Afrobasket U-16: U Rwanda rwanyagiwe na Mozambique 96 – 22

Muri Madagascar, ikipe y’igihugu y’u Rwanda y’abakobwa batarengeje imyaka 16 yatangiye imikino y’igikombe cy’Afurika mu ijoro ryakeye itsindwa bikomeye n’ikipe ya Mozambique amanota 96 -22 .

U Rwanda ruri mu itsinda rya kabiri rifatwa nk’irikomeye muri iki gikombe cy’Afurika (Afrobasket U-16 Women Championship 2015) kiri gukinirwa i Antananarivo muri Madagascar.

Ikinyuranyo cy’amanota 74 yarushijwe Amavubi y’u Rwanda muri Basketball ni amanota menshi cyane agaragaza ko ikipe iba yarushijwe ku buryo bukomeye cyane, cyangwa se ititeguye irushanwa ku buryo bufatika.

Umukino wa kabiri, u Rwanda rugomba gukina  na Tunisia  muri iri tsinda, abakobwa b’u Rwanda bari kumwe n’amakipe ya Mali, Mozambique, Angola na Tunisia.

Jean Paul NKURUNZIZA
UM– USEKE.RW