Riderman arifuza kuzabona Perezida Kagame yaje muri concert

CHIEF EDITOR
09/08/2014

Gatsinzi Emery umuraperi uzwi muri muzika nka Riderman, ngo yifuza kuzabona Perezida w’u Rwanda Paul Kagame muri concert y’umuhanzi nk’uko ajya amubona kuri stade yaje kureba umupira.

Riderman yifuza kuzabona Perezida Kagame muri concert y'umuhanzi nyarwanda — Riderman yifuza kuzabona Perezida Kagame muri concert y’umuhanzi nyarwanda

Perezida Kagame aboneka gacye cyane mu bitaramo bya muzika kurusha uko agaragara mu mikino y’umupira w’amaguru cyangwa Tennis akina nawe ubwe. Mu gihe gishize yagaragaye mu gitaramo cya Gakondo Group kibera muri Mille Collines

Riderman avuga ko yifuza kuzabona Perezida Kagame yaje gushyigikira n’ibitaramo bitandukanye bitegurwa n’abahanzi b’abanyarwanda.

Uyu muraperi ashimira cyane uburyo abayobozi mu Rwanda bashyigikira imyidagaduro imaze kugira agaciro uyu munsi.

Ati “Mbere wasangaga abayobozi bamwe batanazi n’izina ry’umuhanzi n’umwe w’umunyarwanda, ariko ubu usanga abenshi munaziranye ndetse munaganira cyane. Mbona imyidagaduro mu Rwanda ifite ejo hazaza heza.”

Kuri we ariko haracyari byinshi byo gukora kugira ngo umuziki ugire agaciro kurushaho, akaba avuga ko mu gihe muzika nyarwanda izakomeza gutera imbere bishoboka cyane ko na Perezida wa Republika yazajya yitabira ibitaramo kurusha uko abikora ubu.

Ati “Ikintu njya nifuza mu gihe nkiri umuhanzi, ni ukuzabona Perezida Kagame muri concert y’umuhanzi runaka. Kuko ni umwe bayobozi b’igihugu ukunda imyidagaduro ugereranyije n’abandi”.

Joel Rutaganda
UM– USEKE.RW

0 Comment

dede says:
09/08/2014 at 11:38

Sha mugihe mukirirmba “pipiriripipi”, “Rusake”,”horo”,sentiment,caguwa…. ntimuzamutegereze kabisa.

si uku baca intege ariko muzajye muegerageza mukoreshe n’amagambo asobanutse atari ayo mumuhanda.
- hello says:
  09/08/2014 at 14:40
  
  Dede uvugishije ukuri rwose nonese pipiriripipi koko niyo yaza kureba! ubutumwa ki se burimo!! mwige kuririmba ubundi ibikorwa byanyu bizatuma ibitaramo byanyu byitabirwa kurwego rushimishije

soso Mado says:
09/08/2014 at 12:05

Mwibuka anenga inyoni yaridunze? mu byukuri imiririmbire yanyu yigisha iki? uretse abatazi gusesengura ngo bumve ko nta kintu muba muvuga? Ubwo se Presida yaba aje kumva ubuhe butumwa mutambutsa kweli?
Muzumve uko abahanzi ba kera bahangaga ureke mwe mwigize aba dot com.
Sorry..

bijou says:
09/08/2014 at 12:23

ibyo nuguca intege barumuna banyu & bashikibanyu !!icyo kifuzo nikiza kabisa,kuko ubara ahera kuri rimwe mwe muvuga abakerase ubu turi kera? cg turubu ? muge mumenya gushyigikira abanyu nabo bazagira ishema bitume bagira imbaraga zoguhimba nibindi byiza bizabateza imbere ndetse bigateza nigihugu imbere :murakoze

chaz says:
09/08/2014 at 14:27

IKIPE NIYO YISHAKIRA ABAFANA SHA!! MUTEKEREZA KO MUGIHE MUKIRIRIMBA INDIRIMBO ZITAMPAYAGACIRO MUZIGERA MUBONA PRESIDENT W’IGIHUGU AJYA KUMVA AYOMANJWE YANYU KOKO!!! IBIKORWA BIRIVUGIRA. AYO MAKIPE MUVUGA NGO AJYA KUREBA ABA YAKOZE NIBA NKA APR YARAGEZE KURI FINAL NI GUTE PRESIDENT ATAJYA KUBAREBA SE MUGIHE BAGEZE FINAL.

