Inama ya RNC mu Budage yitabiriwe n’abacongomani
Amakuru atugeraho aturutse mu Budage, aratubwira ko mu ntangiriro z’iki cyumweru ishyaka rya RNC ryakoze inama mu gihugu cy’Ubudage yitabirwa n’abantu 30.
Uwaduhaye aya makuru utashatse ko amazina ye atangazwa, yadutangarije ko iyi nama yitabiriwe n’abacongomani 5, n’abarundi 15 mu bantu 30 bari muri iyi nama.
Muri iyi nama ngo basabwe ko byibura buri wese yatanga byibura amaeuro 30 (agera kuri 25.000Frw), ariko aba bitabiriye iyi nama, yabereye mu nzu y’umunyarwanda utuye mu Budage, banze kuyatanga ngo kuko ari menshi.
RNC ikaba imaze iminsi ikoresha inama zo gushakisha abantu bayishyigikira muri gahunda yayo yo kurwanya leta ya Kigali.
Rwanda National Congress igizwe n’abatavuga rumwe na leta y’u Rwanda, riyobowe na Paul Rusesabagina, rikaba mo kandi abavandimwe Rudasingwa Theogene na Gahima Gerard, Kayumba Nyamwasa na Patrick Karegeya baherutse guhunga u Rwanda.
Jean Paul Gashumba
UM– USEKE.COM
English
20 Comments
uwabyaye bari bana yararumbij gusa!!buriya ajya mu bandi akavuga ko yabyaye?naho ku bijyanye n’iyo nama nta gihe batiyambaje baringa bazita abarwanashyaka babo kugirango bagaragaze ko bashyigikiwe ,byahe byo kajya?burya n’i chicago igihe habaga rwanda day,bakodesheje imburamukoro baziha ku mafaranga ngo zize zigaragambye;nzaba ndeba iyo politiki yabo da!!!
Aba bagabo bacuruje ibinyoma kuva kera ariko noneho babuze abaguzi bose babireba!!!hari ibyo babeshya ukagirango rimwe na rimwe ni urwenya,nka rudasingwa ko ko bajya bavuga ko waba uri umuganga, kuki ukomeza kubeshya abantu ko voluntary vasectomy ari ugukona?ibi ni uburyo bwo kuboneza urubyaro bukoreshwa n’abagabo; Niba ali ko abyumva azasubire mu masomo ye azabona neza ko nta mahuriro. Aliko ndahamya ko abikora nkana kugira ngo abone abamuyoboka kubera ubujiji ababibamo;none dore ntibinze kumwereka ko barambiwe ibyo ababeshya asigaye abasaba I ticket yo kumusubiza iyo aba yavuye bakamutera utwatsi!!!bya bihe bajya bahanura ko byegereje ahubwo ndabona bibarangiriyeho,kababayeho ahubwo nibakenyere bakomeze!!
ariko wowe wanditse iyi nyandiko nibaza niba uri umunyamakuru wumwuga ou pas? wowe wandika inkuru utahagazeho?ese kuki utakwibaza koo uwayikohereje ataba abogamye? ese mumwuga wawe wabonye ahantu umunyamakuru atanga amakuru ngo barabwiye? niba uri umunyamakuru ujye wandika inyandiko wahagazeho wiboneye namaso yawe apana kukubarira? gerageza ube umunyamakuru wumwuga umuntu najya asoma inyandiko yunve ko ari ukuri kuko uba wahibereye? niba ubona utahigerera reka kwandika ibintu utahagazeho man?
ishyaka (RNC) nta nyungu z’abanyarwanda baharanira. Bifuza u Rwanda rugurumana. Wowe se abantu bajya ahagaragara bati nta mfura ziruta aboretse imbaga mu Rwanda? Iyo bakamamaza abahejeje abanyarwanda mu bwigunge n’ubujiji ngo nibo ntanga rugero mu miyoborere myiza nta kindi baba bifuriza igihugu. Ni iturufu idashyitse baba bakinisha no gushaka kwishakira amaramuko nk’uku batumiza inama yarangira bagasaba abayitabiriye amafaranaga. Barandavuye gusa ntibabuze byose;birengagije ka karirimbo ngo “jya ureka gusaza utanduranyije cyane” bahisemo kwiyambika urubwa babonye arirwo rubabereye.
