Umucamanza yafatiwe mu cyuho asaba ruswa ya 70.000.000

CHIEF EDITOR
09/07/2011

Niyonizera Claudien, wari umucamanza mu rukiko rukuru rw’akarere ka Musanze, Police iremeza ko yamufashe asaba ruswa ya milioni 70, umuburanyi wari ufite urubanza aregamo company ya Gorilland rwari kuzasomwa muri iki cyumweru.

Claudien Niyonizera ukekwaho kwaka ruswa/Photo Umuseke.com

Kuri station ya Police i Remera aho afungiye, we n’uwo bivugwa ko yabahuje na nyiri kurega (commissionaire) ntabwo bemera ibyo bashinjwa.

Claudien witeguraga kwimuka i Musanze yerekeza i Rwamagana (Mutation) nyuma yisomwa ryurwo rubanza, ngo yaje i Kigali kuri uyu wambere, aho yari guhurira na Commissionaire maze akabahuza na Francois Nkinzehwiki basabaga ko atanga ruswa ngo urubanza rwe rusomwe uko abishaka.

Uyu Nkinzehwiki, mu rubanza rwe ngo yasabaga ko yakwishyurwa Millioni 700.000.000 na Gorilland mu rubanza yayireze, maze agaha umucamanza Niyonizera Caludien 1/10 (Milioni 70) igihe urubanza rwe rusomwe uko abishaka.

Kuri uyu wa gatatu bagombaga gusinya amasezerano (contract) y’uko Francois Nkinzehwiki afitiye umwenda wa miliyoni 70 Claudien Niyonizera, kugirango bitazitwa ruswa nyuma y’isomwa ry’urubanza.

Nyuma yo gusanga bidashoboka, uyu Francois niwe ubwo watanze amakuru ko ari gusabwa ruswa. Iperereza rihita ritangira.

Francois yazanye ibanze (avance) y’ibihumbi 100 kuri uyu wa kabiri, ariko uyu mucamanza na Commissionaire we barayanga, nyamara ngo bari bamaze kunyweramo ibihumbi 10. Police yahise ibafatiraga ahitwa City Valley Motel, Nyabugogo.

Commissionaire na Claudien Niyonizera/Photo umuseke.com

Claudien Niyonizera uregwa, avuga ko yaje i Kigali kureba uyu wiswe umucomissionaire, kuko bari basanzwe baziranye, ndetse ariko ko yari ari no kwitegura kwerekeza i Rwamagana aho yimuriwe.

Akemeza ko yari azi dossier ya Niyonizera ndetse ko byamutunguye gusanga ari kumwe n’uyu mu Commissionaire aho Nyabugogo. Ariko akavuga ko nta gahunda bari bafitanye.

Naho uyu bivugwa ko wabahuje, yavuze ko yari avuye i Nyanza, agahamagara Francois Nkinzehwiki, nk’umuntu baziranye, ngo amuhe udufaranga twa ticket imugeza i Musanze, hanyuma akanavugana na Claudien (Umucamanza) maze yakumva ko ari i Kigali akamuhamagara ngo basangire agacupa nkuko bisanzwe. Akavuga ko rero nta ruswa bariho bapanga.

Umuvugizi wa Police Theos Badege, abajijwe icyo aba bagabo bateganyirijwe, avuga ko Police yo ifite ibimenyetso bifatika izashyikiriza ubushinjacyaha maze aba bagabo bakaburanishwa n’ubucamanza icyaha cya Ruswa.

Theos Badege kandi yavuze abaturage kumenya ko ubucamanza butagurwa ahubwo ari uburenganzira bwabo, ndetse ko abacamanza baba batekereza kurya ruswa bakwiye kubyibagirwa kuko Police yahagurukiye ibyaha nkibi.

Badege Theos ati:"Ubucamanza ni uburenganzira bwa buri wese, ntibukagurwe"

Jean Paul Gashumba
UM– USEKE.COM

39 Comments

nkurayija says:
09/07/2011 at 15:13

aba bacamanza kubahaya icyaha ntibyoroha !uhari uw’i kanombe bafatiye mu cyuho bamurega ruswa y’ibihumbi 100,ariko bamusanganye ibihumbi 95 babura aho bahera bamushinja aba abaye umwere,aba nabo rero keretse niba barabafashe amajwi.
- K says:
  09/08/2011 at 16:25
  
  IMANZA YARI YARACIYE ZIKWIYE KUZASUBIRWAMO ZOSE KUKO NTAWAMENYA IGIHE YATANGIRIYE KU…

ukuri says:
09/07/2011 at 15:17

iri ni ikinamico ryo gukingira ikibaba gorilland yayogoje igihugu yambura abanyarwanda.
- YUSUFISIRAHENDA says:
  09/07/2011 at 16:03
  
  NANJYE NTYO

Henry says:
09/07/2011 at 15:23

Mbega umugabo wahuye n’uruva gusenya iyi yari iboro pe. Ariko icyaha ntikijya cyihishira na gato!!!

