Byananiye kumwibagirwa nubwo yantanye abana
Mwaramutse bakunzi b’Umuseke.
Nanjye ndashaka kubagisha inama ku kibazo mfite kinkomereye. Natandukanye n’umugabo wanjye tumaze igihe kitari kinini twimarié, dufitanye abana batatu, njye mfite imyaka 35.
Tumaze imyaka itatu dutandukanye, kandi mu gutandukana kwacu byatewe n’umu ex we wo mu busore bwe nawe wari wari marié akaba nawe yaratandukanye n’umugabo we kubera ko yamucaga inyuma, ubu bakaba birirwana ahantu hose bigaragara ko batakihishira.
Ndetse mperutse no guhura nabo numva umutima wanjye ugiye nko guturika. none mumbwire ko turi mu mujyi umwe ubu nzabigenze nte ko ngikunda umugabo wanjye malgré agahinda yanteye, ariko muri ibyo byose ajya aza kureba abana rimwe na rimwe.
Nahuye n’abantu bambwiraga ko bankunze ariko nta n’umwe numva nshaka ahubwo mba numva binteye umujinya nkayoberwa impamvu.
Mumbwire ikintu nakora, cyangwa uko nabigenza ngo arekane n’uriya mugore.
Murakoze
English
0 Comment
Senga rurema ntakindi naho ushobora no kwiyahurA
Ariko kuki mukunda iby’isi kurusha iby’ijuru.Umugabo wawe yibitsemo imyuka mibi y’ubusambanyi.Wagize Imana mutandukana atakwanduje sida.None ngo murahura ugashiduka! Ahubwo ukururwa n’abadayimoni batuye mu mubiri wawe.Senga Imana igukure muri uwo mwanda w’imyuka mibi, wihane ugarukire Uwiteka hanyupa uzashyikirizwa agakiza n’ituze.Shikama wirere abana Imana yaguhaye kuko ni wowe uzababazwa igihe nikigera.
ariko nkibi bigambo uba uhuraguye uba ubivanye he?urukundo nabadayimoni bihuriyehe?ko Nyagasani adukunda se ntituri abanyabyaha?urukundo rurigenga kadi urukundo nyarwo no mu bihe bibi rurakomeza, yamukunze urutaryarya ni cyo gituma atamwibagirwa kdi abagore batigeze baheheta ni ko bamera,muhe amahoro rero wimushinja abo badayimoni, utakabaye ufiteho dose ya daimon ntiwari kumubwira utyo pyaaaagari weee!!!ihangane rata mama witurize usenge UHORAHO NAHO UBUNDI ABA EX barasenya si ibanga gusa jya usenganga ubohoza umugabo wawe ureke abavuga ibyo batazi ngo wuzuye daimon
umva maman we ndakwanze ntijya ivamo ndagukunze!!kdi mwatandukanye wafashe umwanzuro !rwose uwo mugabo wawe ntagukunda pe kdi urukundo ntirwingingwa !!senga Imana igufashe kumwibagirwa rwose !kdi bizashoboka nawe ubone undi ukunze nutanamubona uzakunde abana bawe ninabyo byishimo byawe!!!naho ubundi reka kwiruka kubyagusize!!!
