Rwanda Movie Awards: Hon Bamporiki yemeye 2 000$ ku bakinnyi beza umwaka utaha

Mu ijambo rye mu muhango wo guhemba abakinnyi ba filimi nyarwanda wabaga kuri iki cyumweru nijoro, depité Bamporiki Eduard yanenze abategura uyu munsi bagamije inyungu zabo bwite, ndetse anemera ko umwaka utaha ubwe azahemba abakinnyi babiri bitwaye neza buri wese amugenera amadorari 1 000$.

Hon Bamporiki, nawe w’umwanditsi n’umukinnyi wa filimi, yari umwe mu bashyitsi bakuru muri uyu mugoroba, yasabye ko ubutaha hazajya harebwa uko umukinnyi wa filimi wahembwe yahabwa ishimwe ritari igikombe gusa, ahubwo hakongerwaho n’amafaranga kandi afatika.

Yahise anemerera abategura ibi birori ko umwaka utaha yemeye kuzatanga amadorali ibihumbi bibiri (ni ukuvuga amafaranga arenga miliyoni imwe n’ibihumbi Magana abiri y’u Rwanda) ku bakinnyi babiri bazahembwa nk’abitwaye neza.

Abakinnyi bitwaye neza kuruha abandi muri sinema nyarwanda mu mwaka ushize wa 2013 binyuze mu marushanwa ngaruka-mwaka yitwa Rwanda Movie Awards ategurwa ya ISHUSHO ART bahembwe kuri iki cyumweru, byari ku nshuro ya gatatu.

Umuyobozi wa Ishusho Art Havugimana Mucyo Jackson ari nabo bategura iki gikorwa yavuze ko , guhemba abakinnyi ba filimi babikora mu rwego rwo guhesha ishema uyu mwuga mu Rwanda.

Mucyo Jackson avuga ko bikigoranye cyane gutegura umunsi nk’uyu wo guhesha agaciro sinema mu Rwanda ariko hari ikizere cyinshi ko bizagerwaho ko sinema nyarwanda igira agaciro.

Abahembwe n’ibyiciro bahembwemo :

1. Supporting Actor : Rukundo Arnold
2. Supporting Actress : Keza July
3. People’s Choice Actor : Pappy Willy Mucyo
4. People’s Choice Actress : Liane Mutaganzwa
5. Best Short Movie : Kanyambo
6. Best Editor : Tunezerwe Bernard
7. Best Photography : Cyuzuzo Claude
8. Best Dynamic : Strong Unit
9. Best Documentary : Guhinduka Mushya
10. Best Story : Humura FILM
11. Best Lyrics : Isimbi Alliance
12. Best Gospel Actor : Ilunga Rongin
13. Best Gospel Actress:Umuganwa Sarah
14. Best Gospel Movie : Siryo Herezo
15. Best Achiever : Techno Mobile
16. Best Young Actor : Ishimwe Claude
17. Best Old Actor:Musabyimana Charles
18. Best Old Acress : Kakuze Sauda
19. Best Director : Habiyakare Munil
20. Best Actor in Action : Rutabayiro Eric
21. Best Actor : Kayumba Vianney
22. Best Actress : Mukashema Fabiola
23. Best Movie : Igishimisha Umugabo

Photos/Plaisir MUZOGEYE

Plaisir MUZOGEYE
ububiko.umusekehost.com