Taiwan: Abantu 47 baguye mu mpanuka y'indege ya Transasia Airways

Indege y’ikompanyi ya ‘Transasia Airways’ yakoze impanuka ubwo yageragezaga kugwa ku kibuga cy’indege mu gihugu cya Taiwan, gusa amakuru y’abayiguyemo aragenda atandukana kuko ibinyamakuru bimwe bivuga 40, ibindi bikavuga 47.

Gusa ibinyamakuru by’imbere mu gihugu cya Taiwan byo bikaba bivuga ko yakoze impanuka yakomerekeje, inica abantu basaga 40.

Ikinyamakuru Xinhua cyo mu bushinwa cyatangaje iyi nkuru bwa mbere cyavuze ko iyi mpanuka yabaye nyuma y’uko indege ihuye n’imiyaga myinshi ikomeye, mu gihe irimo kugerageza kugwa ku kibuga cy’indege bitarayikomerana ikorera impanuka mu gace kitwa Penghu.

Ibiro ntaramakuru by’Abongereza Reuters dukesha iyi nkuru biravuga ko kugeza ubu nta makuru menshi kuri iyi mpanuka yari yamenyekana. Iyi ndege ikaba ngo yari itwaye abagenzi 54, n’abakozi muri iyi ndege bane (4).