Senateri n’abadepite bashya barahiriye imirimo mishya

Kuri uyu wa gatatu, mu nteko ishinga amategeko, nibwo abaherutse gushyirwa mu myanya mu nteko ishinga amategeko imitwe yombi barahiriye imirimo mishya.

Abo ni Senateri Hon. Teddy Gacinya, Hon. Depute Kankera M. Josée, Hon. Depute Zeno Mutimura, na Hon. Depute Semanondo Ngabo.

Mu ijambo rye President Kagame wari witabiriye uyu muhango, yasabye  izi ntumwa za rubanda kugira ubushake mu guhangana n’ingorane zihari.

Yabasabye kandi gutanga umusanzu ufatika mu rugendo rwo kwiyubaka igihugu cy’u Rwanda kirimo.

President Kagame yasoje yifuriza imirimo myiza aba bashyizwe mu myanya mishya.

Senateri Teddy Gacinya yasimbuye Inyumba Aloyiziya wagizwe Minisitiri w’Uburinganire n’Iterambere ry’Umuryango.

Depute Zeno Mutimura, yasimbuye Hon. Alphred Gasana washinzwe w’Ishami Rishinzwe Iperereza ry’Imbere mu Gihugu (National Intelligence and Security Service).

Depute Kankera M Josee, asimbuye kuri uyu mwanya Hon. Nibishaka Aimable witabye Imana mu kwezi gushize, Depute Ngabo we asimbuye Ashinzwuwera Alexandre wirukanywe mu nteko na bagenzi be kubera kwitwara nabi.

Twabibutsa ko Hon. Kankera na Hon. Ngabo atari bashya mu nteko, kuko bahoze ari aba depute mbere y’umwaka wa 2008, mandat yabo ikaza kurangira.

Daddy SADIKI RUBANGURA
UM– USEKE.COM