni rudasumbwa mugushakira abaturage imibereho. muzi ukuntiu police nabasirikare babagaho nabi nimiryrango yabo none ubu nibo BAFITE AMAZU NAMAMODOKA MURIUYUMUJYI.WONDERFUL.

sebantu says:
10/22/2015 at 17:39

tubifurije umutekano mwiza ahobagiye

Comments are closed.

Share this:

4 Comments