Ariko sha nkiyo uza kubaca urwaho wari kuba uvuyeyo peeee ariko none bahise ba click on DELETE button.
- Rubabaza says:
  09/09/2011 at 07:24
  
  Aragaragaye, ariko nanjye nagatangaye, abacamanza uzi amazu bari kubaka?kandi wakurikirana ugasanga nta na credit bafite,kandi imishara yabo irazwi ntiruta iy’abandi.
  Ba click ESC OR CANCEL ON HIS BUSINESS PROCESS

Linda says:
09/07/2011 at 15:28

Ibi bintu birababaje. Uyu mugabo nawe yagombaga gushyirwa k’uruhande nkuko abandi bagirirwa mu buryo budasobanutse hadakoreshejwe ubu buryo bugayitse gutya.

Mbega abagome!!!! Aya mafaranga se yatangirwaga company ya Sonny wenda ikaba isigaye ikorera mu Rwanda ntitubimenye!!!! Ibi ni ugukabya rwose nimureke uyu mugabo ndabona anakuze ajye kwirerera abana.

JACK says:
09/07/2011 at 15:51

UMVA ARIKO NUWO MUNTU UBA WAGIZE UBUSHAKE BWO GUYITANGA AKWIYE KUJYA AKURIKIRANWA AGAHANWA

JACK says:
09/07/2011 at 15:52

KUKO HARIBWO USHOBORA KUBA UPFA NUMUNTU UGAHAMAGARA POLICE NGO UMUNTU AKWATSE RUSWA

grigon says:
09/07/2011 at 16:01

ibi bintu biratangaje ayo ma cash yose yaraya ruswa gusa

Karibu Nehemie says:
09/07/2011 at 16:29

Miliyoni MIRONGO IRINDWI!! Yego n`uwayitangaga biragaragara ko nawe yari kuzibikaho miliyoni 630 nyuma y`ikatwa ry`urubanza, ariko uyu musaza rwose abuze ibyari bigeze ku munwa nubwo yari agiye kuruca araramye.

Yewe burya ni uku bakira tukabona imiturirwa izamuka tukibaza iyo biva

Bébé says:
09/07/2011 at 16:35

Iyo nimitwe pe,ubwo ntihabuze ushaka umwanya we!esubundi waba wemeye gutanga ruswa ya 70.000.000 ukazana avance ya 100mille atari byibuze na 5millions.Rwose usomye ukoiyi nkuru imeze wahita ubona kwaruburyo bwimitwe bwo kubeshya kgr uwo mucamanza afungwe.Niyihangane ntakundi kw’isi nuko
- dj says:
  09/09/2011 at 08:58
  
  nibyo ibyo uyu mukobwa avuze

Nkongoli says:
09/07/2011 at 16:43

Maze amafaranga yacu mwayatesheje agaciro pe! Nizere ko atari kuzavamuri BNR arayo mwari kuzakura ikuzimu! Ntimukaduterere igihugu imivumo, amafranga atanzweho ruswa, ahawe indaya, atanzweho inyoroshyo yose aba yarangiye kwandura! None aho kugira ngo 1/10 itangwe mw’itorero ngo izahabwa undi muntu birababajeeee, musengere u Rwanda nabanyarwanda muri rusange!

