Espoir FC y’i Rusizi yatsinze Rayon Sports 2-1

Usibye abakurikira umunsi ku munsi, ntabwo benshi bibaza ko ubu Espoir FC ihagaze ku mwanya wa gatatu mu makipe 14 ya shampionat y’u Rwanda. Ntabwo yahasimbukiye ahubwo ni uko imaze iminsi yitwara neza, yabishimangiye kuri iki cyumweru ku mukino w’umunsi wa 19 wa shampionat aho yaguye nabi ikipe ya Rayon Sports ikayitsinda ibitego 2 – 1 mu mukino waberaga kuri stade ya Kigali i Nyamirambo.

Rayon Sports yari ifite icyuho cya Nizigiyimana Kalim bita Makenzi ndetse na Amis Cedric abasore b’abarundi, ariko abandi bose bari bahari.

Ni umukino watangiranye igihunga kinshi kuri bamyugariro b’ikipe ya Rayon sport kuko ku munota wa 3  gusa w’umukino habayeho ubwumvikane buke hagati y’umunyezamu wa Rayon Sports Bakame  na myugariro Serugendo Arafat, washatse kumuhereza umupira n’umutwe uruhukira mu izamu kiba kiranyoye.

Mbere gato yuko igice cya mbere cyirangira, Lomami André yatsindiye ikipe ya Espoir igitego cya kabiri.

Bavuye mu kiruhuko,umutoza wa Rayon sport  yakuyemo Ndatimana Robert  wasaga nkunaniwe hinjira Kwizera Yves, maze ikipe ya rayon sport yotsa igitutu ikipe ya Espoir.

Ku munota wa 61 umunyezamu Shamiru Bate yagushije rutahizamu  Kagere Meddie murubuga rw’amahina , maze umusifuzi ahita  atanga penaliti yinjijwe neza na Ndayisenga Fuadi.

Ikipe ya Espoir FC ya komeje kotswa igitutu maze umunyezamu  Bate  wa gararagaraga ko yari yakaniye umukino aza gukora  ikosa afatira umupira hanze y’urubuga rwe, umusifuzi amuha ikarita ya kabiri y’umuhondo, ahita avanwa mu kibuga .

Espoir ariko yakomeje kwihagararaho kugera umukino urangiye.

Nyuma y’umukino umutoza wa Espoir, Ruremesha Emmanuel  mu kiganiro na banyamakuru avuze ko  gutsinda ibitego byombi mu gice cya mbere byatumye abasore be ntagihunga bagira.

Ruremesha yagize ati “Kuba twafatiranye ikipe ya Rayon sport tukayibonamo ibitego bibiri mu gice cya mbere byadufashije kuko byatumye abakinnyi banjye batagira igihunga kuko byaciye intege abafana ba rayonsport.”

Naho umutoza wa Rayon Sports Luc Eymael avuga ko ibitego byombi  batsinzwe byari impano zidasanzwe abakinnyi be batangaga,yongeraho kandi ko bahuye n’ikibazo cy’abakinnyi ba Espoir bigushaga.

Eymael yagize ati “twahuye n’ikibazo cy’abakinnyi ba Espoir bigusha, kandi  amakosa yo kutumvikana  ya bakinnyi banjye mu kibuga yatumye baha ibitego 2 by’impano Espoir FC.”

Gutsindwa kwa Rayon Sports bitumye APR FC yari yatsinze Mukura VS kuri uyu wa Gatandatu, ishyiramo ikinyuranyo cy’amanota 3.

Ababanjemo ku ruhande rwa Rayon Sports:Ndayishimiye Jean Luc (Bakame), Djamal Mwiseneza,Abouba Sibomana ,Jimmy Mukubya,Arafat Serugendo,Hussein Sibomana ,Ndatimana Robert,Kagere Meddy,Ndayisenga Fuadi,Uwambajimana Leon bakunze kwita Kawunga na Kambale Salita.

Naho kuruhande rw’ikipe ya Espoir yo yabanjemo abasore bafite ubunararibonye mu kibuga:Bate Shamilu,Musabyimana Emmanuelle,Moringa wa lusambo,Musabyimana Phocas,Bizimana Moise,Kayiranga mussa,Makasi Abedi saidi,Ntaganda Elias umukorerabushake,Lomami Andre ,Habyarimana Kassim,Safari Jean marie.

Indi mikino yabaye yumunsi wa 19 wa shampiyona uko yagenze:

Kiyovu Sports  Marines

Musanze 2-0 Esperance

ETINCELLES FC 0-2 POLICE FC

AMAGAJU FC 0-2 AS MUHANGA

APR FC 1-0 MUKURA VS

Urutonde rw’agateganyo uko rwifashe:

Jean Paul Nkurunziza
ububiko.umusekehost.com