England: Amaze gutsindwa ikizamini cya Permis inshuro 110

Inkuru y’ikinyamakuru The Daily Mail cyo mu gihugu cy’Ubwongereza ivuga ko umugore utuye mu mujyi wa London w’imyaka 28 y’amavuko, amaze gukorera uruhushya rwo gutwara ibinyabiziga rw’agateganyo inshuro 110.

Nta we uzi neza niba ari ubuswa kamere bwo kutamenya gutwara neza ikinyabiziga, ariko uyu mugore yaciye agahigo ku isi ko gukora ibizamini byo gukorera uruhushya rw’agateganyo rwo gutwara imodoka inshuro nyinshi.

Uyu Mwongerezakazi amaze gutakaza umutungo mwinshi kugira ngo abe yabona uru ruhushya rwo gutwara ibinyabiziga, na n’uyu munsi atigeze abona na rimwe.

Ama Euro agera ku 4 284, ni yo amaze gutangwa n’uyu mugore mu bizamini binyuranye agerageza gukora ngo abe yabona uruhushya rwo gutwara ibinyabiziga.

Nk’uko bigaragazwa na none n’inyandiko ya ‘Driving Standard Agency’ (DSA), undi munyeshuri w’imyaka 30 na we yabuze uruhushya rwo
gutwara ibinyabiziga mu nshuro 86 amaze agerageza gukora ibizamini.

Undi wasubiragamo ku nshuro ya 80 aherutse kwegukana uru ruhushya, umugabo w’imyaka 40, amaze gukorera uruhushya rwa burundu rwo gutwara ibinyabiziga nyuma yo gukora ibizamini inshuro 37 ni we waciye agahigo ku isi.

ICYIMPAYE Noella
ububiko.umusekehost.com