Amabanga ya Man U hanze: Ryan Giggs ni umuraperi burya

Kuri uyu wa gatatu nimugoroba ubwo Manchester United yari imaze gutsinda ikipe ya Seattle Sounders ibitego 7-0, Rio Ferdinand yagiye ku rubuga rwa Internet aganira n’abafana b’abanyamerika maze bamubaza byinshi mu buzima bwa Man U maze nawe ntiyazuyaza kubaha amakuru.

Kimwe mu byo yahereyeho ni uko mugenzi we Ryan Giggs, uherutse kuvugwa cyane kubera guca inyuma umugore we, ngo ari umuririmbyi kabuhariwe ariko w’injyana ya RAP.

Mu nkuru dukesha espnstar.com, Rio Ferdinand yagize ati: “mu Rwambariro iyo twatsinze, buri wese agaragaza ibyishimo ku buryo bwe, gusa benshi ntimuzi uburyo Giggsy ari umu Raperi mwiza, ntabwo azi kuririmba ariko afata Micro akarapa nk kuriya kwa ba Snoop Dogg cyangwa Jay Z”

Yongeyeho ko Wayne Rooney nawe ngo agerageza kuririmba ariko ngo aririmba nabi cyane. Rio Ferdinand yanatangaje ko abakinnyi 5 yumva bakomeye ba vuba aha muri Manchester United ari “Paul Scholes, Cristiano Ronaldo, Wayne Rooney, Roy Keane ndetse nanjye birumvikana” nkuko yabitangaje.

Mu myambarire muri ManU yavuze ko asanga bose bambara neza, gusa ngo uwitwa Anderson Luís de Abreu Oliveira, uyu muhungu ngo yambara nabi cyane, yambara imyenda utamenya aho aho ahahira nkuko Ferdinand yakomeje.

Imikino ya Playstation ikundwa gukina n’abakinnyi b’umupira, Ferdinand yavuze ko we akinana na Wayne Rooney, ko kandi nta bandi bafatanyije bajya babatsinda, yavuze ko we na Wayne Rooney batsinzwe gusa na Fabio na Rafael da Silva, abandi ngo babagora cyane ni Nani na Kiko (Federico Macheda) aba kandi ngo nibo bakunda kuba bari kumwe cyane kurenza aandi muri Manchester Unied.

JP Gashumba
Umuseke.com