Mme ibintu bikubaho c’est normal, yari umukunzi wawe, wamuhaye, ubuzima bwawe, rero kumukunda ni ngombwa. ikindi mufite ibibahuza kuko muhuzwa n’urukundo rwanyu rwo mubuto, ndetse n’abana banyu. ikindi nagirango nkumare impungenge z’umuntu wuyise MUROKORE (ntamudayimoni ukurimo pe..). kuko iyo wakundanye n’umuntu ukamwemerera n’umutima wawe ko mushinga urugo uba umukunze, rero kenshi kumwikuramo biragora cyane iyo yagiye ajyanywe n’undi (rero kuba ukimufitiye sentiment si dayimoni, mubyukuri. hubwo mumyemerere yacu ya buri munsi ntitukabe fanatique. IMANA yanga icyaha ntiyanga nyiracyo (kuko ntekereza ko yakiriye agakiza cyangwa agiriwe ubuntu izo ngeso yazivamo). Mme rero icyo nge nagusaba niba bishoboka uzamusabe akanya wicishije bugufi nk’umutima w’urugo. mugirane ikiganiro kirambuye, bityo umenye icyo mupfa yewe niba nta na effort yumva yagira bityo mube mwakomeza kubaka umuryango wanyu (kuko ntekereza ko harigihe ashobora kuba yaratwawe n’iraha ry’uwo bamenyanye mbere nawe wananiwe kubaka). ariko kandi birashoboka ko yashyira mugaciro akagaro. ARIKO ashobora kuba yaba amukunze cyane wenda kukurenza (ntubyumve nabi ko haba haricyo aguhora ariko burya umutima ukunda ntituwugenda). mubyukuri nimuganira muri sincere mukabona rwose ntaho mwagera wemere ukore deuil yawe ubundi ushake ubundi buzima et puis tu vis avec un autre ou sans. kandi abana bawe ntuzabangishe Se wabo kuko yagutaye (kenshi nikosa ababyeyi bakunda gukora) muzumvikane uburere mwabaha kugirango bazagire ubuzima bwiza bazabashe kugira imiryango yabo itarakuye impagarara kuwo bavukamo. ugire AMAHORO
jye numva wamuprofita aje gusura abana mwabyaranye mukabiganiraho ariko hagati aho ujye umutelephona kenshi, umwiyegereze cyane abone ko umwitayeho, niba nawe akigukunda ashobora gusubiza agatima impembero mugasubirana akagusaba n’imbabazi.
Erega ikibazo ni uko mutavugisha ukuri ngo ubagira inama agire aho ahera. Ese aho ubwo ntiwasanga umufata nabi? Ese aho wenda ntiwasanga ntacyo witaho mu rugo? Ese aho wenda ntiwasanga umuhoza ku nkeke atahira ku mihayo? Ese aho wenda wowe ntiwaba ufitanye agakungu n’abandi bagabo? Ese aho wenda ntiwasanga kubaka utazi iyo bigana akaba ari cyo cyatumye agucika? Ese aho ntiwasanga uri umunyamwanda? Ese aho wenda ntiwasanga waya iby’urugo? Ese aho wenda ntiwasanga warishinze amagambo y’abagusenyera ukaba ari wowe watumye afata icyemezo cyo kwigendera, Ese aho mu buriri umwakirana ubwuzu, Hari ibintu byinshi umuntu yakubaza mbere yo kugufasha. Nta muganga nyawe uvura indwara atazi neza icyayiteye. Uratubwira ibye ariko ntuvuge ibyawe nabyo ngo tubyumve tugire aho duhera. Kuvuga ko mwari mubyaranye gatatu kuki yategereje icyo gihe cyose uwo mushuti we yari yaragiye he? Ese mujya gutana nta bantu wagishije inama ngo babafashe? Kuki se inama zabo ntacyo zatanze? Urumva rero ko hari byinshi umuntu yakubaza.Niba rero witeguye guhabwa inama nyayo erura uvuge ibyawe tubimenye ibyaribyo naho ubundi inama ushaka ntazo ubona, nabakubwira ibindi baragushuka. Njye ahubwo nakugira inama yo gufungura e-mail ukayitangaza hano abantu bakaguha inama kuko hari ibibazo umuntu yakubaza bikavamo ko wamenyekana kandi nabyo si byiza ku mubano wawe n’umugabo cyane ko witeze ko mushobora gusubirana.
Bravo mr Expert! Uri umugabo rwose, uwasaba inama yazisaba nkawe. Nta we uvura indwara atazi! Kandi uyu mubyeyi yisuzumye yasanga kimwe cyangwa byinshi mu byo Expert amubwiye abifite! Kandi Mada ibi rwose byirukana umugabo iwe. Amahoro y’IMANA .