Ese ko mbona abantu benshi bavuga ko RNC ibeshya mubifitiye gihamya? Ese ko twumvise audios zo kwicisha abantu ba RNC hari uwazinyomoje? Kuvuga ibitagenda mu Rwanda byaba byemewe? Abafunze bose bashatse gushinga amashyaka bose barabeshya? Bizimungu harya ashobora kuba yavuga nk’uwahoze ari umukuru w’igihugu? Ese abantu bose bakoranye n’umuntu bamuhunga kubera ko ariwe uba mu kuri gusa? Come one, RNC, n’izindi zivuka kubera akarengane kariho…
ariya majwi se si amakinamico rnc yikinisha kugirango cya kinyoma cyayo gishinge imizi?ubwo se ninde wta umwanya abeshyuza amafuti?ikikwemeza se ko ariya majwi ari authentic?
u Rwanda rwarirukwiriye gutekereza uburyo bwo kumvikana kuko birababaje kubona abarurwaniye ngo ruve kungoma yigitugu basubiranamo. muramenye mutarugurisha abicanyi
abarurwaniye bose byagaragaye ko batari bafite umutima wo kuruvana mu bibazo,ahubwo byagaragaye ko nka ba rudasingwa ,kayumba,gahima na bandi bagenzi babo bishakiraga ubutunzi burenze urugero,kuko mu gihe gito cyane urwanda rumaze kubohorwa birukankiye mu busahuzi bw’umutungo w’igihugu,bakoresha ububasha bahawe n’amategeko batoteza abo batabonaga kimwe ibintu,ibyo rero urwanda ruyobowe na HE kagame ntirwari kubihanganira.
Ntabwo ubwinshi nka bwa bundi mwuzuza intore mu ma bus avuye igihugu cyose ngo mukunde mugaragaze ko mukunzwe. Byahe byo kajya? Bashobora rero no kuba babiri ariko bafite intego ocarina!
hari uwo wabonye bazana aziritse se?ayo ma bus uvuga se sitwe twishyize hamwe tukayikodeshereza tugajya kuganira n’umukuru w’igihugu kubera ko guhura nawe biguha imyunvire n’imibonere mishya y’aho urwanda rwerekeza,kandi tukibwiriza gutanga umusanzu wo kubaka urwanda ntawe ubiduhatiye bitari nk’uko ibi bisahiranda bigenda bisaba abo byimye,iyo ikaba ari kimwe mu bigize imbwa
safari, kabisa ubwiye ukuri kusesuye iyo nyangarwanda itifuriza urwanda nabarutuye ibyiza
ariko hari uyobewe ingoyi ya gahima na rudasingwa
Nitwa Ingabire-Ubazineza, nitwa Ruhuma rwa Bisetsa. Yego nahumye amaso, ariko sinahumye umutima!!!….
Ndagirango mbahanuze, maze munkundire mumpanure, na njye mpite menya umuzi n’umuhamuro…
Kera nkiri muto, hariho abantu kw’ishuli twitaga ABAHANGA. Bene abo bantu wasangaga bifitiye impano bivukaniye. Haba imibare, haba indimi, mbese ikitwa UBWENGE cyose wasangaga biyogera nk’inyogaruzi, naho abandi twirirwa twiyuha akuya, twirirwa dukubeta. Kugeza magingo aya, ntabwo ndumva ukuntu abo BAHANGA bacu babigenzaga….
Abantu usanga muli RNC, abenshi aho mbaherukira, bali ABAHANGA….
Rero usibye nabo, na njye ubwanjye, na njye „RUHUMA RWA BISETSA“ nzi kandi ndemeza ibi bikurikira: „Yego iwacu i Rwanda ntabwo ali paradizo. Iteka ahali abantu hazahora hanuka urunturuntu. Ariko buli muntu, umuntu uzi neza ABANYARWANDA N’U RWANDA RWABO, ashobora kwemeza adakabije ati, magingo aya, iwacu harimwo harabera ibitangaza“.
Inkiko za GACACA, uyu mwaka, ziraba zirangije imanza. Mu mpinga ya KARISIMBI hubatswe umunara. ABATISHOBOYE basigaye borora inka. INGAGI zisigaye zitwa izina. IKORANABUHANGA ryahawe intebe i Rwanda, mama weeee….
