Urukiko rwategetse ko David Kabuye akurikiranwa afunze by’agateganyo
Umucuruzi David Kabuye asohoka mu mudoka ngo yinjire mu rukiko
*David Kabuye yavuze ko imirambo yo mu kiyaga cya Rweru ari iy’Abanyarwanda baburiwe irengero.
*Yavuze ko yemeranya na Filimi Rwanda’s Untold Story.
*Yavuze ko atafungiwe gutunga imbunda mu buryo bunyuranyije n’amategeko ko ahubwo yafungiwe kwanga gushimuta Brig. Gen Frank Rusagara.
*Ko Kabuye yasohokanye Dosiye ya Lt Jean de Dieu Tuyisenge ufunze
17 Werurwe 2015 – Ibi ni bimwe mu byo abatangabuhamya barimo abari bafunganye na David Kabuye muri Gereza Nkuru ya Nyarugenge nka Rwabyanga Kizito, Innocent Kayumba na Joseph Nzabonimana bavuga ko bumvise Kabuye avuga. Urukiko rwaje gutegeka ko Kabuye afungwa by’agateganyo iminsi 30.
Kuri uyu wa kabiri nimugoroba Urukiko rw’Ibanze rwa Kacyiru rwabanje kugaragaza muri make ibikubiye mu kirego Ubushinjacyaha bwarushyikirije ku byaha bibiri birimo guteza imvururu cyangwa imidugararo mu baturage no gusebanya cyangwa ibitutsi byose David Kabuye akurikiranyweho n’uru rukiko rwanemeje ko akurikiranwa afunze kuko impamvu zatanzwe n’Ubushinjacyaha zikomeye.
Ibi byaha David Kabuye yabikoze hagati yo y’ukwezi kwa 08/2014 n’ukwa Gashyantare 2015 ubwo yari afungiye muri gereza nkuru ya Kigali.
Mu kirego cy’ubushinjacyaha, bwagaragaje ko ku byerekeye icyaha cyo guteza imvuru cyangwa imidugararo mu bo yari afunganywe nabo, umutangabuhamya witwa Rwabyanga Kizito yavuze ko David Kabuye ubwo yari ari muri gereza yavuze ko imirambo yagaragaye mu kiyaga cya Rweru ari iy’Abanyarwanda hakiyongeraho iy’Abagande.
Ngo ko yavuze kandi ko yemeranya na filimi yakozwe n’umunyamakuru wa BBC ariyo Rwanda’s Untold Story.
Na none kandi ngo David Kabuye yavuze ko atafungiwe gutunga imbunda mu buryo bunyuranyije n’amategeko ngo ahubwo ko yafungiwe kwanga gushinja Brg. Gen (utakiri mu ngabo) Frank Rusagara, uyu mutangabuhamya kandi yavuze ko David Kabuye ubwo yafungurwaga yasohokanye Dosiye ya Jean de Dieu Tuyisenge nawe bari bafunganye aho Kabuye yavugaga ko azamucikisha.
Naho ku cyaha cyo gusebanya no gutukana, umutangabuhamya witwa Joseph Nzabonimana yavuze ko David Kabuye yise Lt Euphrem igisambo, igicucu n’ibindi bitutsi.
Ku munsi w’ejo ubwo ibi byaha byaburanwagaho, David Kabuye n’umwunganizi we Me Vincent Ndikumana bari batangaje ko kuba uyu mugabo (David Kabuye) asubijwe imbere y’Ubutabera ari Raporo yakoze igaragaza uburiganya n’ubucuruzi butemewe bukorerwa muri Gereza kubufatanye n’abayobozi ba gereza.
Bari basabye Urukiko kandi gutesha agaciro iki kirego kuko abatangabuhamya babajijwe n’Ubugenzacyaha ari abo kutizerwa kuko bose bafungiye ibyaha bikomeye.
Ubushinjacyaha bwo bukavuga ko ibi byaha Kabuye, umugabo wa Rose Kabuye wigeze kuba umuyobozi w’Umujyi wa Kigali, akurikiranyweho bikomeye ndetse ko aramutse akurikiranywe ari hanze ashobora gukomeza kubikora.
