Pariki y’Akagera: Amafoto y’inyamaswa ‘ziyituyemo zituje’

Iyi pariki yashinzwe muri 1934 ikaba ifite ubuso bwa   1,122 km². Ni imwe muri pariki Ikora ku mupaka w’u Rwanda na Tanzania. Kubera ibibazo by’ubwiyongere bw’abaturage ndetse no gutahuka kw’impunzi, ubuso runaka bw’iyi pariki bwigeze kwangizwa n’ibikorwa bya muntu. Muri iki gihe yasubijwe ubuzima, inyamaswa ziyituyemo zirakenye. Ikora ku turere twa Kayonza, Gatsibo na Nyagatare.

Muri 2010 ikigo kitwa African Parks hamwe na Leta y’u Rwanda cyatangiye gukora ibishoboka kugira ngo iyi pariki yongere isubire uko yari imeze  mu myaka yashize.

Iyi Pariki yiswe Akagera kubera uruzi rw’Akagera ruyambukiranya mu gice cyayo cy’Uburasirazuba rukanaha amazi ikiyaga cya Ihema.

Muri iyi pariki harimo ibiyaga bitandukanye, ibibaya, ibisiza, imisozi, n’ibindi bituma iba imwe muri pariki zihariye muri Africa.

Abahanga mu binyabuzima no kurengera ibidukikije bavuga ko Pariki y’Akagera ifite urusobe rw’ibinyabuzima rukize cyane kandi ikaba ifite ibiyaga byinshi birimo ibinyabuzima byinshi.

Iri mu za mbere zitaweho na Leta muri Africa.

Inyamaswa ziba muri pariki y’Akagera zirimo amoko menshi:

Hari imbogo, intare, ingwe, impyisi, inzovu, impala n’imparage, inyemera, amoko y’inzoka, inyoni zo mu moko menshi n’izindi nyamaswa.

Amafoto yerekana zimwe mu nyamaswa ziba muri Pariki y’Akagera:

Reba video ubwo inkura zavuye i Burayi zinjizwaga muri iyi pariki:

Photos@RDB(with partners)& UMUSEKE.RW

UMUSEKE.RW