igiti says:
09/07/2011 at 16:59

uKURIKIJE IBYANDITSE NTA CYAHA KIRIMO. KUKO SI N’UBWINIRACYAHA KUKO NTA MAFARANGA YAFATANYWE AHUBWO IYO BAREBA AKABANZA AKAYAFATA CYANGWA IYO CONTRACT IGASINYWA IKABA COMMENCEMENT DE PREUVE. BYITONDERWE PLEASE
- dj says:
  09/09/2011 at 09:00
  
  ntimureganye uyu mucamaca ibihumi 100 muri 70000.ntibyumvikana pepe.nimumurenganya imana izabahane

wowe says:
09/07/2011 at 17:04

BISHOBOKA BITE KO IBIHUMBI IJANA BIBA AVANCE YA MILIYONI MILONGO IRINDWI//ESE BURIYA NI FRAGLANCE SE KO UBUSANZWE JUGE STATUT ITAMWEMERERA GUFUNGWA BY’AGATEGANYO? AMATEGEKO AJYE YUBAHIRIZWA.

tnzabandora says:
09/07/2011 at 18:02

ntacyaha mbonyemo gusa mbonyemo akagambane numupango mubisha

KAMBARI says:
09/07/2011 at 18:57

EH!!!ARIKO UWO FRANCOIS NKIZEHWIKI SI WAWUNDI WARI COMPTABLE KURI GSBM/MUSANZE KWA ROCHEREAU TWAMWITAGA”KIMWAMWANYA”KUBERA IBINYANGA BYINSHI. YANDIKISHAGA CRAYON GUSA AHUBWO POLICE NIMWITONDERE KUKO IKINTU KITWA “GUTEKINIKA” ARAGISHOBOYE CYANE.

KAMBARI says:
09/07/2011 at 19:00

YES,FRANCOIS,PAPA CYUMAAA!!!SINARI NGUHERUTSE IL YA 12ANS VRAIMENT.

Denis says:
09/07/2011 at 19:47

Muze uzize gushaka gutera ibuye ku Karere, ubwo wari wiyibagije Golliland icyo aricyo. Pole sana

Karibu says:
09/07/2011 at 23:17

Ikinamico.com. Abanyamakuru babwiwe n’iki ko ruswa iri butangwe kugira ngo bategerereze mu kabari na za cameras na microphones nkaho habereye amahugurwa? Muzi gupanga gusa nta avance ya cent mille kuri ruswa ya 70 millions.

wowe says:
09/08/2011 at 07:12

None se yari kumwe n’umukiliya we gute ko uwo mucamanza atakibarirwa muri Musanze uhereye tariki ya 1/9/2011. Yari kuzaca urubanza rwo mu Rukiko atakibamo? Iyo bareka se ayo masezerano akabanza gusinywa? Ariko umuntu wese ufashwe ahita yambiukwa amapingu? Cyangwa ni ugusebya umuntu cyangwa akawi akora? Abanyamategeko baremeza ko biriya atari ugufatirwa ku cyuho ko kandi niba yanayahawe akayanga kabone niyo yaba awiko ari ruswa atari icyaha cyangwa ubwinjiracyaha

bebeto says:
09/08/2011 at 07:41

IKINAMICO:UBWO SE UWO WAREGAGA GORILLAND (HANZE AHA BIRAVUGWA CYANE KO ARI KOMPANYI YAMBURA)YARI YARAYIKOREYE IKI NGO IMWISHYURE ARIYA?? URIYA MUCAMANZA SE YARI KUZAVUGA KO UMUNTU AMUBEREYEMO MILIYONI 70 ZIGENDAZITE ATARI N’UMUCURUZI?MUJYE MUKORA ISESENGURA. IYI NKURU NTISOBANUTSE.

RIDI says:
09/08/2011 at 08:19

Polisi ijye yitonda mu gushaka ibimenyetso.Ese buriya les éléments constitutifs de l’infraction ziruzuye kugira ngo havugwe icyaha cya ruswa.

samu emmanuel says:
09/08/2011 at 09:17

gusa niba koko police yigihugu ishishoza nibanze yige kukibazo kitavuzwe gake muri uri uru Rwanda maze ibone ihe agaciro ibyo uwo mugabo ashinjwa gusa uko mbyumva ndumva ibyo bintu birimo akarengane ntawushobora gusabwa rushwa ya miliyoni70,000,000 ngo azane avance yibihumbi 100,000 kandi ntagihanga yafatanywe ndumva ntakuri kuri muri icyo kirego murakoze kuzagira ubushishozi.

rudakubana says:
09/08/2011 at 09:19

abacamanza kubahamya icyaha ni ibintu bigoye cyane!!!ariko ruswa yo barayirya ngirango bazayimara

NKULIKIYINKA J.Bosco says:
09/08/2011 at 09:38

nakumiro avanse yibihumbi100 kuri miriyoni 7000000 ntibaho kandi nucamanza uca urubanza murukiko atgikoramo

rwanda says:
09/08/2011 at 10:27

iki kirashaje sha! uti ruswa ya 70million,hanyuma avance ya 100.000, ubundi uti bari bamaze kuryamo 10.000, yewe ndabasetse?this is the old technical system. iyi technique ni inkecuru cyane.

