Zone 5: Gezira yo mu Misiri yandagaje CSK

CHIEF EDITOR
10/07/2015

Abakinnyi ba Gezira barekanye ubuhanga cyane muri uyu mukino kurusha kure aba CSK

Ku mugoroba wo kuri uyu wa kabiri, wari umunsi wa gatatu w’irushanwa rihuza amakipe yabaye aya mbere iwayo mu karere a gatanu (FIBA Africa Zone Five Club Championships) ari kubera i Kigali mu Rwanda. Ikipe ya Cercle Sportif de Kigali yahuye n’akaga imbere y’ikipe ya Gezira yo mu Misiri iyitsinda amanota 94 kuri 43 gusa.

Mu bagabo, uyu mukino wabanjirije uwahuje Espoir BBC yatsinze irusha Dynamo y’i Burundi amanota 88 kuri 58. Espoir yongereye ikizere kuko mu mukino uheruka yari yatsinze City Oilers ya Uganda ikinamo Kami Kabangu, umunyecongo wahoze muri APR BBC wanakiniye Amavubi.

Umukino wa CSK na Gezira yo mu Misiri watangiye amakipe yombi agenda yegerana mu manota, gusa abanyamisiri bagenda bereka abasore ba CSK ko babarusha Basket koko, ingenda ibasiga byihuse.

Ikipe ya CSK isa n’igendera cyane ku mukinnyi Buzangu Mike, yagerageje kwigaragaza nk’umukinnyi ukomeye ku giti cye, ariko ntacyo byamaze kuko Basket ari umukino w’ubufatanye bwa batanu bari mu kibuga kurusha uko umukinnyi umwe yaba akomeye ku giti cye.

Uyu mukino warangiye CSK irushijwe bikomeye itsinzwe amanota 93-47.

Mu bagore umukino wari unogeye ijisho ni uwahuje Berco Stars y’i Burundi na Don Bosco yo muri Tanzania, abakobwa b’i Buruni bayobowe Florence Kalume bita Dada, berekanye umukino mwiza cyane wo guhererekanya neza no gutsinda amanota anogeye ijisho. Birangira banatsinze amanota 78 kuri 58 ya Don Bosco.

Umukino wawukurikuye wahuje ikipe ya KCCA yo muri Uganda yatsinze ikipe y’Ubumwe BBC yo mu Rwanda igizwe ahanini n’abakobwa n’abagore bakanyujijeho muri Basket yo mu bihe bishize, Ubumwe yatsinzwe yihagazeho bigereranyije ku manota 55 kuri 64 ya KCCA.

Uko imikino yagenze muri rusange:

Abagabo:

Savio (Tanzania) 64-94 Ulinzi (Kenya)
KPA (Kenya) 68-74 Tiger Head Power (Uganda)
Dynamo (Burundi) 58-88 Espor BC (Rwanda)
CSK (Rwanda) 47-93 Gezira (Egypt)

Abagore:
Usiu (Kenya) 64-94 KIA women
Berco stars (Burundi) 78-58 Don Bosco (Tanzania)
Ubumwe (Rwanda) 55-64 KCCA (Uganda)

Abasore ba CSK bagerageje nabo kwihagararaho nubwo bitari byoroshye

Ubwugarizi bw'abanyamisiri bwari bukomeye cyane — Ubwugarizi bw’abanyamisiri bwari bukomeye cyane

Imikino iteganyijwe uyu munsi:

Abagore:
Saa 14h: Barco Stars (Burundi) vs USIU (Kenya)
Saa 16h: APR BC (Rwanda) vs Ubumwe (Rwanda)
Saa 18h: KCCA (Uganda) vs Don Bosco (Tanzania)

Abagabo:
Saa 10h: GEZIRA (Egypt) vs NFEL (South Sudan)
Saa 12h: KPA (Kenya) vs CSK (Rwanda)
Saa 18h: Savio (Tanzania) vs Espoir (Rwanda)
Saa 20h: Ulinzi (Kenya) vs City Oilers (Uganda)

CSK yihagazeho ibona amanota agera kuri 43

Uyu mukinnyi wa Misiri yerekanye ko ari umuhanga cyane mu kwirukankana umupira no kuwutanga bidasanzwe

Mike Buzangu ikipe ya CSK igenderaho cyane

Basket ni umukino w'ubufatanye, nubwo waba ukomeye gute ariko udafatanya n'abandi ntacyo ikipe igeraho, Mike yigaragaje wenyine ariko ikipe iratsindwa bikomeye — Basket ni umukino w’ubufatanye, nubwo waba ukomeye gute ariko udafatanya n’abandi ntacyo ikipe igeraho, Mike yigaragaje wenyine ariko ikipe iratsindwa bikomeye

Abanyamisiri bigaragaraje kandi mu gukora 'rebounds' z'umupira utinjiye mu nkangara — Abanyamisiri bigaragaraje kandi mu gukora ‘rebounds’ z’umupira utinjiye mu nkangara

UM– USEKE.RW

Share this:

1 Comment