Karate y’u Rwanda mu bana iratanga icyizere

CHIEF EDITOR
03/25/2014

Mu mpera z’icyumweru gishize, abana bakinira muri club ya Karate izwi ku izina rya Petit samurai Karate do club, bagaragaje ko mu bihe biri imbere, karate y’u Rwanda izaba ihagaze neza mu rwego mpuzamahanga.

Abana bafite imyaka hagati ya 6 na 7 batushanyinjwe kata Ganza abatwara igikombe, yungirizwa na Jiker ndetse na Brianna w'umukobwa, nabo begukana imidari. — Abana bafite imyaka hagati ya 6 na 7 barushanyinjwe za Kata Ganza abatwara igikombe, yungirizwa na Jiker ndetse na Brianna w’umukobwa, nabo begukana imidari.

Ibi byemezwa n’abitabiriye izamurwa mu ntera ry’aba bana, bahabwa imikandara yisumbuye kuyo bari bafite ryabaye kuwa gatandatu, rigakurikirwa n’amarushannwa atandukanye bakoze ku cyumweru tariki ya 23 Werurwe 2014.

Ibizami byo kuzamurwa mu ntera, byari bigizwe no kugaragaza ko tekinike bigishijwe bazifashe neza, byakozwe n’abana 38, abahungu 29 n’abakobwa 9, hatsinda abagera kuri 28, 10 baratsindwa.

Mu bana batsindiye kuzamurwa mu ntera 2 nibo babonye umukandara w’ubururu, 9 babona uw’icyatsi, 13 babona umukandara wa orange, 6 babona uw’umuhondo.

Ku marushanwa yakurikiye iryo zamurwa mu ntera ku cyumweru, yabaye mu byiciro 7, aho aba bana bagaragaje ubuhanga buhanitse mu bijyanye na Kata, ndetse na Kumite, abahize abandi babasha kwegukana imidari ndetse n’ibikombe.

Umutoza wungirije w’iyi Club Rurangayire Christian avuga ko banejejwe cyane n’urwego aba bana bagaragaje rwa tekinike.

Yagize ati:’’ Aba bana twabanje cyane cyane kubakundisha Karate ibajyamo barayikunda, kandi tunagerageza kubaha imyitozo myiza yo ku rwego mpuzamahanga kandi iri kurugero rw’abana’’.

Rurangayire akaba yanatangaje kandi ko, bateganya kubashakira n’amarushanwa menshi hagati y’andi makipe y’abana, ku buryo tekinike yabo ikomeza kuzamuka, bikazafasha ko mu gihe kiri imbere u Rwanda ruzaba rufite abakarateka bakomeye mu rwego rw’Afurika ndetse no ku rwego rw’isi.

Petit Samurai karate do club ni club y’abana bari hagati y’imyaka 5 kugeza ku myaka 14, ikaba ikininira muri Cercle sportif mu Rugunga kuwa Gatandatu guhera saa yine z’amanywa, no ku cyumweru guhera saa tatu z’amanywa.

Aba nabo barushanyijwe muri Kata, Gisa abasha kubatwara igikombe, yungirizwa na Gladice wari wagaraga ubuhanga buhanitse mu bakobwa ndetse na Ben

Hagati ni Maurice wegukanye umwanya wa mbere muri Kumite y'abafite hejuru y'imyaka 10 , arusha Gladice w'ibumoso umukobwa wabashije guhangana n'abahungu hamwe na Ben uri iburyo wabaye uwa gatatu — Hagati ni Maurice wegukanye umwanya wa mbere muri Kumite y’abafite hejuru y’imyaka 10 , arusha Gladice w’ibumoso umukobwa wabashije guhangana n’abahungu hamwe na Ben uri iburyo wabaye uwa gatatu

Ku bafite imikandara y'umuhondo barushanyijwe muri kata, Kelly abasha kubatwara igikombe yungirizwa na Cyusa ndetse na Kenny batsindira imidari — Ku bafite imikandara y’umuhondo barushanyijwe muri kata, Kelly abasha kubatwara igikombe yungirizwa na Cyusa ndetse na Kenny batsindira imidari

Ku bana bafite imyaka itanu, uwabahize ni Ryan wegukanye umudari wa Zahabu, akungirizwa na Kadjiro ndetse na yannis begukanye imidari ya Argent na bronze — Ku bana bafite imyaka itanu, uwabahize ni Ryan wegukanye umudari wa Zahabu, akungirizwa na Kadjiro ndetse na Yannis begukanye imidari ya Argent na bronze

Mu bakobwa Gaju uri hagati yabashije kwegukana umudari wa zahabu, akurikirwa na naomi na noella nyuma yo kubahiga muri kata.

Uri hagati ni Kenny wahize abandi muri Kumite mu bafite imyaka hagati y'irindwi n'icyenda yungirizwa na Kenn ndetse na Olga nawe wabashije guhangana na basaza be akagira abo atsindamo — Uri hagati ni Kenny wahize abandi muri Kumite mu bafite imyaka hagati y’irindwi n’icyenda yungirizwa na Kenn ndetse na Olga nawe wabashije guhangana na basaza be akagira abo atsindamo

Abana bagize Petit Samurai Karate do club , bifotozanya n'abatoza babo ndetse n ' umuyobozi wa FERWAKA wari witabiriye aya marushanwa y'abana — Abana bagize Petit Samurai Karate do club , bifotozanya n’abatoza babo ndetse n ‘ umuyobozi wa FERWAKA wari witabiriye aya marushanwa y’abana

Roger Marc Rutindukanamurego
ububiko.umusekehost.com

0 Comment

mugabe says:
03/26/2014 at 07:56

uwaba azi ahantu hano mu mugi hafi ya gisozi na muhima abantu bashobora gukorera sport ya Karate yandangira kuko ndabikeneye cyane iyi sport ni nziza please uhazi andangire
- KarateKid says:
  03/26/2014 at 15:02
  
  Gana Sainte famille hariya bogereza imodoka, gusa nabonye batari serious cyane

lumumba says:
03/26/2014 at 09:36

oss sensei guy nabo mufatanyije akazi keza felicitation kbsa kuko murimo gukora amakademy yakarate rwose ,nukuri mufite icyerekezo courage

Comments are closed.

Share this:

0 Comment