Jay-Z azaba “Best man” wa Kanye West mu bukwe bwe na Kim

Ubukwe bwabo buteganyijwe kuri uyu wa gatandatu, Beyoncé ngo yaje kwemerera Jay-Z kubujyamo kuko azaba ari ‘best man’ gusa. Kuwa gatandatu Kim Kardashian nibwo azarushinga n’umuhanzi Kanye West nk’uko bitangazwa na MailOnline.

Abo hafi y’aba ba star bavugwa cyane batangaje ko ubu bukwe buzabera ahitwa Forte di Belvedere i Florence, mu Butaliyani.

Beyoncé ngo yaba atarifuzaga kujya muri ubu bukwe bw’agatangaza ariko kuba Jay-Z azaba yambariye umuraperi mugenzi we Kanye byabaye ngombwa ko yemera kuzajyayo nawe.

Ubu bukwe buratangira kuri uyu wa gatanu i Paris bukomereze i Florence kuwa gatandatu. Umuryango wa Jay-Z na Beyoncé ndetse n’abandi ba star bakomeye ngo bari bagononwe kujya muri ubu bukwe ariko bamaze kwemera ko bazitabira kuko nta Camera zitari izo ba nyiri ubukwe bagennye zizaba zememerewe.

Kim Kardashian ubundi ukina za cinema agakora ibiganiro kuri za televiziyo ndetse akamurika imideri igezweho, mu minsi ishize yavuze ko ubukwe bwabo bazabutangaza mu mafoto nyuma, kuko bumva bashaka kubugira ubwabo cyane.

Abantu 150 nibo batumiwe muri ibi birori.,

Nubwo Kim na Beyoncé basanzwe ari inshuti kuva cyera, hashize igihe bitwararikana nk’uko bitangazwa n’ibitangazamakuru bitandukanye bikurikirana ubuzima bw’aba bastar bavugwa cyane ku isi.

Kim agiye gushyingiranwa na Kanye nyuma y’uko babyaranye umwana mu kwezi kwa gatandatu k’umwaka ushize.

Mu bandi batumirwa muri ubu bukwe harimo abazwi nka John Legend umuhanzi uzwi cyane.

Umugore umurika imideri Rachel Roy uherutse kuba nyirabayazana wo gukubitwa kwa Jay-Z akubiswe na murumuna w’umugore we Solange, nawe azaba ari muri ubu bukwe kuko ari inshuti ya hafi ya Kim Kardashian.

ububiko.umusekehost.com