ali says:
09/08/2014 at 15:33

ubwose yaza kubareba byanyuze muyihe nzira? pipililipipi se, rusake se,horo se? barabashukaaa!! ntabwo yakumva ayo manjwe yanyu

HIT says:
09/08/2014 at 20:19

Riderman arivugira kabisa.,ubu Afande PC nuwo kuza kumva Amag (uruhinja) ,sender,(nsomyaho) nubundi bugoryi bwinshi muduhangika ngo Ni PLAYBACK .. Erega ntimukabone muri guma guma huzura ngo ugirengo nugukunda umuziki,Wapi nuko ARIBYUBUNTU.
Uzarebe match ya rayo na APR TICKET BARAZIHENDA,kandi abantu batangira kwinjira 11h.
NTAHO BIHURIYE NTIBITEZE NO KUZAHURA:ruhago iruta izo playback zanyuu.

Nangamafuti says:
09/08/2014 at 20:20

Ariko kuki mugondoza Perezida Kagame!
Dufite amahoro n’umutekano, urubyiruko ruriga kandi rukidagadura kuko igihugu kirinzwe neza.
Yabahaye ministeri y’urubyiruko, iy’umuco na siporo, iyo mushatse ko kanaka ababera minisitiri,Perezida Kagame arabibakorera atitaye ku bindi biba bivugwa.
None ko mumusaba kuza mu bitaramo byanyu, azakurahe igihe cyo gupangira igihugu gahunda nziza z’ejo hazaza.
Ese ahubwo uwakubaza wowe wifuza ko Perezida Kagame akuzira mu gitaramo, ahubwo wowe mu buzima bwawe bwa buri munsi witwara ute? Uri intangarugero mu rubyiruko rw’iki gihe rurimo rusarura imbuto ziryoshye cyane ariko zisarurwa ku giti cy’umuruho?

uwayezu says:
09/08/2014 at 21:07

ubutumwa mu ndirimbo zanyu ntabwo mugerageze mushake inganzo nyayo naho ubundi prezida ntabwo yaza aje kureba ” ndi rusake sindi dendo” wowe se urumva harimo iki?

Hec says:
09/09/2014 at 04:35

Nimuririmbe ibintu bizima, mugerageze gukora umuziki utari ibyo mwita umuziki kandi ari urusaku maze murebe ko atazaza. Aho kuvuga ngo akwiye kuza kumva “ndi rusake sindi dindon” Riderman niyibaze nyine impamvu yaje kumva Gakondo ariko akaba ataza kumva aho mwitakuma muterana amagambo, muvuga ngo dore umwana uhiye nk’aho umuntu ari ikintu bateka, etc.

ukuri says:
09/09/2014 at 05:37

Uyu se siwe wari ufunzwe azira ibyaha ntibuka abandi ntibavugwaho kurwana kunywa ibiyobyabwenge. …… Sibo bafite imisatsi imeze.nk’ubwoya bw’…….yaguye mu mazi….. Siba bavugwaho gutera abakonwa amada. ..bakihamana abana babyaranye….abantu nk’aba HE nubwo ntari umuvugizi we ntabakeneye….

Del says:
09/09/2014 at 07:10

Ariko president yararushye koko,uretse nawe nange wumuturage sinaza kumva ibyo muvuga.ayomahomvu yanyu ngo murahangara.sha aje kubumva yahita yiheba yabonako ntabantu ayobora rwose.umukobwa akaduka akaririmba ngo ;nkora ahushaka hose; kweli esemwazagiye mwiha agaciro.puuu muzigaye nimba ntakinyarwanda muzi muge mwegera abakuru.

RHM says:
09/09/2014 at 09:02

MURAHO MWESE NUKURI IBYO MUVUGA NUKURI RWOSE.NYJE NDAGIRANGO NGIRE ICYO NISABIRA ABARIRIBYI BO MU RWANDA MUJYE MWEGERA ABAKURU BABAHE INGANZO MWUMVE IKINYARWANDA KIZA NKAWE RIDERMAN MAMA WAWE NU MWARIMU KAZI KUKI UTAMWEGERA NGO AGUHE INGANZO MUGIHE MUKIRIRIMBA UBWO BUSA BWANYU PRESIDENT WACU NTAWE MUZABONA KUKO NIBYINSHI ABA ARIMO,SI MUVUGIRA ARIKO NAWE NDAHAMYA NEZA KO ATAZA KUBAREBA.GUSA SIMBACA INTEGE ARIKO MWIHANGANE MWISUBIREHO.BYIBURA DA TOM APFA KUGERAGEZA.