NUR, MIJESPOC, FRVB kuki batishyura Elie MUTABAZI ?

Amakuru agera k’umuseke.com nuko hashize amezi hafi 4 Elie MUTABAZI umukinnyi w’ikipe y’igihugu ya Volleyball yishyuza amafaranga ya Ticket y’indege yamuvanye aho akina ubu mu bufaransa ngo aze gukinira ikipe ya NUR (National University of Rwanda) Volleyball club ariko nubu yarahebye.

Uyu mu passeur ubu wiga akanakina mu bufaransa muri  SCO d’Angers mu mu cyiciro cya kabiri mu mujyi wa Nantes, tariki ya 15/04/2011 yatumijweho na NUR VC ngo aze abafashe kwitwara neza mu marushanwa y’amakipe yabaye ayambere iwayo muri Africa (Champions Ligue).

Mbere yo kuza amakuru atubwira ko yabanje kuvugana n’umutoza wa Kaminuza NYIRIMANA Fidel, Elie akamusaba ko bamwoherereza Ticket yo kumuzana, ariko Fidel amubwira ko processus zo kugirango iboneke zatinda (ibi ni ukuri) ko ahubwo yafata amafaranga ye maze akazayasubizwa ahageze cyangwa mu irushanwa hagati.

ELIE yaguze ticket 2 imwe iva Paris iza Kigali, ndetse n’iva Morocco igana Paris yo kumusubizayo (kuko niho competition yari kubera, yimuriwe mu Misiri ku munota wa nyuma)  Izi ticket zose ngo zamutwaye 900 Euros (ni hafi 750.000 Rwfs)

Gusa akigera I Kigali amafaranga ye ntabwo yayasubijwe, ndetse irushanwa ririnda rirangira ntayo ahawe mu gihe bamwizezaga ko NUR, MIJESPOC na FRVB bazahita bayimuha ariko nubu akaba agifata umwanya we ayabasaba.

Amakuru mashya aturuka muri Kaminuza y’u Rwanda ni uko kuri uyu wa gatanu MUTABAZI Elie yahamagaye KAYIRANGA Albert ushinzwe sport muri NUR (ari nawe ushobora kwihutisha iyi dossier) abwira Elie ko Dossier ye ntayo azi ko atigeze ayikoraho.

Elie Mutabazi yafashije NUR, muri ariya marushanwa ya champions Ligue, kwegukana umwanya wa 4 muri Africa, ubu NUR VC ikaba ihagaze neza mu ruhando mpuzamahanga muri Volley.

Ikipe ya NUR Volleyball nta shimwe yagenewe kubw’uwo mwanya mwiza yegukanye, ntabwo turibasabira ndetse umenya ritanaboneka ubu, ariko byibura uwagize ubwitange ngo uwo mwanya mwiza ugerweho nasubizwe utwe.

Umuseke.com