Ntimugakinishe za divorce!: umuntu ntiyabatunga muri 2 na kera byahozeho meme na 3 hanyuma umuzungu azana ibye byitwa divorce mubisamira hejuru none se nyine ko ukimukunda ! Reka umugabo atahe ubuzima bukomeze buriya nawe wasanga agukunda rwose .
ntacyo narenzaho kubyo POPakubwiye mwihaye uruzungu ariko bizabata ku giti !!wamuretse se akaza mu rugo bigutwate iki? ntaho urabano umugabo utunze abagore 2 kuva wavuka kandi bakabana neza?? ibyo bikunaniye shaka uwawe disi!!
ibi narabivuze. kuki wa divoshije? niba waramukundaga? rero reka ahubwo musubirane niba akundanye nuriya nawe amutunge mwembi abatunge. ubwo se usibye ubukristu bwazanywe na abazungu bakadusenyera inirwanda ubundi umugore mukuru ntiyashakiranga umugabomwe undi mugore kandi bakabana kuko nubwo ubu abantubasingaye arinyamwigendaho ubundi kubaho byari umuryango kandi mugari urimo ababye na abana binkumi na abasore. none byaradogereje ngizo ingaruka. rero madam musubirane kandi niba ashaka nuwomugore nawe amurongo.
Abantu benshi hano bakugiriye inama yo ku mureka akaza akazana nundi..nge ndakubujije rwose ntuzabikore!ntago umugabo agomba kubatunga muri babiri kubera iki?ko hari abatunga umwe kuki ba bishobora uwawe atandukaniye he nabo?..kubyerekeranye kubaho umugabo wawe mwatandukanye wafashe icyemezo icyo nakubwira nuko gutandukana birababaza pe surtu iyo ubonye uwo mwatandukanye we yishimye nta kibazo wowe udasinzira uhora umutekereza.Inama na kugira nimwe nuko urukundo ruvurwa nu rundi,ikibazo ufite suko ukimukunda cyane ikibazo nuko uri wenyine!!ha amahirwe abandi ugerageze nabo urebe kuko nukomeza ku mutekereza no kumubona buri gihe uzajya ubabara ni nko gukomeretsa inkovu,menya ko we yishimye afite undi nawe ugerageze uhe undi amahirwe hari igiye ya mukurutira akakuvura igikomere,naho kubatunga muri babiri ntago byakugabanyiriza umubabaro,niba,cg se niba wumva utabishobora kuba nuwundi,shaka ibyo ujyamo ukora ama activites menshi,ujye gusenga,ukore sport,ujye ma ma club atandukanye wi yokupe,usoke na bana bawe mbese umwibagirwe ukore ubundi buzima..kuko nu mwibagirwa nibwo uzafunguka amaso ukanaba waha amahirwe undi..erega hari na bagabo bafite abadamu ba bananiye burundu bihebye babayeho bonyine kandi nabo babatekereza!!donc hari abantu muhuje ibibazo,hari na bifuza kuba bahura nu Mudamu nkawe ba kagomezanya ubuzima ba ga sazana..nuko rero nturi wenyine!ikunde wihe agaciro wumve ko ugomba nawe guseka nkuko nawe yishimye nu mu ex we.nukuri hazaza uguhoza..Imana ikurinde iguhe ni mbaraga,ibihe urimo birababaza,urukundo ru rababaza byagera ku mugabo bikaba ibindi,,gusa ntiwibagirwe Urukundo Ruvurwa Nu rukundo.
yewe Mme nkuko nabandi babivuze ntawabona uko akugira inama kuko ntabwo watanze details zose niba warakoze dovorse mumategeko niba ari separation isazwe ntawamenya kuko ari divorse ndumva byaba byararangiye atapfa ku kwemerera ko musubirana wabona arinawe wagiye kurega uyishaka gusa senga Imana niyo yonyine mbona yagira icyo ikora.
