Dufite ikizere cyo gusezerera Zamalek – Kayiranga
Kayiranga Baptiste ku myitozo yo kuri uyu mugoroba
I Nyanza mu myitozo ya Rayon Sports yo kumugoroba wo kuwa 01 Mata 2015 umutoza mushya Kayiranga Baptsite yabwiye Umuseke ko biteguye neza Zamalek kandi ko ikizere cyo kubona ibitego bibiri byasezerera Zamalek gihari.
Ni imyitozo yamaze igihe kigera ku masaha atatu yarimo ishyaka cyane mu bakinnyi ba Rayon. Baptiste Kayiranga wabonaga yibanda cyane ku gutoza abasatira akoresha abakinnyi bakina ku mpande abigisha gutera imipira miremire iva ku mpande ari nako yereka abasatira uko bakwiye guhagarara ngo batsinde.
Nyuma y’iyi myitozo yatangiye kuva saa cyenda na 45 z’amanywa igasozwa hafi saa moya z’ijoro umutoza Kayiranga Baptiste yabwiye Umuseke ko ikipe yasanze ari nziza ndetse n’uburyo imyitozo iri gutangwa abakinnyi bari kuyumva.
Ati “Igihari ni ugutegura abakinnyi mu mutwe naho ikizere cyo turagifite cyo kubona ibitego bibiri”
Aime Niyomusabye umuvugizi w’ikipe ya Rayon Sport ku myitozo yo kumugoraba ati “Turi gukora ibishoboka byose ngo abakinnyi babone ibyatuma morale yabo izamuka. Ntiturabahemba ariko nibyo turimo, umukino nyirizina uzakinwa bamaze kubona amafaranga.”
Abakinnyi bavuga ko umwuka ari mwiza mw’ikipe, Ndayisenga Fuadi Kapiteni w’iyi kipe yabwiye Umuseke ko bahagaze neza ndetse n’imyitozo imeze neza ati “Duhagaze neza kandi hari ikizere ko tugomba gutsinda ibitego dusabwa.”
Rayon Sports na Zamalek zizakina umukino wo kwishyura tariki 05 Mata 2015 i Kigali, umukino ubanza i El Gouna mu Misiri warangiye Zamalek itsinze 3 – 1 cya Rayon Sports.
Ku mugoroba wo kuri uyu wa kane nibwo ikipe ya Rayon Sports yageze i Kigali ngo ikomeze kwitegurira aho izakinira na Zamalek.
Photos/JP Nkurunziza/UM– USEKE
Paul NKURUNZIZA
UM– USEKE.RW
English
7 Comments
Nubwo ikizere kiraza amasinde, ariko muzagyeyo mutsinde.
Dufite Abakinnyi ba basore kabisa gusa dukeneye ubuyobozi buzi icyo bukora.
Baptista; gusenga bikongerere ingufu n’ikizere nkuko kera wajyaga ukigira mu kibuga. Kandi ndagusabye uge wambara neza nka kera bijyanye nakazi kawe. Ikindi ushyire ikizere mu bana b’abanyarwanda bave kunzoga. Like Robert. …… Leo nawe yirinde abagore ubumvishe ko ari akazi kabatunga neza bakaza no mubakire
bambere mu gihugu. Thank you brother Baptiste
Mbifurije kuhacana umuco Basore , kandi Baptiste Imana iguhe icyobahiro ikugabize Zammalek uzayitsinde wongere utugarurire ibyishimo nkabafana ndetse na banyarwanda muri rusange , Mana tugusabye itsinzi , kdi turagushimiye kuyiduhaye , muyizere nayo izakora ibyayo
Zamareka turayitsinda
Baptsiste courage kandi tukuri inyuma Imana iri kumwe nawe
Yewowe!! Mbega Ngo Twereke APR ko RAYON SPORT ikiri ikipe itavogerwa namakipe yo mumahanga nkuko yo yagenjwe na ALAHIRI !
Ni hatari. Ibitego bibiri? Ngaho nzaba mbireba
Comments are closed.