Bokota Labama ashobora gukina match ya Rayon vs APR
Ku bagera ku myitozo ya Rayon mubona ko umukinnyi Bokota Labama ayikora nk’abandi bose, amakuru agera k’UM– USEKE.COM ni uko uyu rutahizamu ashobora gukina umukino wa Rayon Sport na APR ku cyumweru.
Rayon Sport iri bugufi kumvikana na DCMP ikipe yo muri Congo, yo yemeza ko amasezerano yayo na Bokota Labama atarangiye, Rayon ikaba iri gusaba ko iyi kipe yatanga impuro zemeza ko Bokota batagifitanye amasezerano (Release Letter) bityo akaba ari umukinnyi wigenga.
Ibi ntibyaba bihagije gusa kuko kugirango akine agomba no kuba afite urupapuro rumurekurira Rayon Sport (rwemeza ko amakipe yombi yumvikanye) uru bakunze kwita Transfer Ordinaire.
Izi mpapuro zombi Rayon Sport irazikeneye cyane mbere y’uko uyu mukino uzaba ku cyumweru saa kumi n’imwe, kugirango Bokota akine uyu mukino wahita utanga indi sura kuko Bokota azi cyane ikipe ya APR.
FERWAFA ngo ntabwo yakwanga ko Bokota akina igihe cyose izi mpapuro zaba zibonetse, gusa yaramuka akinnye izi mpampuro zombi zidahari ngo byaba ingorane kuri Rayon Sport ishobora gufatirwa ibihano nkuko twabitangarijwe n’umwe mu bayobozi basanzwe muri FERWAFA utifuje ko twandika amazina ye.
Mu bwumvikane hagati ya Rayon Sport na Darling Club Motema Pembe, Rayon Sport ngo yaba iri gucibwa amadorari 20 000$ ngo iyi dossier itungane mbere yo kucyumweru.
Umukino wa Rayon Sport na APR ni umwe mu mikino ihuruza benshi mu Rwanda, gusa kubera undi mukino wa Manchester United na Manchester City uzaba kuri iki cyumweru saa munani n’igice, byatumye uwa Rayon na APR wimurirwa saa 17h.
Abafana bakazabasha kubanza kwirebera uriya mu kino wo mu bwongereza uri kuba kuri bya Ecran rutura muri Stade Amahoro bishyujwe ayumukino wa Rayon sport nkuko byemejwe na Gakwaya Olivier, umunyamabanga wa Rayon Sport.
Amakuru kandi atugeraho aremeza ko impungenge z’abakinnyi ba Rayon sport batarahabwa umushahara wabo w’ukwezi kwa Nzeri, zashoboraga kuzatuma batitwara neza ku mukino wo ku cyumweru, zaba ziri burangire nyuma y’imyitozo kuri uyu wa kane, aho bari buhite bahabwa imishahara yabo.
Ubwanditsi
UM– USEKE.COM
English
7 Comments
Uwanditse iyi nkuru ashingira kuki yemeza ko Bokota azi neza ikipe ya APR? niba ari ukuba azi inyuguti zigize irizina n’umwana w’igitembambuga yemwe n’ibiragi birarizi, APR aheruka muri season ishize siyo y’uyu munsi. fanatism yanyu ishingiye ku mazina gusa.
Reka ngaruke k’umukino ubwawo,njye nakomeje kuvuga ko ubwinsho bw’abakunda Rayon ntacyo bumaze;icya mbere nuko aya mafaranga basabwa kwishyura ntayo bashobora kubona kuko babuze n’ayobahemba abari basanzwe babakinira nkuko mubyemeza munkuru zanyu,ikindi ni uko iminsi igenda yiruka bitonde rero tutazabadiha na MPAGA urugambo rukaba rurerure.
Ndangize nisuhuriza abakunzi ba APR aho bari hose haba mu Rwanda ndetse no hanze yarwo,mbasaba ko twazahurira muri Stade amahoro kuriiki cyumweru umudiho ari wose,nubwo turi bake BEZA
man urakabije kuvuganabi tu , kuko iyisimvugo wari ukwiye gukoresha ahuntu nkaha. ni byiza gufana ariko mukinya bupfura. mumashuri wize wigeze cg uberere wahawe naba byeyi wigeze wigishwa ijmbo urugambo? amahoro kuba Rayon na APR, kiyovu, nizindi zose.
uwo mufana wa APR Mwihorere hari ubwo yaba afana akibagirwako agomba no kubaha abandi twe tubizi tujye tubikora
aba reyon mwese musabwe kucyumweru kuza mwambaye ubururu numweru vuvuzera hafi ubundi dutigise stade twereke APR isomo ryaruhago.
iyo ataba imisoro yacu ayo yose ntuba uyavuga. ese abatakuzura no kuri moto nibo babona ngo ashaka abanyablezil?.umunsi ni umwe tukesurana wibuka ko nudashobora kwishyura icyabafana uzataha amaramasa maze nkazamura murera.
Kwitwara neza kwa Rayon byaduha icyizere cyo kuzatwara championat.
abega oyeeeee
Comments are closed.