Urukiko rwanzuye ko David Kabuye akurikiranwa afunze kuko impamvu zatanzwe n’Ubushinjacyaha zikomeye ndetse ko ibyatangajwe n’uregwa nta bimenyetso yagaragaje kandi ko aba batangabuhamya bamushinja badafunze bose nk’uko uregwa yabitangaje.
Martin NIYONKURU
UM– USEKE.RW
English
38 Comments
ntabwo byoroshye uyu mugabo ari mumazi abira
NTABWO AKIRI INGANDA, YABAYE IKIGARASHA.
Umugabo mbwa aseka imbohe.
Twese mwiki gihugu ntawutagera hariya sauf mwenyewe wenyine menya nuwe akosheje yajya mo.
Muge muziba rero.
Uyu mu Police umukinguriye urugi ndamugaye, police itwaye imfungwa ifite inshingano zo kuyibungabungira umutekano none uyu ukitazi ubunyamwuga aramuretse ako kumufata ngo amanuke neza.
Afande agihane mu Rwanda ntitwemera ibikora nabi.
Umupolisi we ararengana.
Njyewe nsanga ibirego ubushinjacyaha bufite nta shingiro na busa.Niba avuga ko yemeranya na film ya BBC se byabaye icyaha kuva ryari? niba ari cyaha se, leta itegereje iki ngo irege abanyamakuru ba BBC? Ikindi ngo yavuzeko abanyarwanda bari muri Rwaeru ari abanyarwanda baburiwe irengero, abarobyi babivuze kuri BBC se ko batakurikiranwe? Aba bagororwa ubwo haribyo babemereye ariko nabo bashobora kuzabizira mu minsi irimbere.
ariko ikemeza ko abo bagororwa ibyo bavuga aribyo Niki ? u Rwanda rufite abanyabwenge benshi namwe nimushishoze kandi abantu bafunga abantu ngo bavuze muge mutinya Imana ibi mukora namafuti gusa cyokora umuryango we wihangane erega abantu baravuga kandi ntagihe batazavuga niyo umuntu yavuga amafuti uramureka kuvuga ntawe byishe ibi nugukabya .
Ariko harya ngo ubu turamaranira iki?
Ubutegetsi.
muzadufungire babandi ,babaha umurongo w’imikorere. ngo’ ni mutagire gutya baragira gutya, yemwe, tuzahumekerahe? abandi iwabo barahumeka. ibibazo byabo bikanjyanwa iwabandi. turarengana, ntawe twashyizeho muri Afrique yose,ntanawe twavanaho abamushyizeho baramuzinukwa bakamuruka. abandi ni ba Gedeon.ayi,afrique, twahindutse amenyo yabaseka.
Gasarabwe, Teta, N’abandi batekereza nka mwe muri ibigoryi gusa. Sha, ntimuzi akamaro ko kugira igihugu, muzakamenya umunsi mwakibuze. Ngo kwemeranywa na Rwanda Untold’s story nta cyaha kirimo? Kubeshya no gusebanya nta cyaha kirimo? Igihwinini gusa.
Buri wese aba afite uko abona ibintu, n’uburenganzira bwabo. iki gihugu kirimo kwicwa namagambo gusa iyo umuntu atagushaka arakuvuga kdi nabi, hari rero nabahora babanguye amatwi bategereje kumva ibyo bababwira
Teta uratinyuka nta soni uzi uko mwatugize !!!
Twabagize? Hanyuma se Kabuye kuri stade siwe warashe karamira? Nonese Imodoka yakuye kwa hussein mubiryogo zarize wigeze wumva niwabo barayigeze? Inda nini Gusa!
Karamira ataswa nari mpibereye yishwe na bambaye bikwije umubili wose utabona ni ntoki ahita apfa…, iba waramenye uwamurashe ahubwo bene wabo uzabibabwira ntuzabacika ubwo nawe warimo bazamugukurikize.
