APR FC yegukanye IGIKOMBE itavunwe n’umunsi wa nyuma

CHIEF EDITOR
05/04/2014

Ikipe ya AS Muhanga ntiyigeze igera ku kibuga cya Stade ya Kigali i Nyamirambo, ibi byatumye iterwa mpga y’ibitego 3 – 0 maze APR FC yegukana igikombe cya shampionat bitayigoye, mu gihe mukeba Rayon Sports yo yari imaze kibasha gutsinda Musanze FC 2 – 1 ku kibuga cyo ku Mumena nta mufana n’umwe uhari.

APR FC imbere y'igikombe cyabo cya 14 — APR FC imbere y’igikombe cyabo cya 14

Rayon Sports yasabwaga gutsinda ngo itegereze uko APR FC na Muhanga bigenda, yabikoze, mu gice cya kabiri nibwo ibitego bibiri byatsinzwe na Leon Uwambajimana na Kagere Medie bya Rayon byinjiye.

Muri iki gice ariko ni nabwo Wayi Yeka rutahizamu wa Musanze FC yabonye igitego cy’ikipe ye n’ubwo kandi uyu mukinnyi yari yahushije Penaliti mu gice cya mbere.

Kuri uyu mukino abafana ba Rayon batari bacye bari hanze ya stade aho baririmbaga bishimira ikipe yabo, Ministre w’umuco na siporo Mitali Protais uyu mukino wa Rayon niwo yaje kureba.

I Nyamirambo kuri stade ya Kigali ho APR FC yategereje ikipe ya AS Muhanga amasaha y’umukino agera itarahagera, kuri iyi stade niho igikombe cyari cyajyanywe.

Nyuma ya 15.30h z’umugoroba harengejweho umunota 15 yateganyijwe kugirango hemezwe mpaga, Muhanga ntiyahahinguka, kubera ko abakinnyi bayo mu minsi ishize bavuze ko batazakina uyu mukino badahawe ibirarane by’amezi ane bafitiwe n’ikipe yabo.

Ibi byatumye mpaga yemezwa, maze barindira ko umukino wa Rayon Sports ku Mumena urangira kugirango ize ihemberwe umwanya wa kabiri APR nayo ihabwe igikombe.

Byari ibyishimo bikomeye ku bafana ba APR FC kwegukana igikombe cya 14 cya shampionat n’ubwo itakinnye uyu mukino wa nyuma na Muhanga.

Imikino yabaye:

APR 3-0 AS Muhanga (*mpaga)

Rayon Sports 2-1 Musanze

Etincelles 1-2 Amagaju

Police 6-0 Marines

Gicumbi 0-0 Esperance

Ku mihanda i Nyamirambo bitegura kujya gufana ikipe yabo

Abasore ba APR mu myitozo bategereje Muhanga

Ibikombe uko byatwawe mu myaka ishize:

1995 APR
1996 APR
1997 Rayon Sports
1998 Rayon Sports
1999 APR
2000 APR
2001 APR
2003 APR
2004 Rayon Sports
2005 APR
2006 APR
2007 APR
2008 ATRACO
2009 APR
2010 APR
2011 APR
2012 APR
2013 Rayon Sports
2014 APR

Ibyishimo baririmbira igikombe cy’ikipe yabo

i Nyamirambo abakorobate bariho bashimisha abantu mu gihe barindiriye AS Muhanga

Stade ya Mumena yitegeye umusozi wa Rebero, bayikiniyeho nta mufana

Ministre w’Imikino Protais (wicaye hagati) uyu mukino niwo we yaje kureba

Umutoza Luc Eymael (wambaye ikoboyi) wahagaritswe, yari kumwe na mugenzi we umufaransa Richard Tardy

Ngo bazayigwa inyuma, aha bari inyuma ya stade barunguruka umukino w’ikipe yabo

Hanze ya Stade Mumena byari ibicika baririmba

Abakinnyi ba APR imbere y’abafana babo batambuka gisirikare

Abakinnyi ba APR FC basimbiza hejuru umutoza wabo Mashami Vicent

Igikombe cya shampionat cyegukanywe na APR FC

Rayon Sports ya kabiri yahembwe 5 000 000Rwf yakiriwe na Ndayishimiye Jean Luc bita Bakame (wambaye ikibubu) n’umukuru w’abafana Muhayimana Claude

