Mu gihugu cya Turikiya hagaragaye Vampire

Webmaster Marcel
02/12/2013

Umusore w’imyaka 23 wo mu gihugu cya Turikiya ari kuvurirwa mu Bitaro bya gisirikare bya Denizli byo muri icyo Gihugu kugira ngo barebe ko yakira ubukana bwo kuba inganzwa yo kunywa no kwinyunyuza amaraso akayanyunyuza n’abandi.

Direnc Sakarya umuganga uri gukurikirana uwo murwayi yatangaje ko uwo murwayi yatangiye anywa amaraso ye ubwo yitemaga ku nda, ku maboko no mu gituza akoresheje urwembe yarangiza akareka amaraso ye mu isafuriya akayanywa nk’uko urubuga 7sur7.be rubitangaza.

Uyu musore yatangiye gahoro gahoro ariko ubukana bwo gukunda kunywa amaraso bugenda bwiyongera noneho atangira kuruma n’abandi bantu ndetse akanywa amaraso yabo kuburyo yageze n’aho ategeka se umubyara kumuzanira amaraso.

Umwe mu baganga bavura indwara zo mu mutwe wakurikiranye uwo murwayi aratangaza ko iyo myitwarire y’ubuvampire y’uwo murwayi ifitanye isano n’amateka y’imibereho ye.

Atangaza ko uwo musore yakuriye mu kagi gato ko muri Turikiya karangwamo ibikorwa by’ubunyamaswa byinshi, akaba kandi yaragiriwe ubugome bukomeye cyane na nyina wari ufite uburwayi bwo mu mutwe bigatuma akurana iyo mico y’ubunyamaswa.

Ubwo burwayi bwaje kwiyongera ubwo umwana w’umukobwa w’uwo murwayi wari ufite amezi ane yaje gupfa urupfu rutunguranye azize uburwayi bigahurirana n’iyica rubozo rya nyirarume we.

Kuva icyo gihe yahise atangira guta ubwenge ajyanwa kwa muganga. Iyo yavuganaga n’abaganga yababwiraga ko arimo abantu babiri, umwe muri bo akaba ariwe wamutegekaga kugirira nabi abandi bantu anamutegeka kwiyahura.

Nyuma yo kuvurirwa muri ibi bitaro baratangaza ako ari gukira ubu burwayi bwo kuba inganzwa y’amaraso cyangwa se kuba vampire ariko ko hari izindi ndwara bijya gusa akirimo kuvurwa.

Roger Marc Rutindukanamurego
UM– USEKE.COM

0 Comment

Bwiza says:
02/12/2013 at 20:13

Umuseke.com murabambere mutumara irungu.
- Inzobere says:
  02/12/2013 at 22:34
  
  Mu izina rya Yesu,baraheze iyo!!

Tim Osman says:
02/12/2013 at 20:40

Vampires are just spirits-devil.
- Inzobere says:
  02/12/2013 at 23:51
  
  Mu izina rya Yesuu!!

med says:
02/12/2013 at 22:25

Mu izina rya Yesu!!baraheze iyo!

kamana says:
02/12/2013 at 22:58

k

Jean says:
02/13/2013 at 06:43

Isi yarangiye.

Ntwali says:
02/13/2013 at 09:31

Umuti nta wundi uretse kumusengera iyo roho mbi ikamuhunga.

Ntwali says:
02/13/2013 at 10:10

mu izina Rya Yesu.
- MUHIRE DENYS says:
  02/19/2013 at 13:41
  
  mu izina rya Yesu habe iki?

mico says:
02/13/2013 at 12:09

Bamwice atanduza nabandi twese tukazaba ama vampires

HITIMANA BENJAMIN says:
02/13/2013 at 16:55

uyu musore ndabona ababaje peeeeeeeeeee me imana izamufasha abivemo kndi ndabyizeye

Iganze says:
02/13/2013 at 17:15

Iri ni ishyano mbonye. Ese koko ba bantu ba muri filmes babaho? Mwami Yezu utabare uwo muntu n’izo roho mbi zicibwe ku isi mu bantu wacunguje urupfu rubabaje rwo ku musaraba

Iganze says:
02/13/2013 at 17:22

Mwiriwe? Mico kumwica kwaba ari ukumuhora iki? Yagize ibyago ararwara none aho kuvuzwa yicwe? Oya shenge.Tumusengere twese Yezu amukize, kandi iyi myuka mibi yo gatsindwa icibwe ku isi mu bantu bamenewe amaraso na Kristu. Ese iyo Leta yo ntiyari izi kurengera abana kugera aho umurwayi wo mu mutwe akorera umwana muto ibintu bibi bikarinda kumutera ubunyamaswa? Uyu papa we numvise muri iyi nkuru se we kuki atatabaye umwana we ngo akure arinzwe kubabazwa?

fidèle says:
02/15/2013 at 08:18

IYINKURU IRABABAJE, ARIKO NDAGIRA ABABYEYI INAMA BAJYE BAGERAGEZA KURINDA ABANA IMIBABARO.
- MUHIRE DENYS says:
  02/19/2013 at 13:39
  
  nonese ababyeyi nibo bazarinda abana kuba za vampire?