Babou, Koudou n'abandi barataramira abakunzi babo muri Greenwich Hotel

Nk’uko mumaze kubimenyera, Greenwich Hotel itegurira abakiliya bayo ibitaramo birimo abahanzi batandukanye bakunda, kuri iyi ncuro ku bufatanye n’inzu itunganya muzika ya BMCG yabatumiriye abahanzi batandukanye bakorera muri iyo nzu barimo umwana muto Babou, Koudou wahoze mu itsinda rya The Brothers n’abandi.

Aba bahanzi ngo biteguye kuzaza gususurutsa abakiliya ba Greenwich Hotel n’indirimbo z’umwimerere kandi bakazacurangira abazaba bitabiriye iki gitaramo mu buryo bw’umwimerere.

Iki gitaramo kizaba kuwa gatanu tariki 06 Kamena,guhera saa mbiri z’ijoro, kwinjira bizaba ari amafaranga y’u Rwanda ibihumbi bibiri (2 000 frw) ku muntu umwe.

Greenwich Hotel iherereye i Remera ku muhanda ujya Kanombe uturutse kwa Lando, yegeranye n’Inama y’igihugu y’Itangazamakuru mu Rwanda.

ububiko.umusekehost.com