KWAMBURWA NA GORILLAND says:
09/08/2011 at 10:34

Ariko se ninde uzaturenganura koko ko na Perezida wacu bamubazije ibyo kwambura abaturage bakodesheje imodoka Gorilland akanumira? MBUNDU tukamubona ngo ahagariye PSF koko? Akumiro ni amavunza! Kuki batishyura?

songo says:
09/08/2011 at 11:57

ariko Mu Rwanda muzareka akagambane ryari? ni mubwire icyaha uyu mugabo yakoze? ariko muzi nyiri Gorilland. ngaho ni mugerageze? izi big company or organization zitanga icyacumi ahantu. nti mwirirwe muvuga akarengane k’abaturage. ahhhhh muzambwire?

sss says:
09/08/2011 at 14:34

bakurikirane neza wasanga ari u rwango bamufitiye bashaka kumwikiza uwo mugabo uko agaragara mu ifoto ntiyakwasamira ubwo busa ngo ni ibihumbi ijana!!!!!@

masengesho says:
09/08/2011 at 15:55

NTARWANGO AHUBWO POLIS NICUNGE NOKUMUPAKA NAMABUS KUKO BITEYE UBWOBA NIBA INSINGA ZAMASHANYARAZI ZAMBUTWA UGANDA NTAWUBAFASHE HABA HAYIKI? KUKO SINSHAKAGUKOLA AKAZI KAPOLISARIKO NIBAGENULE AHO MBATUNGIYE AGATOKI KUKO AHUBWO MUZASHYILEHO NABAMANEKO BAMBAYE SIVILE MUMABISI3 NAUGANDA AHO BAGULILA IZO NSINGA NDETSE NABILIYA BIKAMYO BITWARA IBYUMA BISHAJE RWOSE MUZABA MUMBWIRA

koli says:
09/08/2011 at 20:30

MU BYO TUZI ABACAMAZA BAMWE BARYA RUSWA BAKARENGANYA ABANYARWANDA ARIKO HARI N,ABANTU BABESHYA. FRANCOIS NKINZEHWIKI N’IGISAMBO KIZWI NEZA MU RWANDA HOSE.MUCYITONDERE KANDI MUGIKURIKIRE.UBUNDI UTANGA RUSWA N’UYAKIRA BAHANWA KIMWE KUKI MANYANGA FRANCOIS WE ADAFUNGWA.AGOMBA NO KUBAZWA ICYO YAKOREYE IYO COMPANY KUGIRA NGO ASABE AYO MAFARANGA YOSE

praise says:
09/09/2011 at 11:19

Iyi n’imitwe,umuseke be careful! ejo mwavuze ko fashwe yakira ruswa ya 100thousand,none ngo yarayanze none se ko yayanze biramurega iki?
Ayo masezerano hari ayo afite,cg yasinye?
akarengane.com Ese ubundi Gorilland niyande? mwagiye mymenya abo muri kumwe mu kibuga sha!!!!!!!!u a joking wiz r’ada

praise says:
09/09/2011 at 11:21

Mwumve byinshi,muvuge bike bana,rimwe natwe tuzagerwaho erega. its just a matter of time,otherwise easy. IMANA azi abayo

vameri says:
09/09/2011 at 11:24

ibi bintu ntibisobanutse harimwo imitwe ya golila 100 mille muri 70 million? wapi iki kinyoma ni nkecuru wamugani wa rwanda

praise says:
09/09/2011 at 11:29

Am so disappointed!!! 100thousand is which percentage of 70m?
Umuntu aca urubanza mu rukiko atagikoramo,mutubwire abanyamategeko twumve da.Polisi niba ikoresho byaba bibabaje cyanest….Gorilland ahaaa,muyizi inusu ikwishyura se nindi ukuzi?

Gerard says:
09/09/2011 at 12:13

Ariko mwaratse speculation!!wenda 100k yarayo guhehereza umuhogo (apertizer); kandi mureke ubucamanza bukore akazi kabwo di –

Peace out!!

Comments are closed.

Share this:

39 Comments