Umukozi wa Hotel wagurishije ($250,000) video ya Jay-Z akubitwa yirukanwe

Hotel ikomeye yo mu Mujyi wa New York yatangaje ko yamenye kandi yirukanye umukozi wayo watwaye amashusho y’umutekano wa Hotel yagaragaje Solange Knowles muramukazi wa Jay-Z amukubita inshyi n’imigeri n’ibitutsi rugeretse, muri ‘ascenseur’. 

Uyu mukozi yahamwe no kwica amategeko agenga umutekano wa Hotel n’amashusho aba yafashwe n’ibyuma byabugenewe.

Aya mashusho uyu mukozi yayagurishije na TMZ ari nayo yayatangaje kuwa mbere w’iki cyumweru.

Aya mashusho nyiri ukuyagurisha ngo yishyuwe asaga $250,000 (arenga miliyoni 150 000 000Rwf) kuko yari akenewe cyane n’ibitangazamakuru bitandukanye.

Hotel yirukanye uyu mukozi yatangaje ko izatanga amakuru yose ku butabera buramutse buyakeneye.

Amashusho yatangajwe ntabwo arimo amajwi n’ubwo bigaragara neza ko uyu muramukazi wa Jay-Z atakoreshaga amaboko n’amaguru gusa ahubwo yanamubwiraga amagambo atari meza.

Buri muntu wabimenye yibazaga icyatumye uyu mukobwa akubita umugabo wa mukuru we. Hari amakuru atandukanye yatangajwe, amwe muri yo ni uko Solange ngo yari yashotowe n’uwitwa Rachel Roy mbere y’uko bajya muri ‘ascenseur’.

Solange ngo wari wagasomye ngo ntiyishimiye amagambo Jay-Z yavuze nyuma y’uko ashotowe na Roy niko gusagarira Jay-Z, cyane ko ngo ayo magambo amusagarira yaganishaga ku buryo muri iki gihe Solange atamerewe neza mu bukungu kuko byanabaye ngombwa ko yimuka akava i New York akajya New Orleans.

Naho uwacuruje aya mashusho we ntabwo yatangajwe, gusa akaba yarayabonyemo akayabo nk’uko bigaragara ariko bimuviriyemo kwirukanwa.

ububiko.umusekehost.com