abagore bashakira abagabao benshi mubana babyaye, barangiza ubuzima bwabo nabi cyane kuko abana bagufata nk”indaya kabone naho waba warapfuye ikindi na se wababyaye , guta umugabo wagushatse ugashaka undi ugifite abana bato, barakwanga urunuka bafatanyije na se..kuko uba wigaragaje
Madam/Mugabo! Ubuzima buraryoha ariko buvugutanamo! Ibyabaye (past) nta kintu na kimwe byadukoraho/byadutwara (Past has nothing to do with us) ariko Ejo hacu hadukoraho rikaka (We can ruin our best future). Scientists/researchers bemeza ko Urukundo atari besoin de survivance (Surviving need) nubwo ari besoin phyiologique (physiologic need). Ahubwo bemeza ko guhumeka no kurya… aribyo besoins zibanze kugirango umuntu abeho (surviving needs). So, Madamu/Mugabo, dore ibyingenzi: Sha ubuki, inshishi/isazi zizizana; Shaka amagufa imbwa zizizana; Shaka ubutunzi; inshuti zizizana niba uzikeneye! Abantu b’iyi si hafi ya twese twemerako ubuzima bwiza ari kuba mbere na mbere “ufite Ubutunzi”: Amafranga, imodoka…, inshuti musangira mu kishima ziziraho [iyo ufite ubumuntu]…Abantu batangira kuvuga ko ubayeho neza kdi wishimye…. bakagusanga….”(Byahe byo kajya”). Nemera nta shiti ko ushatse/uramutse ukoze bikagukundira ukagira ibyo ugeraho, Umugabo/Umugore wawe ashobora kwizana igihe cyose ukimufitiye urukundo kandi umushaka ko agaruka. Naho ubundi, akabaye icwende nti koga! niyo moze nti gacya…! nanagaruka, mwakongera mugatandukana! Nsoje ngire inama abashakanye bose, mwirinde gutandukana igihe ushobora kwihanganira amarushywa y’urugo kuko urugo si Paradizo! Gutandukana akenshi birababaza mu nyuma (regrets). By’agahebuzo: Uzabishobora azirinde gushaka kuko bizamurinda kubabazwa/gukomeretswa nuwo idealy twita ko “BABAYE UMWE” kdi Atari byo na gato. Best wishes
@Times’reTeacherv, ibyo uvuze nibyo ariko ikigaragara nuko umuntu afite limitations muli we adaha agaciro mugihe afata icyemezo, nuko iyo ukibona ko hali icyo wahindura mu buzima ntunyurwa utagikoze nyamara ibyo duharanira guhindura rimwe bivamo ingaruka nyinshi kandi nini watekereje kuburere bw’abana barerwa ni umubyeyi umwe ugakoramo kwikunda niwapfa guta abana n’umugore ushyize mugaciro niwata cg ngo uce inyuma umuntu wahambiriye ubuzima bwe kubwawe akakubyarira ngo ni ibyishimo by’iminsi mike tumara mubuzima ushaka ahubwo abantu barwaye indwara y’iraha no gutinya ibibazo bagahora biruka ngo barabihunga kdi umuti wibibazo nuguhangana nabyo ukabitsinda kuko ntaho wajya bitali buli hose habi ibyaho, nubwo numuntu ashobora kubangamira ariko nitureke kumvako ku isi ari mu ijuru ngo ikibazo cyose giteye murugo umugore cg umugabo yiruke ngo ahunze imiruho, ibyo njye mbona ari irresponsabilite na manque de maturite isi ntaho wayihisha hagarara hamwe urwane intambara yo kubaho na dignity yawe ubundi abagabo rwose nubwo ndiwe ndabagaya rimwe na rimwe musigaye mukunda iraha nk’abana bato.
@man Urakoze! nawe ibyo uvuze nibyo. Ariko icyo nakwibutsa nuko “Ntawanga aheza arahabura” kdi ” Kugera kure siko gupfa” ! “Ubwenge / Ubutwari nyambwo si ukudahura n’ibibazo/amarushywa, ahubwo n’Ukuntu uyitwaramo iyo uhuye nayo!…. Abana/abagabo/abagore bose babayeho neza (bishimiye ubuzima babayemo) suko barezwe n’ababyeyi bombi! oya! hari nabarezwe n’Umwe gusa cg n’abireze ubwabo kdi barakura! Therefore, uraza gusanga ibyo navuze aribyo cyane: Duharanire kuba abo dushaka kubabo / Uko dushaka kubaho ubwacu, twitegereza ko undi muntu uzadufasha cg azatuzanira ibisubizo by’ibibazo byacu! Ahubwo nidushake ibisubizo maze abandi bantu bazizana baje mu bisubizo! Inshuti z’isi y’ubu, mubana uri mu byishimo gusa (iyo uri mubisubizo) arko ntutekereze ko Uri mubibazo wabona benshi baza i wawe! Niyo mpamvu nkubwira ko, ngo niba ngukeneye wowe, nzabanza nshake ibyo ukunda (ibisubizo) n’ibindi, uzizana ntambaranga ninguhamagara! Badamu/Bagabo, Dushake amagufa, imbwa zizizana kdi tuzahitamo iyo dushaka ko iturindira urugo! …Nsoza, ndakwibutsa ko ingo zose zisenyuka si ukubera Irari/iraha/Uburaya! Habaho nizindi mpamvu nyinshi zitandukanye ntarondora hano! Kdi uburaya n’ubw’Umuntu kugiti cye! ntabwo ari ubw’igitsina Gabo! Ushobora kubona abagore basambana nk’uko wabona abagabo! Please, Do not assume when you do not have facts (evidences)! If easy for you, carry out a research! Mugire Amahoro. [email protected]
ariko njye ndabona uyu mudamu avuga ko umugabo we wa kera hashize imyaka itatu, batandukanye ,bishobora kuba bivuga ko banakoze divorce. nta nahamwe yigeze atubwira ko uwo mugabo we Atari divorce bakoze ,ntago yatubwiye ko umugabo we yamutaye ahubwo yavuze ko batandukanye .None se iyo abantu batandukanye imbere y’amategeko habamo ko umwe ashobora guhendahenda undi ngo nagaruke mu rugo?….cyangwa ibyo bisaba izindi processes….njye inama zo muri kumuha ngo azahendahende umugabo agaruke mu rugo zanyobeye ?…gute se?
