Ryumugabe wafashe UMWANA WE ku ngufu yaburaniye aho yakoreye icyaha
16 Nzeri 2014 – Mu mudugudu wa Nyakabungo Akagali ka Nyankurazo Umurenge wa Kigarama mu karere ka Kirehe aha niho Faustin Ryumugabe atuye, ni naho yakoreye icyaha cyo gusambanya ku ngufu umwana we w’umukobwa w’imyaka 17, aha ni naho kuri uyu wa kabiri urubanza rwe rwatangiye kuburanishirizwa imbere y’abahatuye.
Faustin Ryumugabe yambaye imyenda isanzwe, yambaye amapingu ku maboko yagejejwe imbere y’inteko iburanisha na rubanda basanzwe baturanye ubona afite ipfunwe n’ikimwaro ku maso.
Ukuriye ubushinjacyaha ku rukiko rwisumbuye rwa Ngoma yatangiye avuga ko uregwa ahamwa n’icyaha cyo gusambanya umwana we ku ngufu ariko abitewe n’ubusinzi bw’inzoga yitwa Siriduwire ivanze n’urwagwa yari yanyoye nk’uko yari yabyiyemereye mu nyandiko mvugo yakoze nyuma yo gufatwa.
Uregwa nyuma y’umunsi umwe akoze icyaha akaba yari yemereye Umuseke iki cyaha ngo yakoreshejwe n’ubusinzi.
Imbere y’ubutabera Ryumugabe ntabwo yahakanye ibyo aregwa avuga ko atabikoranye ubushake ahubwo yari yasinze, ndetse ko n’ikimenyimenyi mu gitondo yabyutse ajya guhinga kuko atibukaga ibyo yaraye akoreshejwe n’inzoga, kuko iyo abimenya yari guhunga.
Abacamanza batangaje ko uru rubanza, rutigeze rutinda cyangwa ngo rugorane iburanisha, bazasoma imyanzuro yarwo izasomwa tariki 26 Nzeri 2014 aha mu murenge wa Kigarama aho icyaha cyakorewe.
Iki cyaha kimuhamye ashobora guhanishwa igifungo cya burundu n’ihazabu y’amafaranga ari hagati y’ibihumbi 100 na 500.
Abaturage baganiriye n’umunyamakuru w’Umuseke bavuga ko ibyo yakoze ari amahano akwiye kubihanirwa bikomeye, abandi bakavuga ko akwiye koroherezwa ibihano agakomeza kurera abana.
Felix Byakatonda wari muri uru rubanza akaba anatuye hafi aha ati “Yaradusebeje twebwe abagabo by’umwihariko ababyeyi. Nibamuhane by’intangarugero.”
Felecita Manishimwe ati “Yari akwiye guhanwa ariko mbabajwe na bariya bana bakiri bato cyane, nibura nibamuhe igihano gito agaruke kurera abana be.”
Esperance Mukabugingo, ni umugore wa Ryumugab, avuga ko ibyabaye ari akaga bagushije mu rugo rwabo.
Mu haginda kenshi n’igihirahiro cyo kumenya icyo umugabo we yakorerwa ati “Birutwa n’uko yari kuba yarapfuye nkamenya ko ndi umupfakazi kuko ibintu yakoze ni ishyano. Ariko nanone mbabajwe n’abana bato babiri basigaye badafite kirera.”
Elia BYUK– USENGE
UM– USEKE.RW
English
12 Comments
Mumubabarire kuko yavuzeko arinzoga mumworohereze abo bana basigaye nibabaho neze
uhuuuuu!!!!!!!!!!!!!!!birababaje
Ubutabera Bukore Akazi Kabwo ,hakurikizwe Amategeko
yewe isi yameze amenyo wamugani wa babandi ubutabera bukore akazi kabwo aryozwe ibyo yakoze iyo nkozi yibibi gusa umwana we yayayaya afite umugore kweli
birababaje gusa ibaze yamuteye inda uwo mwana yamwita nde? ise umubyara ari nawe sekuru mbese numwana we ninumwuzukuru we biramutse bibaye. ahaaaaa nzaba mbarira
BIRABABAJE
ABAVUGA KURERA ABANA BIBAZA KO UWO YASAMBANYIJE YAMUHAYE UBURERE? NAHO YAGARUKA MURUGO ISONI NTIYAZAZIKIRA, KEREKA IYO BATAJYA MUNKIKO BIKABA IBANGA RYABO BOMBI NONE UWO MWARI WARI UGEZE IGIHE CYO KURAMBAGIZWA WICIWE ISOKO NIWE MWABANYA NA SE? GUSA NABA YARASAMYE NTIMUZABITANGAZE.
None se ko ari ishyano iyo uwo mwana abigira ibanga ,kandi na nyina ahanwe none kuki yagiye kurara ahandi yari aziko Ryumugabe arongora nde ?
Mumuhane
Dear Chief Editor!
We appreciate umuseke as has and continue to do miracles. But please mugerageze kurushaho gukosora inkuru mbere yo kuyishyira kumugaragaro example:Faustin Ryumugabe yambaye imyanda isanzwe not imyanda ahubwo imyenda isanzwe.
Murakoze
This comment is constructive and I think everyone makes mistakes… . But, irony is not a good thing though.
ubukoko abokurongora barabuze kuburyo yasambanya kungufu umukobwa we?birababaje.
Comments are closed.