Eric Nshimiyimana araba agumanye Amavubi

Mu gihe urutonde rw’abifuza gufata umwanya wo kuba umutoza mukuru w’ikipe y’igihugu Amavubi rugeze ku batoza 28, Ministre ushinzwe imikino mu nshngano ze bwana Protais Mitali, aratangaza ko byaba byiza umutoza Eric Nshimiyimana nabo bakorana bagumanye ikipe kugeza nyuma y’imikino ibiri izahuza u Rwanda na Erithrea.

Byari biteganyijwe ko umutoza ashobora kuzamenyekana nyuma gato y’amatora y’umuyobozi mukuru wa FERWAFA ateganyijwe kuri uyu wa gatandatu tariki 22.

u Rwanda rukaba ruzaba rukomeje gutozwa na Eric Nshimiyimana kugeza tariki 15 Ugushyingo ubwo hazaba umukino wo kwishyura hagati y’Amavubi na Erithrea uzaba tariki 15/11 i Kigali, ndetse agatoza n’ubanza muri Erithrea tariki 11/11 i Asmara muri Erithrea.

Hagati aho, u Rwanda nyuma yo kwitwara neza ku mukino wanyuma mu matsinda yo guhatanira kujya mu gikombe cy’Africa, rugatsinda Benin i Porto Novo, u Rwanda rwahise ruzamuka imyanya 31 ku rutonde rwa FIFA rwasohotse kuri uyu mugoroba.

u Rwanda ubu rukaba ruhagaze ku mwanya w’112 ku isi, ruri ku mwanya wa 29 muri Africa, n’uwa 3 mu karere ka CECAFA inyuma ya Uganda na Soudan

Incamake y’urutonde rwa FIFA  rw’uko amakipe akurikirana mu kwezi kwa 10

1. Spain

2. Netherlands

3. Germany

4. Uruguay

5. Brazil

6. Italy

7. England

8. Greece

8. Portugal

10. Argentina

Africa (Top 10)

19.  Ivory Coast

29. Egypt

33. Ghana

35. Algeria

42. Senegal

44. Nigeria

47. Cameroon

49. South Africa

54. Burkina Faso

56. Morocco

Cecafa (Top 10)

88. Uganda

102. Sudan

112. Rwanda

131. Tanzania

135. Kenya

136. Ethiopia

141. Burundi

190. Eritrea

192. Somalia

195. Djibouti

JP Gashumba
UM– USEKE.COM