Jyewe rero, jyewe Ruhuma rwa Bisetsa, bariya Bavandimwe bacu bo muli RNC ndabagaye peeee. Kuko kabone, niyo naba mfite impamvu bwite, niyo naba mfite intimba yo kuba narashwanye n’i NYARUREMBO, nakwemera ngahebera urwaje, maze ngahobera umuruho, ariko nkigilira akabanga. Nakwemera nkabaho gikene, ariko ngahora ndi IMPFURA-BUPFURA. Nakwemera nkagenda nemye. Nakwemera nkagira AMAHORO K’UMUTIMA kandi ngatanga AMAHORO. Nakwemera nkipfira urwanjye, ariko ngapfa ndahemutse, mama weee…
Rwose ndababaza, mumbabalire munsubize. Kuki ABAHANGA nka mwe, mudashobora kurekura ibyerekeye POLITIKI. Kuki mudashobora guhimba ubundi buzima bushya???Kandi buli wese azi ko mubishoboye kabisa…..
Yewe ndekeye aha, ngo ararekwa ntashira. Aho muli hose kuli iyi, mbatuye IMANA-RUREMA. Ibahozeho amaso, umunsi n’ijoro. Ibahe kureba kure, ibahe kuramba, ibahe urumuri, ibahe gushishoza no kumenya UKURI. IBAHE UBUNDI BUZIMA, UBUZIMA BUSHYA…
Mugire amahoro, uwanyu Ingabire-Ubazineza.
sha ayo ni amagambo!None se ubwo koko nta karengane ubona?Ubuse mu gutanga akazi nta karengane ubona?Icyenewabo se ntacyo ubona?Yego intambwe yatewe ni nziza ariko niba icyenewabo gikomeje ndakubwiza ukuri ibintu bizasubira inyuma kandi ushobora kuba uyu munsi wishimye ejo ukababara rira bien qui rira le dernier.
Didier iyo utagize echec/ failure ntumenya gukosora ibyagoramye!! Nonese ibyo wita icyenewabo nibyo biteye ikibazo cyane kurusha ibibazo twanyuzemo? Kubaka binyura mu byiciro, ahubwo reba ngo nizihe ngamba zashyizweho zo kubikumira? Ntabwo u rwanda ibibazo byose byarangiye uko byakabaye ariko tugeze kure tubyikemurira, iyo ntambwe rero niyo dukomerezaho kandi ntacyo tutazageraho nitwashyira hamwe.
Kdi ibibazo uvuga si umwihariko ku Rwanda, uzajye nahandi uzabihasanga, gusa inzira turimo yo kwikemurira ibibazo irasobanutse icyampa ngo Imana iguhe amaso yo kureba ibyiza bikorwa!! Ntukarebe ibitagenda gusa kuko waba ubogamye cyane!!
Safari ntukabeshye bisi tuzijyamo zarishwe na leta ibinyujije muli Rwanda embassies. Wowe watanze angahe ngo ukodeshe imodoka koko? Niba mushaka gutuka ba Gahima mubikore aliko mutabeshye abandi ngo mwirihira amamodoka. Si amamodoka gusa n’abanywi b’inzoga barazibagurira bakazinywa buzi nk’abavumbyi bose, bagataha bahengamye.
Aba bantu bafite inzara kabisa, Reba uko bameze
Nta mwotsiusohoka nta muriro.Kunega si ukuba inyangarwanda.il n’existe pas une societé uniforme.Kubijyanye n’ibitekerezo ntabwo abantu babona ibintu kimwe icyo bita penser dans la meme direction. kandi nta opinion unique ntavuguruzwa ibaho!!! iyo bimeze gutyo ni DICTATURE. Murebe neza , mwumve neza , musesengure ibitekerezo bya RNC bashobora kuba bavuga ukuri.ahaaa!!
Nimukomere mwese Banyarubuga,
KWINENGA ni uburyo bufatika bwo kurebera hamwe, mu muryango, ibintu bitagenda neza. Maze umuntu agatega abandi amatwi. Kandi mbere yo gutunga abandi agatoki akitangiliraho….
IBIKORWA mbere y’amagambo, ubu ni uburyo bufatika bwinjiye mu muco wacu. Ni cyo gituma RNC, niba koko ari INGIRAKAMARO, yarikwiye gusaba IMIBONANO NA RPF…
UBUSHAKE aho buli, haboneka inzira, byanze bikunze. Kandi ngo kora ndore, iruta vuga numve….
CONFRONTATION IS, IN MY VIEW, THE WRONG WAY. ABSOLUTELY…..
Uwanyu Ingabire-Ubazineza
NDIFASHE
Comments are closed.