Amaze gutsindwa 4-1 na APR FC, Kayirange Baptista ngo azahangana n’abo banganya ingufu

I Gicumbi kuri iki cyumweru hari imbaga y’abantu benshi kuri stade baje kureba ko ikipe yabo yakwihagararaho imbere ya APR FC, byarangiye iyi kipe y’ingabo ibatsize 4-1, umutoza wa Gicumbi FC yemeye ko APR FC imurusha imbaraga ariko abo benda kuzinganya batazamuva mu nzara.

Ni mu mukino Gicumbi FC yarushijwemo, kuko nyuma yo gutsindwa bine ybashije kubona igitego cy’impzamarira mu minota ya nyuma cyane y’umukino.

Kayiranga Baptista utoza Gicumbi FC nyuma y’umukino ati “ Nta gitangaza kirimo kuba dutsinzwe na APR FC, ni ikipe iturusha ubushobozi hose.

Ariko amakipe twenda kuba mu kigero kimwe yo ntabwo yo azatuvogera kuko natwe hari urwego dushaka kuvamo.”

Mu minota 20 y’igice cya mbere cy’umukino APR FC yari imaze kubona ibitego 2, Isaie Songa niwe wafunguye amazamu, Rugwiro Hervé ashyiramo icya kabiri, Mugiraneza JB (Migi) atsinda icya gatatu naho Michel Ndahinduka bita Bugesera atsinda icya kane ku ishoti  rikomeye ryatangaje benshi.

Mashami Vicent utoza APR FC yatangaje ko imikino yose ari kuyifata kimwe kuko bafite intego yo kugera ku gikombe.

Ikipe ya Gicumbi FC yagaragaje ubwitange mu gukina kuri buri mukinnyi gusa bikagaragara ko APR FC ibarusha kumenyerana no guhanahana neza umupira.

Igitego kimwe cya Gicumbi FC cyatsinzwe n’umuzore witwa Nonda ku munota wa 90 umusifuzi ahita asoza umukino.

APR FC ariko yatahanye amakarita abiri y’umuhondo, umwe mu bakinnyi ba gicumbi yahavanye imvune ikomeye aho yahise ajyanwa mu bitaro.

Kugeza ubu ku rutonde rwa shampionat ikipe ya APR FC niyo iyoboye urutonde rw’agateganyo n’amanota 43 mu mikino 18 imaze gukina, ikurikiwe na Rayon n’amanota 37 mu mikino 16 naho Gicumbi FC ni iya 10 n’amanota 13.

Urutonde rw’agateganyo:

Evence Ngirabatware
ububiko.umusekehost.com/Gicumbi