Ndamenyeshaka ko igihe tugezemo divorce ou pas, mariage ou pas ntagaciro bifite, icyangombwa ni ukubana, mukumvukana kandi mukoroherana. Baravuga “uyubaka umwaka, ukayisenya ijoro”. Isi tugezemo divorcer ou pas ntagaciro twabiha, icyangombwa ubaha uwo mubana. Ibi byateye abanyarwanda by’uburayi n’ubusambanyi, njye kubabarira bene abo byava kure cyane. Abo nibo bishe ino isi, izengerejwe n’imiruho.
Mme ibyo Expert avuze ubikurikize maze tuguhe inama erega natwe dufite ingo kandi twabinyuzemo kenshi nukora ibyo expert yakubwiye turaguha inama wubake kandi rukomere.Wihangane!
NDAKUMENYESHA KO:-Nta mugabo numwe kw’isi ya nyagasani ukunda umugore w’umunyamwanda, reka iyo agiye muburiri bwo atitunganyije, ubwo aba abwirukanyemo umugabo, mbisubiremo ibi byo nagahomamunwa [UGOMBA KUGIRA ISUKU RIDASANZWE MUBURIRI], -Nta mugabo numwe wihanganira umugore utitaho [kumubiri no ku myambaro], umugore ugira akajagari murugo, umugore umuca inyuma, wumva amabwire y’abagenzi be [ba bagore] rimwe narimwe batabanye neza nabo bashakanye cyangwa banatandukanye.-Nta mugabo numwe ugubwa neza iyo umugore atamwitaho[ kumenya imyenda yambara , indyo ye yaburi munsi kandi akunda,…; kumuganiriza neza, kumufata neza mugihe cyo gutera akabariro,… dore ko aha ariho hava rya zina rya Mukagatare nyamara uri muzima[ ibi nabyo mbisubiremo bigwa nabi cyane abagabo bose kuri iy’isi ya nyagasani yewe nokubyihanganira naha nyagasani ]-Nta mugabo numwe ukunda umugore usesagura umutungo w’urugo , umugore usuzugura, utikoza igikoni ngo nibura atekere umugabo we ibyo kurya; …-Nta mugabo numwe ukunda umugore umuca ku nshuti [aha ndavuga inshuti nziza] , abanyamuryango be, -burya unabonye ko yagize urugo rwa kabiri ariko akikwitayeho, ahahira urugo rwawe nk’ibisanzwe, abana abishyurira amashuri, abasura, abavuza ,ufite inzu yawe n’abana bawe [ushatse wamureka mugakomeza mukabana , nakera ga byahozeho!!!]INGERO ZASENYA URUGO NI NYINSHI , wareba muri izi ko nta nimwe yarabaye nyirabayazana , ubishoboye kandi mwasubirana ariko mubanje kwipimisha ; wibuke ko hanze aha SIDA ISARURA BURI MINOTA 30 WASANGA …….
JAJA ndagirango nkubwire ko umugabo uri buguce inyuma ninkuri bupfe ntacyo wakora rero ngo umugarure rwose nkubwize ukuri. Ahubwo nakarwara aba yifitemo. wimushinja umwanda kuko niyo waba ufite isuku araguta agasanga umwanda.