Si muburanira nu mugabo nawe ndumva ukuze iba uri intwari wari ku murega nubu musangeyo umurege ureke kuvugira mu matama tama jya hagaragara ubivuge.
Mwembi ntacyo mumbwiye muri bamwe icyo nanga nugoreka amateka ya genocide yakorewe abatutsi.
Ari wowe ariwe ninda nsa nta woroshye.
Gisa ntamateka ngoreka kuko Nabahutu barashize bagakwiye Kutagorekerwa Ayo mateka. Niba wibuka neza uwakabiri uturutse iburyo Yari kabuye niba utarubizi ubimenye!
urafitwe ukimeze utyo!Umutima umeze utyo urutwa nuwintare!Ihane kdi ubabarire!Ese baso ko bakoze amaraso yinzirakarengane,abo batutsi ushaka ko bafungwa bagize bate?ndabona ikirenge cyawe gisatiriye icyaso cyo nibarebe aho baba bakubitse ugororoke
Ikiza nuko Karamira wamaze abantu bamujanjaguye nirebera.
Kandi rero iba so yarishe akaba afunzwe ni byiza reka kibyishyure jyu musura umuhane yakoze amarorerwa yo gahera mu gihome.
Ibyo ushinja Kabuye sinabyizera keretse abyivuhiye cg undi mubo bari kumwe kuko muzi bihagije nari mpibereye sinamumenye wowe rero sinzi ibyo umbereye mo.
Naho ibyo bimodoka yakuye Biryogo iwanyu iyo asiga anahatwitse izacu mwazihungiye mo iyo mwarorongotanaga camion 9 zacu uretse 3 zari Kenya izindi bene wanyu ntibazitwaye nabe na Kabuye we yakizaga inzirakarengane.
Erega ibintu mwakoze byarabagarutse harubwo tutibuka ko namwe muhogoye.
Ese mwumva bimeze bite we mbwira ???
Buriya na sooo ubona batarabahemukiye we nyibwirira !!!!
Ha ha ha interasi zisigaye zibabaye disiiiii
Twumvikane
HE Kagame muzabigenzure azira urunuka ibisambo, abivanga muri politique ye bayangiza.
Utari mwiyo categorie rwose wakwibera mu mudendezo hano.
Yigeze kubaza muri press conference ngo uwahunze cg ufunzwe mumbaze ibye ndabasubiza …,habura numwe ubaza !!!!
Kandi koko ugenzuye usanga IBISAMBO, ABAMUVANGIRA MURI POLITIQUE nibo bafungwa nibo bahunga.
Ninde mucuruzi wa Matheus, Gakinjiro,… Muzi yafunze ???
Ibyo azejyereza ni binyenda bisa ni byigira ibinyepolitique icuramye.
Wowe wiyise munyarwanda uri kunsetsa kabisa mwana wa mama irire utwo wabashije gusuma uno munsi wiryamire ibindi ubiharire bene byo ! Ibihe bihora bisimburana iteka wamugani wa padiri! Nange birancanga tu!
kabisa wowe ndakwemeye
yigisha kwanganisha kagame why?dore
nudukweto yambara nkabarwanyi ba FRDC.ndavuga abasezerewe.
Hahahaha Teta na Gisa muranshekeje ndatembagaye walahi,ubwo koko murapfa iki?mbega ibibazo biri mubanyarwanda!ndumiwe
Barasaze ahubwo ndabona bose uburoko bubategereje hhhhhhhh
kureba hafi, kwibeshye,
Usomye imitekerereze ya Gisa na Teta, wakwiheba. Mu Rwanda dufite ibibazo bikomeye, si no mu Rwanda ariko gusa, ni isi yose. Mujye mukomeza musenge ubwami bw’Imana buze, niwo muti rukumbi w’ibibazo by’abantu. (Matayo 6: 9,10)
gisa na teta natabwo ari abantu batandukanye iyo NSESENGUYE mbobana ashobora kuba umuntu umwe ufite umugambi wo gusenya ibyubatswe “ubumwe bw` abanyarwanda “ icyo rero akora arituka hanyuma akisubiza , niba uko mbibona ariko biri uwo muntu ntaturangaze, vive le RWANDA .
rwose
Teta uziko mwikunda mugakabya. Karemera se aruta imbaga y abanyarda impinja abasaza bishwe bashinyaguriwe? Nibe nawe yishwe n urusasu nyiyapfuye bamutemaguye.
