I Burundi Lisansi irabona umugabo igasiba undi, 6000 frb/ Litiro

Igiciro  cya litiro ya Essence  mu Burundi  ubu ni  amafrs 6000 by’ amarundi  ni hafi  gato ibihumbi 3000 by’ amafrs y’ u Rda .

Ministre  w’ ubucuruzi , inganda , amaposita  n’ ubukerarugendo  mu Burundi Victoire  Ndikumana  amaze iminsi  aganira n’abacuruzi ba petroli  kuri iki kibazo  kugira ngo bashakire umuti iki kibazo gikomeye.

Iri  bura  ry’  ibikomoka kuri petroli  ribaye mu gihe  leta  yari iminsi yigomwe  amafaranga 30  ku  musoro  yafataga  kuri litiro imwe. Leta yarigomwe ariko abacuruzi nubu  baracyavuga ko bakorera mu gihombo. Ubu  rero abacuruzi bo bakaba  biyemeje gucuruza  essence yose bafite mu  bigega nyuma ngo bagatumiza indi.

Na none  abo bacuruzi bakomeza  bavuga ko  gushyiraho igiciro  ari ikintu kigoranye  cyane,  kuko ngo  hari  byinshi  bigomba gushingirwaho aha  bakavuga  cyane  ko  nk’  ubu  utumije  ibikomoka kuri petroli  ku busanzwe ngo  byamugeragaho mu minsi 45  ariko  ngo ubu ni 90.

Ibi  byose ngo bigomba gushyirwa mu  giciro. Abacuruzi  barashaka  kunguka  kimwe  na leta  ariko  ngo igisubizo  gishobora  kuboneka mu mpera z’ iki cyumweru

JN Mugabo
UM– USEKE.COM