Ibice byarangaga imihango y'ubukwe bwo hambere

Kera iyo ababyeyi babonaga ko umuhungu cyangwa umukobwa wabo  yakuze,  bajyaga inama yo kubashyingira, bagahagurukira kubashakira uwo bazashyikiranwa. Kugira ngo bamubone  babaza mu nshuti  no mu bavandimwe baba aba kure no hafi ri kugira ngo  bagerageze kubabonera  umugeni cyangwa umuhungu utunganye.

Mu Rwanda hose, mu moko yose ibice byarangaga umuhango w’ubukwe byabaga ari bimwe  bikurikirana kuri ubu buryo:

A.Kuranga Cyangwa Kurangira.

Abanyarwanda bo hambere baricaraga bagashaka umuhungu cyangwa umukobwa ukwiranye n’umwana wabo. Habagaho kungurana ibitekerezo ku bisekuruza n’ubunyangamugayo bw’abagize umuryango runaka bifuza gushakamo maze bagahitamo neza.

A.Gusaba Umugeni

Hose bajyaga gusaba umugeni hakagenda Se w’umwana cyangwa undi muntu wo mu muryango wabo wizewe.

 Bajyanaga inzoga,

 Batangaga inkwano: Bamwe batangaga inka, abandi amasuka, abandi batangaga amatungo (ihene), hari n’aho batangaga amasaka n’uburo.

C.Gutebutsa.

Gutebutsa n’ukujya kubaza igihe bazashyingirwa hakagenda abaje gusaba umugeni kandi bakajyana inzoga .

D.Gushyingira.

Bose baherekezaga umugeni mu ijoro. Yagendaga mu kirago kereka hamwe nko mu Ndorwa. Ahenshi mu Rwanda barongozaga umwishywa. Abandi bambikaga igikangaga , ariko hakeya.

E. Kwakira Umwishywa by’ababyeyi  byari hose mu Rwanda.

Izo ngingo twasanze zihuriweho n’abakurambere bacu mu turere twose mu moko yose ari mu Rwanda.

 Hose mu Rwanda, ababyeyi nibo bashakiraga abana babo, bakabubakira .

 Umwanya w’abana mw’ishakana ntiwari uriho ,ababyeyi batoranyaga neza bifuzaga ko umwana aremya urugo .

 Gushyingira umwana byari bishyigikiwe n’umuryango wose.

Izo ngingo zose zihuriweho mu Rwanda nizo twagerageje kubaza neza turazandika .

F. Gutwikurura

Umugeni yaratinyaga, akihisha ntagaragare, kugera igihe bamubwira ko hari  umurimo mlkgukora. Kera iyo umugeni yabaga ataratwikururwa  ntiyagaragaraga byeruye.  Nta mirimo yo mu rugo yakoraga .

Umuhango  wo gutsikurura  wakorwaga kugira ngo umugeni ajye ahabona atangire gukora imirimo yo mu rugo byeruye.

Ni byiza rero  ko umuco u Rwanda rwubatseho, umenyekana mu bato ukazanahora  mu mateka, kandi tukanamenya ko gushyingirwa ari rimwe mu mabango akomeye u Rwanda  rushingiyeho kugira ngo rube rwiza kandi rugire amahoro n’ubumwe bikomotse mu kugira ingo nziza, imiryango myiza n’igihugu cyiza.

A.Bigirumwami: Imihango, imiziro n’imiziririzo mu Rwanda rwo hambere

Roger Marc Rutindukanamurego

ububiko.umusekehost.com