Ibyo bibaho,ariko IMANA ishimwe ko ugifite umutima w’urukundo rwabamama,nonerero abo bakubwira ko bagukunda barakubeshya ahubwo uwo ni umunzane urimo kugupima ngo bigaragare ko ushyitse .umva inama rero kumana byose birashoboka kuko ishobora byose ,wowe njya kumavi usenge imana ,Atari ukubeshya ariko ,maze urebe ngo iramukugarurira.ibyo mbifitemo ubuhamya hari umugore wari wataye umugabo kubera ubukene acyurwa nundi ukize ,umugabo araza turabisengera ubu umugorewe yaragarutse kandi amusaba imbabazi ,ngwino tugufashe gusenga kuri GOD’IS POWER CHURCH KIGALI <Telefone ni 0783171288,tukuyoboreaho rikorera kicukiro.
UMVA MAMAN UMPE NUMBER YAWE NZAGUHUZE N’UMUNTU AG– USENGERE BYOSE BIZASHOBOKA KANDI NTIHAGIRE UGUSHUKA NGO UJYE MUBAPFUMU. NUMBER yanjye ni 0728278062
ina,ma nuko ubwo ukunda umugabowawe ukabantabushobozi ufite bwokumugarura senga kandi utange imbabazi kuwaguhemukiye nyma ufate ingamba simusiga kuko umubyeyi waana 3 abaafite inararibonye kwemereye imkunga yamasengesho
Ihangane niko bimera iby isi ugomba gushimira nyagasani waguhaye abo bana kuko hari abafite ibibazo nkibyo byawe kandi batagira abana. icara utuze hamwe n abana bawe kandi usenge kandi ukore
nshuti ikibazo cyawe kirumvikana koko birababaje pe! inama nakugira nuko ugomba 1kwikunda 2 gukunda abana mufitanye nokubitaho cyane 3 tangira sport 4 nimugoroba jya ushyiraho umuziki ukunda cyane 5 shaka umutipe mwibanga ariko ntazabimenye kuko ashobora kuzagaruka6 wishyiremo mumutwe ko abantu bose bafite uburenganzira bwo guhitamo abo bakundana nabo nimba umuntu akwanze wowe ukumva ucyimukunda ukabura amahoro shaka uburyo wikunda cyanekandi wubahe amahitamo yabandi kuko nawe abagukunze bose siko wabakunze wahisemo nabi ikindi wihanga ifaranga nirishira azagaruka pls injoy life!
ubundi hari ingeso abagore mwiharaje zo kuzajya mufureka kdi mukirengagiza ko umugabo ari umuntu independent ugomba kugenda ndetse akanigarura ,niba ubona yarakuretse ndetse akaba amaze imyaka itatu yose nta gusubiza amaso inyuma nuko wari waramujujubije bityo rero niba ubona akamaro yari agufitiye ugoma kujya kumusaba imbabazi ndetse nawe akagusaba imbabazi kuko kubaka ni ukwihanganirana ubundi mukarerana abo bana imana yabahaye ,gusaniba wumva nta cyo bikubwiye uzabyihorere umureke ubwo aguwe neza ndetse yaranakuruhutse nagusaba no kubyereka imana ubundi ikagha kwihanganira iyo nshoreke ye nubwo biba bitoroshye ubu abagabo basigaye bashinja abagore kubahohotera nonne se nawe niba ubonye ari kuvugana numuntu biganye wagera mu rugo uti ntirirema urumva mwazahuririra hehe koko? genda ukosore ibitaragendaga neza ubundi nurangiza ufate ingamba zo kwiteza imbere uharanire kugira ubuzima bwiza hamwe na couple nzimakdi ube wibuka ko na bariya bana utoza uwo muco mubi bashobora kuzabikurana nyuma bakazakura ari ibyihebe ngaho ibaze nawe ukuze utabona so mu rugo kandi waramwigeze kdi atarapfuye ubwo se wabyitwaramo ute koko? ndagusaba kwihanganira ingaruka wahuye nazo mu rushako rwawe ubundi umenye ubwenge. komera kandi ukomeze ubutwari uzatera imbere. kabeho!!!!!!!!!!!!!!!!!!!!!!!!!!!!!!!!!
Comments are closed.