APR FC ikomeje kuyobora irushanwa ryo gukusanya imifuniko ya Turbo

Mu gihe habura ibyumweru bitatu ngo irushanwa ryo gukusanya imifuniko ya Turbo risozwe, ikipe ya APR FC ni yo ikomeje kuza ku isonga mu makipe 12 yakinaga icyiciro cya mbere mu mwaka wa shampiyona ushize yitabiriye iri rushanwa n’imifuniko 58 944.

Ikipe ya APR FC ikomeje kugaragaza ko ifite ishyaka ryo kwegukana iri rushanwa ryateguwe na Turbo King rifite agaciro ka miliyoni 7 z’amafaranga y’u Rwanda kuri ubu irarusha ikipe iyikurikiye ya Etincelles imifuniko 9 786.

Amakipe uburyo akurikirana muri iri rushanwa: APR FC irayoboye n’imifuniko 58 944 Etencelle ku mwanya wa kabiri 49 158, Marines FC ifite imifuniko 44 632, Amagaju ari ku mwanya wa kane n’imifuniko 41 421.

Gicumbi FC iri ku mwanya wa gatanu n’imifuniko 36 435, Musanze FC imaze gukusanya imifuniko 20 026, Mukura VS ifite imifuniko 18 500, Police FC ifite imifuniko 18 316, AS Muhanga ifite imifuniko 16 526, Kiyovu Sports ku mwanya wa 10 n’imifuniko 16 289 mu gihe AS Kigali yamaze kuzuza imifuniko 15 421.

Esperance yamanutse mu cyiciro cya kabiri ku mwanya wa nyuma ifite imifuniko 14 079.

Ikipe ya Rayon Sports ndetse na Espoir nizo kipe zitigeze zitabira iri rushanwa ,ikipe ya mbere ikazahabwa amafaranga y’u Rwanda miliyoni zirindwi Rwf zo kugura umukinnyi, naho iya kabiri ihabwe miliyoni eshanu mu gihe iya gatutu izahabwa miliyoni eshatu.

Nkurunziza Jean Paul
ububiko.umusekehost.com