AllAfricaGames: Hadi Janvier yatwaye umudari wa ZAHABU

CHIEF EDITOR
09/13/2015

Janvier Hadi wahesheje ishama igihugu cye yegukana umudari wa zahabu uyu munsi

Kuri iki cyumweru umukinnyi Hadi Janvier yasize abandi bagabo basiganwa ku magare mu marushanwa ya All Africa Games i Brazaville yegukana umudari wa Zahabu asize uwamukurikiye ho isegonda rimwe.

Uyu niwo mudari wa mbere wa Zahabu u Rwanda rwegukanye muri iri rushanwa, ni nyuma y’uko mu gusiganwa nk’ikipe basiganwa n’igihe (Team Time Trial) ikipe y’u Rwanda yari yegukanye umudari wa Bronze w’umwanya wa gatatu inyuma ya South Africa(1) na Algeria.

Muri iri siganwa ryo ku cyumweru Hadi yasize abakinnyi 49 basiganwaga 150Km.

Yakoresheje 3h29’37’’ uwa mukurikiye ni umunya Africa y’Epfo Reynard Butler akoresha 3h30’08’’ naho uwatwaye umudari wa Bronze wa gatatu ni umunya-Algeria Adil Barbari wakoresheje ibihe nk’iby’uwa kabiri.

Ku rutonde abakinnyi b’u Rwanda bafashe imyanya ya; Joseph Areruya(7), Joseph Biziyaremye(16), Valens Ndayisenga(34) aba basinzwe n’uwa mbere ho isegonda rimwe nabo kuko bakoresheje 3h30’08’’, Camera Hakuzimana(37, yaakoresheje 3h30’17’’ ) na Jean Bosco Nsengimana(40 yakoresheje3h30’17’’).

Ubushize mu makipe u Rwanda rwari ibumoso bwa South Africa na Algeria rwegukanye Bronze, ubu byahindutse kuko Hadi Janvier yahesheje ishema igihugu cye akajya hagati h'uwa mbere — Ubushize mu makipe u Rwanda rwari ibumoso bwa South Africa na Algeria rwegukanye Bronze, ubu byahindutse kuko Hadi Janvier yahesheje ishema igihugu cye akajya hagati h’uwa mbere

Janvier Hadi umwe mu basore bamaze iminsi bitwara neza muri Team Rwanda yo gusiganwa ku magare

UM– USEKE.RW

6 Comments

ukuri says:
09/13/2015 at 19:28

owo mwana arashoboye pe

Kinubi says:
09/13/2015 at 20:06

Nishimiye intambwe uyu mwana agezeho. Hadi janvier oyeeee !!!!

Gilbert says:
09/14/2015 at 06:55

No muyindi mikino nibarebe ukobabigenze abanyarwanda dukeneye imidari myinshi.amahoro kuri hadi

karahamuheto says:
09/14/2015 at 07:55

N’amateka meza y’amagare mu rwanda kuko usibye muri boxe bazanye umudari ubushize , ntayindi discipline yagiraga umudali…birimo biraza…

FRANCHIZO says:
09/14/2015 at 13:06

rise and shine Rwanda

ui says:
09/14/2015 at 21:13

nkunda n ukuntu i team y’amagare bayise “Team Rwanda” umenya amavubi ashinyagura nayo bazayahindurire izina, ark bazashyiremo Rwanda umunsi yatsinze neza

Comments are closed.

Share this:

6 Comments