PGGSS 3 ibitaramo bya Live byatangiriye i Kigali. Amafoto

Kuri uyu wa Gatandatu tariki ya 29 Nyakanga 2013 nibwo live Road shows zatangiriye mu mujyi wa Kigali aho abahanzi 11 bari guhatarira igikombe cya PGGSS3 biyereka abafana babo, banerekana ubuhanga bafite mu majwi yabo  bwite, kuko noneho bari bafite abacuranzi bagiye kubacurangira ubundi bakigaragaza kakahava.

No hanze abantu ni uruvunganzoka bategereje kwinjira ngo birebere ibirori

Nkuko bisanzwe muri ibi bitaramo,  bitangizwa na tombola y’uko abahanzi bari bukurikirane kuri stage,  iyo tombola ikaba igenze itya:     1.C hristopher, 2. Bulldog, 3. Knowless, 4. sendeli, 5. Riderman, 6. Mico, 7. Urban boys, 8. Danny, 9. fireman, 10. Dream boys, 11.Kamichi.

Abashyushya rugamba muri iki gitaramo bakaba ari Mc Tino na Mc Anita bari buze gufashwa na Mc Lion Imanzi ari we umenyerewe cyane muri Live Road show za PGGSS.

MC Tino na MC Anita nibo batangiye bashyushya abitabiriye iki gitaramo

Bamaze guha umwanya Lion Imanzi bahise bagana mu byicaro babateguriye bakurikirana ibirori

Muri iki gitaramo haragaragaramo aba Judges bagize  akanama nkemuramaka, kazajya kerekana abitwaye neza kuri stage ndetse n’abagaragaje ubuhanga buhanitse ku majwi,  ku buryo bigaragarira buri wese uri gukurikirana iri rushanwa ko uzaryegukana azaba koko ari Super star nk’uko iri rushanwa ribivuga.

Abo ba Judges ni aba bakurikira : 1. Kidumu Kibido, 2. Twahirwa Aimable, 3. Mighty  Popo, 4. Aaron Tunga  bamenyerewe cyane mu muziki kandi bakaba bawufitemo ubunararibonye buhagije.

Uhereye ibumoso Might Popo, Twahirwa aimable, Aron Tunga na Kidumu

 

Guhera kuri Christopher witezweho kuba ari bwitware neza cyane muri Live Road show  kugeza kuri kamichi uri busoze kino gitaramo, bakaba bijeje abakunzi babo ko bari bugaragaze ko bafite umuziki w’umwimerere, ko  kandi nyuma yo kubasusurutsa muri Playback , bagiye kubereka ko na Live bayumva.

Umuseke.Rw ukaba ubabereye kuri Stade Amahoro ahagiye kubera iyi live Road Show, ukaba ugiye kubagezaho ku mafoto uko iki gitaramo kiri kugenda.

Liom Imanzi ahaye ikaze umuhanzi Christopher kuri Stage

Mbere yo kwinjira kuri stage Christopher ni uku yari ameze

Christopher yinjiye kuri Stage bwa mbere agira ati : ‘Mbivuze habona’

Nyuma ya Habona ati hari umunsi , akaba anejeje abakunzi be cyane

Mu Ndirimbo ye ya Kabiri yaryohewe arapfukama

Bulldog yinjiranye imbaraga nyinshi kuri stage mu njyuana ikunzwe cyane yitwa icyuki, akaba akuye hasi abakunzi be cyane

Bulldog na Khalfan bafatanya kuri Stage mu njyana basorejeho bise Cinema nayo ikuye hasi cyane abafana babo

Bulldog ati ntihazagire ubabeshya numero yanjye ni 2

Bulldog ati abandi bose bari gukina cinema ninjye mwami w’iyi njyana mpagaze bwuma muntore

Knowless yinjiye kuri Stage atwawe n’ababyinnyi be mu bwato

Stage ya Knowless yemeje abitabiriye iki gitaramo

Follow you ayiririmba hamwe n’ababyinnyi be bakoze ibintu biryoheye amaso

Knowless n’ababyinnyi be bagaragaje ubuhanga buhanitse kuiri Stage , Ntanuwahwema kuvuga ko Amanota ya Stage yose ari aye

