Turebe itandukaniro ku mvugo zo hambere n'iz'ubu

Mu kinyabupfura, iyo abantu babaga bahuye bararamukanyaga, baba badaherukanye bagahura bikaba uko, waba usanze abantu ahantu ukabaramutsa, ndetse wabyuka ukaramutsa abo mu rugo, waba utanahiriwe wataha ukabaramutsa  kuko muba mutiriranywe.

Amagambo yihariye akoreshwa muri uwo mwanya wo kuramukanya, akaba ari amagambo y’intoranywa, yuje ikinyabupfura cyuzuye niyo ubusanzwe bita Ikeshamvugo mu ndamukanyo.

Mu muco wa Kinyarwanda habamo indamukanyo zitandukanye bitewe n’uturere, ariko hakaba n’izo uturere twose duhuriraho. Umuco mbonera uboneka mu ndamukanyo ni uko umukuru ariwe uramutsa umuto, umugore akaba ariwe uramutsa umugabo.

Izo ndamukanyo zose zikagendana no guhoberana imisaya yombi ,bahereye iburyo bagana ibumoso.

Dore zimwe mu ndamukanyo ziboneka mu muco Nyarwanda :

Ku ndamukanyo igira iti « Gira umugabo cyangwa se Gira umugore ». Iyo umufite usubiza ngo : « Ndamushimye», waba utamufite, ugasubiza ngo : «Ndamukugize ».

Hakaba n’indamukanyo zazanywe n’umuco w’iyogezabutumwa cyangwa se iyobokamana rikorwa n’Abanyamadini nka: “Yezu akuzwe aho usubiza ngo  Iteka ryose.”  “Yesu ashimwe  ugasubiza Ahimbazwe.”  “Asaramareko” aho usubiza ngo  “Warikumusarama.”

Ayakoreshwaga mu kubara ibihe bigize umunsi.

Mu mibarire y’ibihe,  Abanyarwanda bagiraga ikeshamvugo ryabo bakoreshaga rijyanye n’umuco wabo ndetse n’akazi kabo ka buri munsi. Umwaduko w’abazungu utaraza, ngo abantu batangije kwiga umuco wa ruzungu, Abanyarwanda ntabwo babaraga ibihe nk’uko tubibara ubu.

Ntibabaraga amasegonda, iminota, amasaha, iminsi, ibyumweru, amezi, imyaka, ibinyejana n’ibinyagihumbi.  Niyo mpamvu niyo batangazaga  ibintu bimwe na bimwe byabaye mu mateka, batangaza umwaka w’amacishirizo ibyo bintu byabereyemo.

Abanyarwanda bari bafite uburyo buhoraho bwo kubara ibihe byabo.

Bumwe muri ubwo buryo ni ubu bukurikira :

Ayakoreshwaga mu kubara ibihe by’ihinga.

Abanyarwanda bagiraga ikeshamvugo rikoreshwa ku bihe by’ihinga. Bityo bikabafasha kubitandukanya n’ibindi bihe by’umwaka. Iryo keshamvugo na n’ubu riracyakoreshwa mu gutandukanya ibihe by’ihinga mu Rwanda.

Niyo mpamvu ubajije umukambwe wo mu bihe bya kera igihe yavukiye, akubwira ati : « Navutse amasaka yeze , navutse babagara ibishyimbo cyangwa akavuga ko hari mu isarura ry’ibishyimbo.»

Ibihe by’ihinga bikaba bigabanyije mu bice bine bita mu Kinyarwanda cy’Umwimerere gutya:

N’ubwo bamwe mu banditsi b’abazungu banditse ko abakurambere bacu batari bafite ubumenyi buhambaye mu gukurikiza ingengabihe, amateka yerekana ko ibi atari byo kuko uretse n’ibihe bisanzwe tumaze kubona haruguru, Abanyarwanda bari bafite n’ingengabihe igena uko abami bazasimburana ku ngoma mu gihe cy’imyaka myinshi hakurikijwe gahunda isobanutse neza nk’uko ubwiru bwabiteganyaga.

Source: Aloys Bigirimumwami: Imihango, n’imigenzo imiziro n’imiziririzo.

Roger Marc Rutindukanamurego

ububiko.umusekehost.com