Rujugiro, umufana wa APR yihumuriza igikombe

Photos/Plaisir MUZOGEYE

Paul NKURUNZIZA
ububiko.umusekehost.com

0 Comment

vincent says:
05/04/2014 at 22:23

Oye oyeeeeeeeeee APR FC byari bikwiye kuko nta mwana usya aravoma rayon sports byaribigezeko ibyacu twayitije ibitarura kandi ntibiteze nokuzongera kubaho no kongera kuyitiza kuko idashoboye gukomera kubyo yatijwe ngo ibikoreshe neza ibone amahirwe yo kubiguma.oyeeeeeeeeeeeeeeeeeeee apr fc yacu dukunda tukurinyuma , turagushyigikiye uri uwa mbere kandi ukanikurikira.

deo says:
05/04/2014 at 22:57

Ibya GUSA .COM'” Ubutwari, ubuhanga, …..!?

ivubi says:
05/05/2014 at 07:25

Techinque oyeeeee!!!!!!!! mbifurije kutazarenga umutaru mu cya Afrika nicyo kibakwiye.
- Lambert says:
  05/05/2014 at 10:51
  
  Harya mwebwe mwarawurenze??

BOSCO says:
05/05/2014 at 07:52

APRFC oyeeeeeeeeeeeeeeeeeeeeeeeeeeee, asanti sana bahungu bacu, Imana ishimwe cyane kuba iduhaye igikombe cya 14, mubyukuri ndishimye cyane kuba dutwaye igikombe turi kumwe nabana bab’anyarwanda erega turashoboye n’andi ma ekipe nagirire abanyarwanda icyizere maze baconge ruhago, ubwo sasa n’ubutaha mutwitege nikindi kizaba icyacu, kandi ndashimira coach Mashami nawe anyeretse ko abanyarwanda bashoboye, Imana ibarinde.

Musemakweli says:
05/05/2014 at 08:08

Muhanga kweli! Nabonye babazaniye coaster banga kuyijyamo! Rwose bariya bakinnyi ntibakoze neza. Amafaranga babatangagaho Akarere kazayashyire mu kugeza amazi ahantu hanyuranye, gusana amavomero, ikipe AS Muhanga bayisese tuzajye twifanira Rayon, APR,…, ikibuga cyacu tuzajye tugikodesha amakipe yandi. Niba batari baburaye bagombaga gukina bakishyuza nyuma. None se buriya Akarere kabareze kubera igihombo bagateje n’igikombe kababihije banga kujya gukina bakwishyura ibingana iki? Akarere kabisuzume neza naho katabafatiye ibihano rwose byaba ari ukurenganya abanyamuhanga.

dfsdfererwr says:
05/05/2014 at 08:33

Ali, arabyujujeze nyine, agize igitambo Muhanga!!! Ese buriya bakinnye imikino yose, none babuze umushahara ku mukino wa nyuma!!!

Domingo says:
05/05/2014 at 08:42

Reka sha muve kuri gahunda. None se APR yari yizeye 100% ko yatsinda Muhanga. Kariya ni agakino twese tubona kuko bashobora no kubategera izamu ntibashyiremo. Igikombe cyatanzwe mbere ejo kwari ukucyakira. Cyakora, musubire muri gahunda y’umupira w’amaguru, naho ubundi ubu ni ukwisebya mugasebya n’igihugu ngo mu Rwanda hari competition. Non, ni mafia muri football mureke kubica iruhande pe. Mureke tujye twirebera football ya television zo hanze, hano tuzakine ibindi hari ibyo dufitemo ubumenyi kandi buhagije ureke football.Rata Rayon humura ni wowe championne mu by’ukuri, kandi warabigaragaje. Abafana bateranye tubashakire umwanya muzakine mu busabane n’abafana, maze tubashyikirize igikombe.

Mussolini says:
05/05/2014 at 08:52

Ariko Cheque turabona ari Five Million ariko murimo kutubwira ko ari ibihumbi magana atanu (500,000frw) anyway congz APR FC for the determination

Kamali says:
05/05/2014 at 08:54

Genda Rayon Sport uri ikipe, ibyo ubona uba wabikoreye apana ababona ibyubuntu gusa. Turabizi neza ko Rayon umwanya wa mbere ariyo yari iwukwiye. Mbega umupira wo mu Rwanda!!
- adili says:
  05/06/2014 at 11:34
  
  ibyo nibyifuzo byawe nimukabe injiji ngo mukabye ese iyo ari nkamusanze igitwaye mwarikuvugiki niza njiji nzabafana mwatumye ikipe yanyu ihanwa mutantazwi

bobo says:
05/05/2014 at 09:57

kurya akatakuvunnye nikokwiba rayon turiho tuzahoraturiho

kac says:
05/05/2014 at 10:31

Hahaha!!!!!!! nubundi TURBO yabibonye kare ko igikombe gikwiye RAYON niko guha coppy APR ,ariko nibizagume gutya kuko birangiza footbal aho ikipe yajya iba iya mbere idakinnye.Cgts Rayon……….