Mu ndirimbo ye ikunzwe cyane yitwa Jalousie niyo  Sendeli   yinjiriyemo  kuri stage yambaye umugara

AhaSendeli n’ababyinnyi be bari gushyushya abantu mu njyana ye nayo ikunzwe cyane yitwa Nsomyaho

Sendeli ubwo yaririmbaga uyu mufana we yigaragaje cyane mumudiho. yikoreye n’akarahure ka Primus

Sendeli wari wambaye umugara n’ababyinnyi be bari baryohewe nabo baryohereza cyane abantu

Riderman na Mizzo bafatanya kuri stage binjiranye imbaraga nyinshi cyane kuri stage mu njyana ya hollo

Abafana ba Riderman bari benshi cyane muri iki gitaramo, baryohewe cyane bazamura udupapuro tw’umweru twanditseho Riderman

Riderman Mu ndirimbo ye yise abanyabirori, yanyujijemo yicara ku igaziye bazanye kuri stage bakora indirimbo ya Hollo

Riderman na ‘ababyinnyi be, babyinnye karahava

Mico yinyiye kuri stage agira ati Akabizu

Mico ati nukuri sinakwibagiwe indirimbo yakoranye n’umuhanzi Diamond iryoheye abantu cyane

Mico ati tuzakijyana

Mico yari yajyanishije n’ababyinnyi be

Urban Boys bazwiho imyambarire inogeye amaso, bakoze defile  binjira kuri stage bafatanyije n’ababyinnyi babo

Urban Boys bazwiho imyambarire myiza kandi idasanzwe basesekaye kuri stage mu njyana yabo ikunzwe cyane yitwa Bibaye , abakunzi babo baranezerwa karahava

Babyinnye Sipiriyani nyuma ya bibaye bafatanyije n’ababyinnyi babo abantu baranezerwa cyane

Abafana ba Urban Boys bari bahabaye bashyushye cyane

Danny yinjiye kuri stage aramutsa abakunzi be cyane

Danny yagaragaje imbaraga nyinshi cyane kuri stage

Danny n’ababyinnyi be bakase umuziki karahava

Danny na Titi binjiye kuri stage mu njyana bise Mbikubwire

Fireman yinjiye kuri stage agira ati Mama Rwanda agana kuri stage

Fireman n’ababyinnyi be bati Amaboko hejuru

Umufana wa Fireman yabyinnye karahava

Fireman Jay c n’ababyinnyi be bashyuhije abantu cyane mu ndirimbo Itangishaka

Dream Boys bagaragaje imbaraga nyinshi kuri Stage

Dream Boys bagaragara neza kuri Stage mumyambarire myiza

Platini mu Njyana ya No one like You yagaragaje ubuhanga buhanitse

Ababyinnyi ba Dream Boys Bagaragaje udushya twinshi kuri Stage

Kamichi n’umuhanzi Gisa cy’Inganzo bafatanya kuri stage mbere yo kujya kuri stage babanje kurya ka Pomme.

Binjiye kuri Stage baririmba injyana ya Kamichi ishyushya abantu cyane yitwa Byacitse

Kamichi yagaragaje imbaraga nyinshi mu ijwi rye ryiza abantu bararyoherwa karahava

Abafana ba Kamichi bagaragaye ari benshi mu gitaramo akaba nawe atabatengushye yabaryohereje bihagije

Yasoje agira ati Amahoro kuri mwese mwandike 6 mwohereze kuri 4343 maze igikombe tukijyane

Igitaramo gisojwe mu ma saa  tanu z’ijoro, ikindi gitaramo nk’iki kikazabera mu mujyi wa Muhanga kuri uyu wa Gatandatu tariki ya 6 Nyakanga 2013.  Umuseke ukazahababera Live nk’uko bisanzwe.

Ushobora gukurikirana iyi mihango igihe iba iri kuba HANO

Photos/PMuzogeye

Roger Marc RUTI
UM– USEKE.RW