Karamira not Karemera
Mbega Mbega Teta uteye isoni Pe ngo iki cyanditse kugisozi? Yewe ndumiwe
iri zina ngo ni teta ntabwo rikubereye ! mwebwe mwatese ryari? bazakwite Nyirantambara cg gashoza ntambara , ufite ingenga bitekerezo ,gabanya urusaku ibyo ntibitwubaka.
huhuhuhuh, iyaba buri wese mbere yo kuvuga abanje agatekereza cyane kubazasoma ibya agiye kwandika. byari kuza dufasha kubona ibisubizo igihugu gifite, naho gukomeza guterana amagambo ntacyo byatugezaho.
1. jye uko mbyumva kdi mbibona ntawe ukwiye kuzira ibitekerezo bye, ahubwo dukwiye gusasa inzobe tugahuza ibyo byifuzo, umugambi, ndetse n’ ufite ibyifuzo bitandukanye n’ ibyabandi tukamwumva kuko ushobora gusanga afite impamvu yumvikana dore ko mu Kinyarwanda bavuga ng” Ukuri cg umuti ukiza urarura” so icy’ingenzi ni ugusenyera umugozi umwe ( Urwanda )
2. Twirinde imvugo z’ abanyapolitike, kuko abenshi baba bishakira inyungu zabo bakabyitirira inyungu za rubanda. Nyama usanga ari izabo bwite, ndetse ni iz’ amashyaka bahagarariye.
3. Njye nemera ko Genocide yakorewe abatutsi na njye narayirokotse; kdi nkemera ko hari ubwicanyi bwakorewe abahutu kdi benshi.
Kubwibyo rero icy’ ingenzi nugushyigikira ubumwe n’ ubwiyunge kuruta guhora twitana ba mwana..
niba Kabuye hari ibyo ashinjwa nitureke kumubonamo uwarashe Karamira kuko yashyiraga mu bikorwa imyanzuro y’urukiko.
ngayo nguko… mbifurije u Rwanda ruzira umwiryane.Amahoro y’Imana abe ku Rwanda n’Abanyarwanda
Nkundurwanda ibyo uvuze nukuri% knd biranubaka Ureke Gisa
@ NKUNDURWANDA wowe ibyanyu ndabizi mba nakuvumbuye ubwo uri imvajye uba wabuze iyo wegama pole nabo ukomokaho bavangavanze imvuzo n’akelera kandi kizira !!!!
ni hatar, gusa ikigaragara nuko u Rwanda rufite abanyabwenge mwese murimo, including teta na gisa, harabura akantu gato ubundi twarugira paradise,
kwibuka ko tuzapfa tukarusigira abana n’abuzukuru, murekane nabanyabyaha twite ku bana bacu sha, twe twararangiye
Ariko ubundi ababagabo babuze indi mishinga bakora ?
Twebwe abakyene turashaka invetors tubone akazi naho ubundi politike yo twamaze kuyishira kumurungo mwiza.
nimucakirane sha hhhhhhhh mwenengofero nigaramiye
Nukuri hari ibyo tubona biba bikaduhahamura bene ngofero. Harya ibi byaba Kabuye bizagarukira he?Abasenga bakerekwa nimutubwire, aho iri shyamba niryeru? Uwibeshya ko bitamureba yibuke wamugani ko aho inzovu zirwaniye, akenshi ibyatsi aribyo bihashirira.Immana iratwirindire ntituzi ibyo bapfa. Umuntu afungirwe ngo yaravuze? Undi ngo yangisha ubuyobozi buriho abaturage?Iki cyaha ko mbona kigiye kumarira aba cadres ba RPF mugihome?Ese noneho abanyarwanda tujye tuba ibiragi ko mbona numugore azabona mutumvikanye akajya kugutanga ngo waravuze?
Comments are closed.