Samuel Eto’o ubu niwe mukinnyi wa ruhago uzahembwa menshi ku isi

Miliyoni 20 z’amaeuro ku mwaka umwe. Niwo mushahara Samuel Eto’o umunya Cameroun azinjiza buri mwaka mu masezzerano y’imyaka 3 yasinye mu ikipe ya l’Anzhi Makhachkala.

Cristiano Ronaldo, Wayne Rooney na Lionel Messi bageza kuri miliyoni 12 z’amaeuro, itandukaniro n’uyu munya Cameroun ni rinini.

Umushahara ugera ku 300,000 by’amapound ku cyumweru azajya afata bizatuma aba umukinnyi wa mbere ku isi ufata hafi igice cya Miliyoni y’amadorari mu minsi 7 gusa.

Souleyman Kerimov(wa 18 mu baherwe b’isi), umuherwe ucuruza ibitoro ufite iyi kipe ya Anzhi, yavuze ko ashaka ko iyi kipe igera kure hashoboka mu marushanwa yo ku mugabane w’uburayi, kubigeraho ni ukugura abakinnyi bahenze kuri menshi.

Umutoza wa Anzhi Makhachkala, aherutse gutangaza ko Eto’o ataje gukora za Publicites mu Burusiya ngo ayamuguzwe agarurwe, ahubwo aje gukina umupira.

Tubibutse ko uyu mushahara wa utuma Eto’o azaba umukinnyi uhembwa menshi ku isi ari uwo ikipe imuha, si uwo yinjiza wose hamwe, naho iyo ubaze mu bakinnyi bijiza amafaranga menshi, aracyarushwa na Lionel Messi, David Beckham, Wayne Rooney bo nubwo badahembwa ariya Eto’o azajya afata ariko binjiza menshi kumurenza kubera kwamamaza.

Eto’o asanzemuri Anzhi abandi bakinnyi bazwi nka Roberto Carlos, ari nawe captain, umunyamaroc Mbark Boussoufa, Umunyasenegal Ibra Kébé, umunyanigeria Isah Eliakwu ndetse n’umunyacameroun mugenzi we Benoit Angbwa.

Mu burusiya ashobora kuzahahurira n’irondaruhu (racisme) nkuko rikunze gukorerwa bariya bagenzi be. Roberto Carlos we yavuze ko nibongera kumutera imineke azahita ava muri iyi kipe akitahira.

Hagati ya Gicurasi 2010 na Gicurasi 2011 aba bakinnyi nibo binjije agatubutse

1. David Beckham, Miliyoni 40$
2. Christiano Ronaldo, Miliyoni 38$
3. Lionel Messi, Miliyoni 32$
4. Ricardo KAKA, Miliyoni 25$
5. Ronaldinho Gaucho, Miliyoni 24$
6. Thierry Henry, Miliyoni 21$
7. Wayne Rooney, Miliyoni 20$
8. Frank Lamaprd, Miliyoni 17$ (yanganyije na Zlatan)
9. Zlatan Ibramovich, Miliyoni 17$ (yanganyije na Lampard)
10. Samuel Eto’o, Miliyoni 15$

UM– USEKE.COM