Intare zatsinzwe, Ubuholandi bwihimura kuri Espagne

Ikipe ya Les Lions Indomptables ya Cameroun niyo yakinnye bwa mbere mu zihagarariye umugabane wa Africa, nubwo zagerageje kwihagararaho, Intare ziyobowe na Samuel Eto’o byarangiye zitsinzwe na Mexique igitego kimwe ku busa mu Itsida A ubu iyoboye yon a Brazil naho Cameroun na Croatia zikaza inyuma.

Nyuma y’uyu mukino uwakurikiye wibukije abantu uwa nyuma w’igikombe cy’Isi cya 2010 muri Africa y’Epfo, Ubuholandi na Espagne. Uyu mukino mu itsinda B wari uryoheye ijisho kubera ubuhanga butangaje no gukinira hagati.

Ntawari uzi uko Espagne iri mu zihabwa amahirwe yatangira itsindwa ibitego bitanu kuri kimwe gusa, Espagne nubwo ariyo yari yabanje igitego cya penaliti yatewe na Xabi Alonso,  ibitego bibiri bya Robin Van Persie birimo kimwe kiza cyane cy’umutwe, ibitego bibiri bya Arjen Robben na kimwe cya  Stefan de Vrij byatumye Espagne itangira nabi bikabije igikombe cy’Isi n’ubwo ariyo yagitwaye ubushize.

Muri iri tsinda B ikipe ya Chili nayo yakurikiyeho itsinda Australia ibitego 3 kuri kimwe, ubu Chile iri ku mwanya wa kabiri n’amanota atatu mu Itsinda B inyuma y’Abaholandi bayoboye Itsinda B.

Inkuru irambuye n’amafoto kanda HANO

ububiko.umusekehost.com